السلام عليكم ورحمة الله وبركاته
سؤال يا جماعة . هل هنا حد يقدر يفيدنا بخصوص البورصة و أفضل أسهم فيها ؟؟لأنى الحقيقة بأسمع بس عنها محتاجة شخص يفيدنى عنها
عرض للطباعة
السلام عليكم ورحمة الله وبركاته
سؤال يا جماعة . هل هنا حد يقدر يفيدنا بخصوص البورصة و أفضل أسهم فيها ؟؟لأنى الحقيقة بأسمع بس عنها محتاجة شخص يفيدنى عنها
ابعدى عن الشر وغنيله
بلااااااااااااااااش
مهما كسبتى منها ... هتخسرى فى الآخر كل شيئ ومش هتطلعى منها غير بالندم والحسرة
نصيحه اخويه بلاش
انا مش بحبط حضرتك والله لكنى مجرب وعارف
حتى لو هتكسبى هتبقى اعده على اعصابك وسهم طالع ونازل وحرقه دم مع شركه السمسره و..... و..... الخ
وفى الأخر كل مصر عارفه اللعب فى البورصه عامل ازاى من ايام جمال باشا مبارك واحمد بيه عز وايهاب صفوت الشريف و بقيه الحراميه اللى لسه بيلعيو فيها لحد النهارده
البورصة في مصر مش استثمار
هي اقرب انها تكون قمار
اسمعي نصيحة الجميع ولا تقتربي منها
المصيبة انها خسارة ... وادمان في نفس الوقت
يعني كل ما تلاقي معاكي قرشين
ح تلاقي نفسك لا شعوريا بتجري ع البورصة عشان تخسريهم بسرعة قبل ما يتصرفو
إنا لله و إنا إليه راجعون ..
ايه يا جماعة ليه السواد ده ؟؟ فعلا الدنيا مسودة كده ليه ؟؟ :)
كل الافكار دى غير صحيحة وملمستش اصل الموضوع،
الاول الاستثمار فى البورصة علشان يكون آمن لازم يكون على المدى الطويل (من سنة الى 3 سنوات) وليس للمضاربة وجنى الارباح المرحلية فقط.
الثانى، عمل محفظة استثمار، بمعنى تشترى اسهم فى الشركات القيادية والمستقرة، على سبيل المثال صناعات المقاولات والادوية والبترول وتبعد عن سركات رؤوس الاموال والشركات الى عليها تغير كبير فى السعر (كشركة هيرمس مثلاً)
الثالث، كل دة لا يمنع انك تعمل مضاربة او اتنين لو قيت سعر السهم نازل وفية مؤشرات نزول قوية تبيع وبعدين اول مايبقى فية مؤشرات ارتفاع تشترى تانى وهكذا.
الرابع، المتابعة المستمرة لجميع الشركات، مش بس الى انت مستثمر فيها ولكن لكل شركات السوق او على الاقل الى انت شايفهم كويسين
الخامس، البورصة ذى اى سوق لازم تعرف القواعد الاول قبل الدخول فية.
السادس، عدم الانسياق خلف الاشاعات، دة غير ان فية تقنيات لتقليل الخسائر فى حالة هبوط السوق بشكل عرضى.
اخر نقطة تشبيهية، لو انا حبيت اشتغل فى تجارة السيارات المستعملة احتمال نجاحى اد اية من غير خبرة او تفرغ، طبعاً الكل هيرد احتمال ضعيف. يبقى الفيصل الخبرة والمتابعة والتفرع (ولو بشكل جزئى)
نصيحتى ليك تابع اخبار البورصة على الاقل 3 شهور ولو اكتر يكون افضل، شوف السهم بيطل وبينزل ازاى ولو عرفت تجيب كتب فى الاستثمار فى البورصة هتكون افضل. والاحسن كمان انك تتابع الجلسات بداخل شركات السمسرة مباشرة علشان تشوف الجو ماشى ازاى.
فية اختيار تانى انك تشترى وثيقة فى صندوق استثمار وهى الى بتدير الاستثمار بشكل آمن وانت بتشارك فى الربح او الخسارة وبتبيعها وقت ما انت تعوز.
والسلام ختام
هكذا يجب ان تكون البورصة
لكن في مصر والبلاد العربية عموما
الوضع على ارض الواقع يختلف تمااااااما
يا باشا احنا معندناش اي وسائل او قوانين او حتى رغبة في حماية حقوق المستثمرين .... واخص بالذكر صغار المستثمرين
يعني من الآخر الكبار اللي في ايدهم خيوط اللعبة محدش بيقولهم انتو بتعملو ايه وبتحصل مهازل ولسة بكرة ح تشوف اولاد مبارك واصحاب النفوذ كانو بيعملو ايه .... اصبر لما القضايا تتفتح وح تسمع العجب ....وده لسة ما انتهاش لحد اليوم
انا خبرتي في البورصة من 1996
والحمد لله ربنا انعم عليا وشبه انهيت تعاملي فيها باستثناء بعض الاسهم الناااااادرة التي ينطبق عليها بعض مما ذكرته .....تقدر تقول استثمار متوسط وطويل الآجل
لكن اعتقد اللي البشمهندسة دعاء تقصده هو التعامل اليومي في البورصة ومتابعة الاسعار والتغيرات والبيع والشراء ... التريد يعني
..
عموما انا تقريبا مشفتش حد اتعامل في البورصة ولم يخسر .... سعيد الحظ هو اللي خسر حاجة بسيطة
والمتعةوس هو اللي لعب بفلوس مش بتاعته واتخرب بيته وبيت اللي ادالو فلوسه ... والبنوك معندهاش قلب .... القرض قرض .... ممكن يبيع اسهمك ببلاش عشان يحصل فلوسه
حاج احمد أنت كنت بتحتار اسهمك على اساس ايه
ادرسيها الاول ممنن تستثمرى فى اى حاجة بس تبقى دارسه الاول
عوامل كتير
نشاط الشركة
نسب ربحية السهم
تحليل حركة السهم ونقاط المقاومة ... الخ
تاريخ السهم وكان بكام واتقسم كام مرة وتاريخ توزيعاته وقرارات الجمعيات
اصول الشركة التي تغطي قيمة اسهمها
مشروعات الشركة المستقبلية
هيكل راس مال الشركة .... ممموكة لمين وبنسبة كام
....
واكيد كمان النظرة والتحليل الذي يدخل فيه العامل الشخصي
بس ده كان زمااااااان
انا بقالي برة القصة دي من سنين
دلوقت ليا اسهم للاستثمار وبكميات قليلة .... مش زي زمااان
الصناديق بتبقى صك انتى بتشتريه طالع من شركة ادارة الصندوق الشركة بتاخد الفلوس من الافراد وبتشترى هيا الاسهم وتبيععها انتى مش بتتدخلى فى هما شاريين ايه لكن ممكن تعرفيه هو هنا بيدرس الاسهم انتى بقى بتدرسى اداء الصندوق وتقييميه الشراء مش عن طريق شركة الادارة او سمسرة عن طريق بكك بيكون بنك محدد لكل وثيقة
اولا: يجب العثور علي شركه وساطه محترمه و يفضل لو تعرفي فيها احد الموظفين معرفه شخصيا
ثانيا: الشركه هي اللي بتتعامل من الالف الي الياء و كل ما عليكي هو دفع الاموال و معرفه نبذه مختصره عن الموضوع
ثالثا: يجب متابعه سوق البورصه لمده معينه قبل الدخول فيه للمعرفه فقط لا غير
رابعا: حددي مبلغ صغير نسبيا و حددي اسهم الشركات بنفسك
عن نفسي الفكره في دماغي من فتره كبيره لان الواحد قد مل من قرف الشغل و تحكم الرؤوساء فيه
بلاش
إلا لو معاكي مبلغ ومستغنية عنه...ساعتها لازم يكون كبير عشان العائد يكون مجزي
بكرر أهوه بلاش
يا نهار ابيض ده لسه صديق عزيز عليا كان بيكلمنى انه ناوى يبيع شقته اللى المفروض حيتجوز فيها وتعتبر راس ماله علشان يدخل البورصه وكانت وجهه نظره ان الوقت دلوقتى الاسعار نازله بعد الثوره وانه لو اشترى مثلا سهم كان وصل قيل الثوره 50 جنيه ودوتى هو ب3 جنيه فهو متخيل انه فى خلال سنه اكيد السهم ده على الاقل حيتضاعف خصوصا ان اتجاهه صعودى حاليا وبالتالى حيقق ارباح من العمليه دى وبعدها يخرج من البورصه و كان بيكلمنى انى المفترض ادخل فى المشوار بهدف انى اكبر اى مبلغ معايا وبعد السنه اخرج من البورصه
ايه رايكم باه الراجل ده كده بيضيع نفسه ولا ايه
هو ده التهور والمقامرة
عاوز يدخل البورصة
يدخل ب 10 آلاف
ب 30 الف
لكن يبيع شقته ويدخل بيها البورصة
....
عموما لو هو مقتنع عمره ما ح يسمع كلامك وبردو ح يدخل
انا اعرف واحد مسكين خد قرض 250 الف ودخل خسرهم في البورصة برغم تحذيرات كل من حوله
ولسة كل شهر بيكع 11 الف من قبل الثورة
صناديق الاستثمار بتصدرها البنوك، وافضلهم بنك كريدى اجريكول (الكلام دة من حوالى اربع سنين فمعرفش اتغير دلوقتى ولا لأ)
بص، طالما فية تفرغ يبقى ممكن تطلع مكاسب وكويسة كمان بس تفرغ ومتابعة كويسة، والمضاربة على الشركات الى فى قطاعات استراتجية والبعد عن الاكتتاب فى الشركات الجديدة او الى علياها اشاعات كتير.
انا فى 2007 دخلت وحققت مكسب صغير وخرجت تانى علشان سافرت برة مصر ولما رجعت الثورة اولاً وعدم التفرغ ثانياً منعنى انى اخش تانى. والسوق اليومين دول محتاج متابعة على مدار الساعة لو انت ناوى تضارب ودة فى ظل التذبذب الحالى منصحش بية خالص، لان الانخفاض بيكون كبير واعصابك مش قدها.
دة جنان، لو فعلاً ناوى على كدة يبقى نصيحتى يشترى ويبيع فى نفس الاسبوع او تانى اسبوع بالكتير، يعنى ميخليش فلوسة جوة البورصة وقت طويل (اكتر من اسبوع) لان حال البلد كل يوم بشكل فلو حصل حاجة يكون مأمن نفسة. والنصيحة التانية يجزاء المضاربة على اسهم مختلفة كل مرة على سهم منهم - مش بكل الى معاة على نفس السهم. يعنى يشترى بحد اقصى مثلاً 15-20% من فلوسة سهم وبعدين يبيعة وهكذا. طبعاً بعد ميدرس السهم كويس ويتابعة فترة.
والسلام ختام
ربنا يسترها معاه لانه فعلا مصمم ومش بيسمع كلام حد خالص
والله المشكله انه مراهن على اسهم شركات قطاع عام وتعتبر من وجهه نظرى خسرانه بس هو بيتكلم ان بعد البلد مجالها رئيس فكل الشركات حتكسب اظن انه كان بيكلمنى على اسهم شركه الزيوت المستخلصه و المحالج فايه راي حضرتك فيهم
لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالاالبورصة المصرية بالذات لا اى فلوس داخله فيها اعرف انها هتقل النص ولو كسب فى عملية وعمل ربح هيكون 10 % ومحدش يتكلم عن التحليل الفنى و دراسة السوق اللهم بلغت اللهم فاشهد
الموضوع أنا دارسه بفضل الله كويس قوى ولكنه موضوع يطول شرحه وأى سؤال أنا تحت أمركم ، مع العلم أن المضاربة فى البورصة تختلف تماما عن المضاربة فى الإسلام
‫سليم العوا : البورصة المصرية والمقامرة‬‎ - YouTube
البورصة المصرية كل علاقتها بالبورصة الاسم و بس
لكن هيه افضل و اسرع وسيلة للخسارة
و لو كسبت هتكسب ملاليم و لما تخسر بالالاف
الحمدلله كنت في الدوامة دي من 2007 و طلعت منها من اسبوعين بخسارة 30% من راس المال بعد عمليات تعويض و بدل كتيرة جدا
انا مقدرش دلوقتى افيدك لانى مش متابع السوق بقالى اكتر من 4 سنين وبالتالى معلوماتى كلها قديمة. دة غير ان البورصة دلوقتى متذبذبة جداً بسبب تأثرها بالاحداث السياسية والى ناوى يخش ياما واحد معاة فلوس كتير فائضو وبالتالى بيخاطر ومستعد يتحمل العواقب (سواء مكسب او خسارة) او واحد ماشى ورا الاشاعات.
بلغة السوق: لو انت متابع السوق هتلاقى ارتفاع فى الاسعار على مدى اسبوع مثلاً وبعديها انخفاض (المشترى فى اول الاسبوع كسب فى بداية الاسبوع الى بعدة وبكدة بيبيع ويسيل مكاسبة) ودول الى معاهم سيولة كبيرة علشان لو حتى السوق وقع من غير مبرر يقدر يقلل من خسايرة بطرق تانية. انما صغار المستثمرين صعب يعمل كدة. الحل صناديق الاستثمار (حل آمن) او تلاقى واحد من الى معاهم سيولة كبيرة وتعمل زية - وانت وحظك.
من داخل البورصه المصريه
بقولك لاء الوقت الحالى احنا بنمر بظروف عصيبه جدااااا
بجوار حال البلد اللى مش مستقر
و اللى جوه السوق بيحاول يخرج فلوسه بأقل خسائر ممكنه
اللى بيكسب الايام دى الناس اللى محافظها معديه ال 10 و ال 15 مليون
لانه بيشترى فى كذا ورقه بكميات كبيره
و الورقه اللى بتخسر فى ورقه او 2 بيعوضوا خسارتها
فا اكيد المبلغ ده مش متوفر دلوقتى مع حضرتك
نصيحه اخويه
بلاش خالص منها و روحى استثمرى فلوسك فى اى اتجاه تانى :bye:
^_^
على ايه يا افندم انا بعمل الواجب
حضرتك انا محاسب فى شركه تداول اوراق ماليه
و السندات هى عباره عن
صك ملكيه بتشتريه بمبلغ معين و لكن لا يتداول زى الاسهم
و لكنه بيتداول طويل الاجل
و السند حضرتك بتخديه فى اديكى
يعنى لو ضاع او اتسرق يبقى حلال على اللى اخده
لانه لا ينتمى الى بنوك حفظ عكس الاسهم
الاسهم زمان كانت كده بردو بتشتريها و تاخديها تحطيها فى البيت عندك و لما تعوزى تبيعيها بتنزلى تشوفى مشترى ليها
بس الكلام ده زمااااااان جدااااا
دلوقتى الاسهم بقا ليها مكان بيتحط فيها و هى مصر للمقاصه
علشان كده الاسهم احسن لانك بتتداولى فيها عند التسويه و تتكون من
t+0 و دى ليكى الاحقيه انك تبيعى و تشترى فى نفس الجلسه
و عندنا
t+2
و حضرتك هتبيعى بعد يومين من الشراء
يعنى حضرتك اشتريتى النهارده الاثنين
هتبيعى يوم الاربعاء
و ال t+0 تعتبر مخاطره جااااااااااامده جداااااااا
و لو احتجتى اى حاجه انا تحت امر حضرتك
^_^
السندات غير الاسهم خالص
الاسهم هي حصة في ملكية الشركة
يعني اللي مالك اسهم بيبقى شريك في رأسمال الشركة
وبيستحق جزء من الارباح في حالة ان الشركة كسبت وح توزع ارباح
السندات دي بتبقى الشركة بتقترض من الناس ... سواء المساهمين او غيرهم
في مقابل فائدة محددة
وانا من الناس اللي مش باتعامل بالفائدة تحت اي مسمى
عشان كدة تعاملي في البورصة كان في الاسهم
مع استبعاد انشطة معينة من الشركات كنت مش باعامل فيها خالص ولا بالاسهم كمان
ياجماعة البورصة دي هى مرأه الأقتصاد لأي دوله .. وياما في ناس عملت ثروات طائلة من ورى البورصة ... بس الكلام ده مش في بورصة مصر كلها فساد وشغالة على حساب أشخاص معينة في البلد هما ألي بيتحكموا في البورصة .. ودايما صغار المستثمرين هما ألي بيدفعوا التمن يعني لو واحد معاه مبلغ محترم يقدر بالملايين ممكن يتحكم لوحده في صعود أو هبوط البورصة .. وطبعا الكلام ده مابيحصلش في أي بورصة تانية غير البورصة المصرية الي بقت شبيهه بلقمار تماما وللأسف أنا واحد من الناس ألي خسرت حوالي 200 % من رأس مالي من بعد الثورة ولغاية دلوقتي محبوس ومش عارف أخرج وخسران خسارة مفزعة تقدر بمئات الألوف ... بس برجع وأقول سبب الخسارة إن أنا دخلت غلط وبدون خبرة تماما ودي أكبر مصيبة وده السبب في ألي أنا فيه دلوقتي ... المفروض الدخول يكون بمراحل وتوزيع رأس المال على مجموعة من الأسهم مش سهم واحد .. ودايما الصبر الصبر والتأني عند الشراء وألي يجري ورى الأسهم وهي بتطلع لازم يلبس في الحيط ويخسر زي حالاتي كده ... وكتر التنقل بين الأسهم غلط وبيسبب خساير .... يعني في ناس تقول هابيع السهم ألي معايا بخسارة وأدخل في سهم تاني عشان أعوض خسارتي .. وتيجي تبيع سهمك الخسران وتدخل في سهم تاني عمال يصعد تفاجأ بأن سهمك القديم بدأ يطلع وسهمك الجديد حصل عليه عمليات جني أرباح وبدا بالهبوط تلاقي الخسارة عمالة تزيد يوم بعد يوم وهكذا ودي أكبر مصيبة محدش واخد باله منها ونرجع نقول البورصة خسرتنا فلوسنا وفي الحقيقة .. أحنا ألي بنخسر نفسنا وعدم الصبر وكتر التنقل بين الأسهم وعدم معرفة مواعيد الدخول والخروج من السهم (معرفة نقاط الدعم والمقاومة لكل سهم )والطمع والأنسياق خلف مروجي الأشاعات على الأسهم ... وتخيلوا أنا برده مافعدتش ساكت روحت تاني بعد الخسارة دي بمبلغ صغير جدا حوالي 30 ألف جنية وأصحابي يقولولي حرام عليك أنا خسران ورايح تحط فلوس كمان وسبحان الله وهما ألي كسبوا معايا والحمد لله أو على الأقل في المنطقة الخضراء يعني مش خسران فيهم ... فشوفوا بقه أنا أتعلمت بكام وأتعلمت الأدب بكام من رأس مالي الكبير القديم.... وجيت على 30 ألف جنية وعرفت أتعامل في البورصة بيهم بدون خساير ... ولازم كلنا نخسر علشان نتعلم وننجح ولو ماخسرناش عمرنا ماهنتعلم وانا للأسف أتعلمت بالغالي .... أسف على الأطالة وتحياتي
السلام عليكم ورحمه الله
لو كان الموضوع كذلك كان زمانى مفيش حد حيعرف يكلمنى
صار لى اكثر من خمسه سنوات وعاصرت الكساد العالمى منذ خمسه سنوات وبعد ذلك الثوره المصريه وكل شويه اقول هذه فرصه واضخ فلوس .
انا الان تقريبا خسران 50% من القيمه التى دخلت بها البورصه وفى وقت من الاوقات كنت خسران 75% - واغلب استثمارتى فى البورصه طويله الاجل وفى اسهم قويه من اسهم egx 30 وها انا صابر صبر ايوب وبمجرد ان استرجع فلوسى سوف اخرج منها ولن امر فى الشارع بتاعها مره اخرى.
اهى فرصه علشان الشويه الحلوين الذين مثلكم يدخلوا يجربوا ويخسروا شويه من اجل ان نعرف نخرج نحن القدامى.
وعلى راى المثل الشعبى اللى خدته القرعه تاخده ام الشعور