عمركم تتخيلوا أن عربيه موديل حاجة و تمانين فى الورق
و شكلها الخارجى موديل السنه دى !!



الموضوع للمعرفة العامة طبعا لأن ممكن واحد يشترى عربيه بتمن كبير و يستغرب أن شكلها جديد لكن ورقها موديل قديم




الموضوع محتاج توسيع مخ شوية لأن أنا حتى الأن مش فاهمه أية دة لكن هحاول أشرحلكم



الفكرة يا جماعة أن فيه عربيات مقاسات الشاسية بتاعها واحد بالملى
و فيه بعض العربيات لما بتيجى تشتريها و بالأخص العربيات الكبيرة فى الحجم عشان التعديل فيها بيكون أسهل من الصغيره
بيقولك الوش الجديد منها !! الوش الجديد دة بقى شرحه كالتالى
بييجى الأخ صاحب العربيه زهق من شكلها القديم
و ليكن على سبيل المثال بعض الموديلات من تويوتا لاند كروزر حاجة و تمانين
بيخليها على الحديدة بمعنى أصح و بيفك كل حاجة فيها
و بيروح يتفق مع تاجر قطع غيار بيستورد عربيات كاملة من بره
و بيقولة عايز كروسليه تويوتا لاندكروزر على سبيل المثال موديل 2007
طبعا العربيه بتيجى له متقطعة 3 أجزاء (أدام و ورا و سقف) و الأبواب طبعا والتابلوه و كل حاجة
و غالبا بييجى معاها الكراسى و الكنب يعنى كل حاجة من الأبرة للصاروخ ماعدا الماتور
بييجى على الشاسية و يركب كل حاجة بالملى برضة لأن زى ما أتفقنا أن مقاسات الشاسية واحدة



و بالطريقة دى العربيه ورقها موديل حاجة و تمانين و شكلها الخارجى موديل جديد !!!


و بكدة يكون مشكلة أن الشاسية ملحوم أو معووج أو رقم الشاسية أتحلت
لأن فيه ناس كتيرة بتخاف من العربيات إلى الشاسية بتاعها ملحوم
لكن إلى هيفضل طول عمرة عقبة و مصيبة فى حياتة الفحص (و لكن بالشاى و الياسمين كل حاجة بتخلص)






و بقدره قادر و سبحان الله

بتبقى دى


هيا دى








خلاصة الموضوع أن فيه أفكار فى البلد دى كتيرة جدا ممكن تخلى واحد يقع فى عملية نصب كبيرة , لكن لو واحد عامل الموضوع دة لنفسه مفيهوش مشاكل إلا مع القانون لأنه مش قانونى و دة بسبب مجهود الحكومة القوى فى رفع سعر السيارات



حد فهم حاجة ؟
حد عنده قصة متعلقة بالحكاية دى ؟