انضف مواتير استيراد bmw فين؟

**bimmeraddict** · 28-10-2012 11:10 PM

انا عاوز اشتري موتور بي ام. استيراد m42 اجيبه منين ويكون واحد مضمون وحاجته مفيهاش لعب ؟ وازاي اشتري موتور استيراد؟
لان اللي سمعته انك مبتعرفش حالة الموتور الا لو ركب في العربية؟

**bimmeraddict** · 29-10-2012 08:20 PM

هو السؤال صعب للدرجة دي

**Sherif_WMB** · 30-10-2012 12:18 AM

عماد المصري في الدقي : 0114441344
زهير في الحرفيين : 0101763094 – 0105123717
محمد رحمه, كمال نصار, العمده, احمد ميدو فى الحرفيين

بس مين عندو احسن مواتير دى معرفهاش :)

بس سألت عند زهير قالى الحاجة لو مش كويسه بترجعها و تاخذ غيرها عادى

محمد رحمه قالى ان كل موتور بيجيبه بالفتيس بتاعو مش بيجمع ده مع ده زى باقى التجار و قالى بيجيو من برة بالدكسيون ناحيه الشمال زى مصر لكن الباقى بيجيبوه ناحية اليمين

كمال نصار قال عنه عضو قبل كده انه شاف عنده من انضف المواتير بس سعره بيبأه اغلى 500 او 1000 جنية

عماد المصرى قال عنه عضو قبل كده انه راجل محترم جدا و بيجيبلك الفنى من التوكيل يركبلك الموتور

دى المعلوماتت اللى عندى لو انتا عرفت حاجه جديده ياريت تقولنا بقا :)

**bimmeraddict** · 30-10-2012 12:28 AM

انا سقطت ٣ مواتير ٦ سلندر ، واحد من المتحدة اللي في شارع المرسيدس والوش طلع مشرخ وبتسخن ومرضيش يغيرة
وموتورين من عند رحمة والاتنين ضربوا صبابات واحد بعد شهر وغيرة بالعافية والتاني بقاله شهرين معايا
فمش عارف انا حظي وحش ولا انا اتنصب عليا
فعاوز واحد من الاخر لاني مبعرفش الموتور نضيف ولا لأ

**M.Ayman** · 30-10-2012 07:35 PM

أنا مش هعرف افيدك للاسف بس ياريت لما تلاقي حد نضيف تقولنا عليه

**alnmr79** · 30-10-2012 08:06 PM

المشاركة الأصلية كتبت بواسطة bimmeraddict

انا سقطت ٣ مواتير ٦ سلندر ، واحد من المتحدة اللي في شارع المرسيدس والوش طلع مشرخ وبتسخن ومرضيش يغيرة
وموتورين من عند رحمة والاتنين ضربوا صبابات واحد بعد شهر وغيرة بالعافية والتاني بقاله شهرين معايا
فمش عارف انا حظي وحش ولا انا اتنصب عليا
فعاوز واحد من الاخر لاني مبعرفش الموتور نضيف ولا لأ

3 مواتير تغيرهم -----------------ربنا يعوض عليك----------يا باشا متبيعها احسن وتجيب واحدة فابريكة بدل التغيير والمصاريف لان حظك سىء مع التسقيط......

**bimmeraddict** · 01-11-2012 01:19 AM

هاسقط موتور الاول لان العربية واقفة ، فيه واحد اسمه احمد اودي في الهرم ، حد عارفه ؟

**Sherif_WMB** · 02-11-2012 06:17 PM

شوفناه على جروب البيمرز اللى على الFaceBook بس معرفش حد اتعامل معاه ولا لأ

لو جبت منه حاجه و طلعت كويسه ابقا قولنا بقا :)

**bimmeraddict** · 02-11-2012 11:09 PM

أنا روحت لاحمد اودي في الهرم ومن تعاملة طلع راجل محترم جدا ولقيت عنده شورت بلوك ٢٨ ب ٤٣٠٠ ، بس انا عربيتي في الحرفيين ومشوار عشان اخد منه مكنة . والميكانيكي مش هينزل الهرم عشان يشوفها .
فروحت الحرفيين عند عمرو النشار لقيت عنده برضة شورت بلوك ٢٨ وحالته احسن من احمد اودي بس كان عاوز ٥٠٠٠ جنية بس انا اسمع ان عمرو النشار حاجتة نضيفة اوي .
روحت لكمال نصار بس مكنش عنده وقال هيجيلة شغل بعد ١٠ ايام .
وفي الآخر روحت لأحمد ميدو ولقيت عنده مكن ٢٨ كتير لدرجة انه قدامي اتباعت مكنتين ٢٨ وسعر الشورت بلوك ٤٥٠٠ المهم قلتله انا عاوز حاجة انضف من المكن اللي على الارض فوراني نص امامي e39 فيها مكنة ٢٨ سنجل فانوس موديل ١٩٩٧ بس شكلها نضيف اوي ، قلتله هاخدها قالي ٥٠٠٠ جنيه قلت امين ، ولما حكيتله على المكن اللي اشتريتة وطلع حالتة تعبان قالي فيه شغل بينزل من هونج كونج وبيبقى تعبان لكن انضف شغل بييجي من اليابان عشان عندهم العربية مبتعديش ٨٠ الف كيلو
ربنا يسهل والعربية تظبط .