السلام عليكم
كنت عايز اعرف افضل اللقم و البرايز الكهربائية واسعارها .. وايه المفضل ؟؟ وفيه حد معين "تاجر" اشتري منه ؟ وتكون الحاجة مضمونة ونضيفة صيني او ايطالي او اي حاجة تانية
السلام عليكم
كنت عايز اعرف افضل اللقم و البرايز الكهربائية واسعارها .. وايه المفضل ؟؟ وفيه حد معين "تاجر" اشتري منه ؟ وتكون الحاجة مضمونة ونضيفة صيني او ايطالي او اي حاجة تانية
فى البرايز ابعد عن البتشينو فتحاتها واسعة ومقرفة، وبرضه ابعد عن برايز الامان اللى بتكون مقفولة وتفتح بضغط ايدك عالفيشة لانها مع الوقت السوست بتبوظ وهتغيرها
احسن و أرخص مكان تشترى منه شارع الكهربا اللى ورا المطافى بتاعه العتبه فى الشارع الموازى لشارع عبد العزيز
التجربة اثبتت ان الباتشينو افضل الانواع .... طبعا ده لا يشمل الانواع الغالية المستوردة
باتشينو بقالو اكتر من 10 سنوات وشغال كويس
ابعد عن الصيني والاتحاد الاوربي اللي مالوش اسم
المكان سوق الكهرباء في العتبة خلف المطافي
لوجراند الفرنسى legrand
جميع المشاريع اللى بعملها بتستخدمه بنوك و مولات وخلافه
بس غالى بصراحة بس تمنه فيه و انساه مدى الحياه
الباتشينو كويس بس الايطالى الاصلى مش الصينى اللى فى العتبه
الله ينور عليك و علي والديك ..
البتشينو الأصلي اللي في السوق يا جماعه مصري و اللي واخد ترخيص تصنيعه من إيطاليا هي شركه ميشيل أحد في مصر .. توكيل يعني .
و المصري بصراحه من المنتجات المحترمه و أنا إستعملت الفيش بتاعته في شقتي لمده 5 سنوات حاليا و الحمد لله الفيش موسعتش مع إني دائم شيل و حط الفيش و من كام شهر جبت فيشه منهم و سعرها 5 ج تقريبا .. و خلوا بالكوا في توكيل في العتبه بيبيع منتجات البتشينو المصري (الأصلي) بس مش حقول إسمه عشان ميبقاش دعايه .
و أنصح بالإهتمام يا جماعه بخامات الكهرباء لخطورتها الشديده و بلاش أي أسلاك أو فيش صيني و بلاش الخوف الغير مبرر من المنتج المصري ..
و عاوز أضيف معلومه و إستفسار في نفس الوقت :
فيه مفتاح عمومي في لوحه كهرباء الشقه الداخليه بيركب إسمه إيرث لوكيدج و ده وظيفته إنه لما الواحد ييجي لا قدر الله يتكهرب بسبب ميه في الحمام مثلا أو طفل دخل حاجه معدن في الفيشه .. ف المفتاح ده بيفصل الشقه كلها في جزء من الثانيه..
حد عنده فكره عنه ؟
و أفضل نوع إيه؟
و بييجي كام أمبير ؟
أسف للإطاله.
هو ميشيل احد ده مش بتاع العربيات الفاجره ؟
مش عارف والله يا جماعه
أنا اللي أعرفه إن الشركه دي هي وكيل بتشينو الإيطالي في مصر.
المفتاح الارث ليكج للاسف مينفعش فى البيوت لانه لازم يكون فى بير ارضى وده فايدته ان بيسرب الكهرباء الزيادة من المعدة عشان لو حد لمسها على البير وهو بيبقى عبارة عن بارات نحاس تدق فى حفرة 1*1*1.5 متر عمق وتردم بملح وفحم ثم رمل او نجيله وتكون جزء من البارات ظاهر على السطح وتغطى بحجرات اسمنتية ويفضل عمل البير فى الجناين
الانواع كتير بس اعتقد افضلهم شنيدر و ايه بى بى
حساب الامبير على حسب الحمل بتاعك سواء معدات او اجهزة طبية .......
Gewiss ايطالى كويس جدا
كلام حضرتك سليم 100/100
بس صديق ليا ركبه في شقته و بيحكيلي إن زوجته رشت مياه بالخطأ أثناء تنظيف الحمام و المياه دخلت في الفيشه جامد و إتكهربت الأرض بالمياه و الزوجه إصطدمت بالأرض من الكهرباء.. بيحكيلي إنه لقي مفتاح الإيرث ساقط.. و حمد ربنا إنه مركبه .
إيه رأي حضرتك في الموضوع ده
و كان بيقوللي إن سعر المفتاح في حدود ال 300 ج.
لا خالص بيقوللي مهندس صديقه مركبهوله في اللوحه و موصله بطريقه مش فاكرها .. و هوه ساكن في عماره عاديه
الطرف التالت اسمة ناتيرال و مكن ينفع يوصل بحدبد التسليح لو في طريقة لكدة و هو معمول لتفريغ الشحنات الزايدة
ايه يا جماعة محدش هيكملنا المعلومات المطلوبة ولا ايه
هجيبلكم بأذن الله معلومات مفتاح الإيرث لوكيدج
لما اروح الشغل يوم الخميس
لأن احنا مجال شغلنا ايرث :)
بس هعرفلكم ده ينفع لشقة من غير بير ولا لأ
لأن احنا بنركبة بس علي بير
وسعره اغلي من كده طبعا للأ نة انجليزي اصلي
استاذ هيما اعتقد حضرتك شغال فى شركة otak
معاها توكيل wallis الانجليزى بتاع انظمة الارضى صح كده ؟ ده تخمين مش اكتر
انا اقصد اجيب لقم ايه .. انهي تفاصيل اسعار كفاءات .. كده يعني .. يعني عايز اجيب حاجو حلوة بس سعرها مناسب ..
انا عرفتلكو مفتاح الأرضي
ده فعلا بيركب قبل العمومي
وطريقة شغلة ان لو الأرضي دخل علية كهربا يفصل او العكس
وسعره من 300 الي 400
بيركب قبل المفتاح العمومي بره الشقة خالص
هسالك ممكن تجيبة منين
استاذ هيما ممكن اسم شركة حضرتك عشان نشتغل مع بعض عشان بحتاج كتير اسعر منتجات و نشتغل مع بعض فى مشاريع ان شاء الله furse and wallis وكلامك صح مفيش وكيل ليهم بس فيه موزع معتمد
يا ريت ماركه محترمه لمفتاح الإيرث لوكيدج اللي بيركب في الشقه .. و هل لفظ(إيرث لوكيدج) ده ماركه و لا مواصفه .
و ياريت طالما معانا أعضاء أفاضل متخصصين و فاهمين الموضوع يقولولنا طريقه تركيبه في الشقه واحده واحده ..
أنا معنديش في اللوحه الداخليه في الشقه مفتاح عمومي .. الكهربائي ساب مكانه فاضي و قاللي لما تجيب مفتاح الإيرث نركبه في المكان الفاضي و يشتغل إيرث و عمومي في نفس الوقت .
و لا لازم يركب بره الشقه؟
مع العلم إن بره الشقه راكب مفتاح عمومي شنايدر إسود 63 أمبير .
هو لازم يدخلة كهربا وارضي مع بعض
يتحط برة ولا جوة دي مش مشكلة
بس الاحسن انة يتحط قبل المفاتيح العمومية علشان يفصل عنها لو حصل قفلة
ماركة اسمها عباس