الموضوع: عاوز اشتري نيسان تيدا ٢٠١٣ وخليف من تغير الشكل و المواصفات

المشاركة الأصلية كتبت بواسطة youssef.awad

من رأيى وعن تجربة اللى ركب نيسان مش بيملى عينه غير عربية اعتمادية زى نيسان ومشكلة الفرنساوى بالذات وخاصة بيجو سيتروين هو الموضوع ده والتوكيلات فى مصر اللى كل يوم بحال وقطع الغيار وتوافرها وتشخيص الاعطال وسعر اعادة البيع كلها عوامل تخلى اى واحد يفكر فيها قبل الشراء
انما رينو فمضمونها اتغير تماما بعد شراكتها مع نيسان فى 1999 ومن وقتها وفعلا كل عيوب الرينو شبه اختفت وبدأت نيسان تصبغها بقوتها واعتماديتها المعهودة وقوة تكييفها وتفاصيل تقنية كتيرة زى المحرك والفتيس وانظمة التعليق

نصيحتى لحضرتك طالما مش مقتنع 100% بالتيدا وخايف من تغيير الشكل وغيرها وطالما كمان سعر البيجو 408 اول فئة اتوماتيك ب143 الف ج والاعلى ب160-170 الف ج
يبقى الافضل - من وجهة نظرى - تفكر بشكل جدى فى اختيار مختلف ونيسان برضه هو القاشقاى والفرق مش كبير اوى وحضرتك هاتحجز بالسعر الرسمى والاستلام خلال 3 شهور يعنى على شهر يناير زى ما حضرتك عاوز .. وصدقنى عن تجربة العربيات العالية عن الارض بتفرق فى الركوب فعلا وهاتفضل مع معشوقتك نيسان وهاتستمتع بيها باذن الله واطمن لأن شكلها مش هايتغير قبل آخر 2014 يعنى مش قبل سنتين من دلوقت

الاعتمادية في النيسان لا غبار عليها ... و هي ديه مشكلتي أني خائف اندم لو غيرت.

بس القشقاي الاتوماتيك ب ١٧٥ ألف
فكرت في سيلفي ١٥٥٠٠٠ بس بصراحه قله اهتمام نيسان بها و عدم انتشارها قلقني.

فكرت أروح للتيريوس من دايهادسو بس بصراحه حسيت أنها مستوي لا يليق بالياباني.

المشاركة الأصلية كتبت بواسطة Cairo lion

سؤال مهم هنا
موافقتك لي علي الرهان علي ال 408 لان الشركه هتتحمل معي جزء ولا لانها تستاهل ؟
اصل في الآخر ده جزء من تعبي بس بيشترطو عربيه موديل السنه و يتكلمو تاني بعد خمس سنين .
و بصراحه أنا معيش أجيب كسر زيرو دلوقتي.

بس علشان مطولش علي حضرتك أنا لما راهنت علي النيسان كان السبب الرئيسي الاعتمادية ثم الاعتمادية ثم الاعتمادية .
البيجو بقي الاعتمادية بتاعتها عامله ايه بجانب النيسان؟؟؟؟؟؟؟؟؟؟؟؟؟ . و موضوع التوكيل ده بشهاده ناس كتير بقي أحسن بعد ما اتباع.

انا وافقت بصراحه علشان الامكانيات بتاعه العربيه كموتور و امان و كماليات و شكل و تقفيل لا غبار عليهم و لم اخذ فى الاعتبار التوكيل و الاعتماديه و سعر اعاده البيع لان الشركه هى اللى هتتحمل معظم الحاجات دى لكن بما ان حضرتك اولوياتك هى الاعتماديه فالموضوع كده محسوم بالنسبه لنيسان بدون شك و انا عايز اقترح على حضرتك بقى كده القشقاى مش التيدا و ده لانى حاسس ان حضرتك مش مقتنع تماماً بال تيدا و تمسكك اكتر بالاعتماديه بتاعه نيسان بصفه عامه و لذلك أرشح القشقاى كاختيار فيه كل اللى حضرتك عايزه . العربيه دى ممتازه و عاليه عن الارض و فيها كل وسائل الامان و الكماليات اللى تتمناها و هى زى ما حضرتك عارف تقفيل انجليزى و التقييمات اللى زملاؤنا فى القسم عملوها بالاضافه للى بتتعمل بره كلها بتشكر فيها و ان شاء الله تقعد مع حضرتك الخمس سنين و اكتر كمان و انت مبسوط منها و بكده تفضل معاك الاعتماديه و الرفاهيه و الكماليات و التوكيل و الثبات و هتاخد معاها كمان بالمره سعر اعاده البيع. اهم حاجه لو حضرتك نويت انك تلحق تحجز اليومين دول من التوكيل علشان يا دوب على يناير تقدر تستلم او تكون قربت قوى من الاستلام بالسعر الرسمى اللى هو ١٧٥ الف فقط بعيد عن الاوفربرايس الملعون و انا عارف ان فى فرق سعر محترم بينها و بين التيدا بس لو العربيه هتقعد معاك و هتلاقى فيها كل اللى انت عايزه يبقى فرق السعر يستأهل و ممكن تنزل تتفرج علىها فى اى معرض و بعد كده شوف رأى حضرتك هيبقى ايه و هل التيدا و ال 408 هيفضلوا فى قائمه الاختيارات و لا هيتبخروا

المشاركة الأصلية كتبت بواسطة land_cruiser

انا وافقت بصراحه علشان الامكانيات بتاعه العربيه كموتور و امان و كماليات و شكل و تقفيل لا غبار عليهم و لم اخذ فى الاعتبار التوكيل و الاعتماديه و سعر اعاده البيع لان الشركه هى اللى هتتحمل معظم الحاجات دى لكن بما ان حضرتك اولوياتك هى الاعتماديه فالموضوع كده محسوم بالنسبه لنيسان بدون شك و انا عايز اقترح على حضرتك بقى كده القشقاى مش التيدا و ده لانى حاسس ان حضرتك مش مقتنع تماماً بال تيدا و تمسكك اكتر بالاعتماديه بتاعه نيسان بصفه عامه و لذلك أرشح القشقاى كاختيار فيه كل اللى حضرتك عايزه . العربيه دى ممتازه و عاليه عن الارض و فيها كل وسائل الامان و الكماليات اللى تتمناها و هى زى ما حضرتك عارف تقفيل انجليزى و التقييمات اللى زملاؤنا فى القسم عملوها بالاضافه للى بتتعمل بره كلها بتشكر فيها و ان شاء الله تقعد مع حضرتك الخمس سنين و اكتر كمان و انت مبسوط منها و بكده تفضل معاك الاعتماديه و الرفاهيه و الكماليات و التوكيل و الثبات و هتاخد معاها كمان بالمره سعر اعاده البيع. اهم حاجه لو حضرتك نويت انك تلحق تحجز اليومين دول من التوكيل علشان يا دوب على يناير تقدر تستلم او تكون قربت قوى من الاستلام بالسعر الرسمى اللى هو ١٧٥ الف فقط بعيد عن الاوفربرايس الملعون و انا عارف ان فى فرق سعر محترم بينها و بين التيدا بس لو العربيه هتقعد معاك و هتلاقى فيها كل اللى انت عايزه يبقى فرق السعر يستأهل و ممكن تنزل تتفرج علىها فى اى معرض و بعد كده شوف رأى حضرتك هيبقى ايه و هل التيدا و ال 408 هيفضلوا فى قائمه الاختيارات و لا هيتبخروا

كلام حضرتك صح مائه بالمائه ...... ناقصني بس أني افكر في فرق السعر ده.

بس ليه حضرتك محبته سيره السيلفي خالص !!!!!!!!!!!!!!!!!!!!!!!!!

المشاركة الأصلية كتبت بواسطة cairo lion

كلام حضرتك صح مائه بالمائه ...... ناقصني بس أني افكر في فرق السعر ده.

بس ليه حضرتك محبته سيره السيلفي خالص !!!!!!!!!!!!!!!!!!!!!!!!!

انا قاصد فعلا علشان البلوبيرد سيلفى دى اقل عربيه من عربيات نيسان من ناحيه الانتشار و جائز من اسبابه انها تقفيل صينى و سعرها عالى و حتى عدم اهتمام نيسان نفسها بالدعايه لها و موضوع عدم الانتشار ده يقلق فى موضوع سعر اعاده البيع عامه و أنهم فى التوكيل يكون عندهم الخبره العمليه الكافيه فيها و اللى بتيجى من عمل الصيانه للعربيات و بالممارسه الفعليه اللى تعتبر نادره فى حاله البلوبيرد و كمان توافر قطع الغيار و الكلام ده مرتبط بالاعتماديه و فى رينج السعر بتاعها قريب من الكورولا و الفلوانس و عربيات تانيه كتيره على الاقل منتشره عنها فى الشوارع و كمان سعرها مش بعيد عن القشقاى و لذلك استبعدتها من الحسابات على اساس انها فى الاخر سيدان و التيدا منتشره عنها بكتير لكن اللى فكرت فيه هو فئه تانيه اعلى و فيها جميع المزايا بحيث ان حضرتك تدفع فلوس زياده شويه صحيح بس تاخد الحاجه اللى انت عايزها كلها مره واحده و تبقى مشترى و انت مقتنع ١٠٠٪ مش بتضحى بحاجه فى سبيل حاجه او تشترى حاجه و بعد كام شهر تزهق منها و تقول ياريتنى ما اتسرعت

أشكركم بشده
انتم فعلا ربنا يبارك فيكم و الجميل أوي ان الكلام عملي و منسق مش انحياز بدون اسباب.



جزاكم الله خير

مشكله الداستر و السانديرو بشكل خاص أنهم مفيهمش اتوماتيك .
و الرينو بشكل عام أسعار قطع الغيار