ازاز الباربريز اتكسر

**Pinky world** · 30-10-2012 05:32 PM

المشاركة الأصلية كتبت بواسطة amr_8800

الاوراق المطلوبه
شهاده رمد
شهاده باطنه
فصيلة الدم
صور البطاقه
صور شخصيه
بس

شكرا لحضرتك

**Amr Axel** · 30-10-2012 06:12 PM

المشاركة الأصلية كتبت بواسطة pinky world

والله بجد انا مش عارفة اشكر حضرتك ازاي على تعبك معايا
يعني قلتلي النصايح الي ماحدشش قالهالي قبل كدة
ربنا يجازيك كل خير

الله يكرمك المهم ايه الاخبار الرخصة طلعت و لا لسه ؟؟

و يا ريت تكتبي بلون تاني لأن الأحمر مخالف لقوانين المنتدي لأنه خاص بمداخلات الادارة فقط

**Amr Axel** · 30-10-2012 08:15 PM

المشاركة الأصلية كتبت بواسطة pinky world

جيت اروح النهاردة بس وانا باخد اذن من الشغل زمايلي خوفوني قالولي لازم تروحي مع حد معاه رخصة لحسن تتمسكي في الطريق في اي مكان وماعرفتش اعمل ايه بقى واليوم اتكنسل

كلام مظبوط حتي لو العربية باسمك و مفيش رخصة قيادة خاصة لا يسمح لك بقيادتها

و خلي بالك لو سايقة عربية مش باسمك لازم يكون المالك معاكي او يكون معاكيرخصة العربية و توكيل من المالك بقيادة العربية( ده توكيل بيكون للقيادةفقط لأثبات ان المالك سامح لك بقيادتها ) و التوكيلبيتعمل في الشهر العقاري

**Pinky world** · 30-10-2012 08:32 PM

حضرتك قلتلي بتاع الازاز الي في الحي التامن في شارع حسن المأمون اسمه دكتور خالد
ممكن تقولي شارع حسن المأمون ده فين بالظبط في التامن يعني ادخله منين ؟ قربلي بس المكان الله يخليك
وبارك الله فيك

**Amr Axel** · 31-10-2012 11:57 PM

المشاركة الأصلية كتبت بواسطة pinky world

حضرتك قلتلي بتاع الازاز الي في الحي التامن في شارع حسن المأمون اسمه دكتور خالد
ممكن تقولي شارع حسن المأمون ده فين بالظبط في التامن يعني ادخله منين ؟ قربلي بس المكان الله يخليك
وبارك الله فيك

اعتذر عن التأخير لكن فعلا مشوفتش المشاركة الا دلوقتي
هو مش في حسن المأمون هو في شارع متفرع منه
لو عارفة مدرسة المنهل الشارع اللي قدامها اللي بيودي ع النادي الأهلي هتمشي في الشارع ده كأنك رايحة ع النادي الأهلي اول تقاطع تقابليه ( هتلاقيه ع النواصي بتوع فاكهة ) ادخلي يمين هتلاقي كام روشة جنب بعض هو هناك

و بخصوص العربية و الرخصة حاولي تتصرفي و خاصة ان دلوقتي اللجان و المرور ما شاء الله شادين حيلهم

**lidosasa** · 01-11-2012 01:09 PM

المشاركة الأصلية كتبت بواسطة pinky world

رخصة العربية مش باسمي وصاحب العربية مسافر وماعنديش توكيل

إستحالة تكونى شارية العربية دون تسجيل أو توكيل لو عاملة عقد بيع بس دون تسجيل أو توكيل تبقى مشكلة كبيرة جداً جداً . أكيد حضرتك شارية العربية بتوكيل اللى عملتيه فى الشهر العقارى لما أشتريتى العربية ياريت تحتفظى بصورة منه مع الرخصة اللى تبيقى معاكى دايماً فى شنطة اليد بتاعتك أو فى محفظتك وأوعى تسبيهيها فى العربية
هو التوكيل ده بيغنى عن أى شىء لا ضرورة لوجود توكيل بالقيادة الكلام ده لو أنت مش شارية العربية يعنى مثلاً لو العربية بإسم زوجك أو والدتك أو أى حد تانى وأنت بتركبيها بس من غير ما تكون ملك يبقى لازم يكون معاكى توكيل بالقيادة . لكن التوكيل اللى أنتى عملتيه فى الشهر العقارى وأنت بتشترى العربية هو أقوى ودليل على ملكيتك للسيارة

**lidosasa** · 01-11-2012 01:14 PM

الكلام ده كله طبعاً سببه سرقة السيارات المنتشرة يعنى لو حضرتك ورق العربية مش مظبوط حيفترضوا مبدئياً إن العربية مسروقة وحتتسحب منك العربية لحد ما تثبتى ملكيتك للسيارة وتجيبى الرخصة اللى بتكون بإسمك أو بتوكيل من اللى بإسمه الرخصة ليكى سواء توكيل بالتصرف والبيع ( لو شارية العربية ) أو توكيل بالقيادة لو أنت راكبة العربية بس وهى بتاعت حد من قرايبك مش ملكك