الموضوع: لا خاب من استشار

هوة حضرتك الرينج الى بتدور فية كام ؟

و انا من رأى تدخل الميجان معاهم و متسمعش كلام اى حد يقولك مشاكل فيها غير من ملاكها علشان العربية ما شاء الله طالع عليها اشاعات بالهبل ( تخيل فية اشاعة بتقول ان الكاوتش بيضرب لو غيرتة علشان م متسطب على الكمبيوتر )

يعنى لو حضرتك عاوز تتأكد انزل التوكيل و اسال الناس و شوف بيقولولك اية !

و بالنسبة للاختيارات الى حضرتك قولت عليها انا ممكن استبعد الفوكاس لأنها فيها مشكلة فى الموتور و كان اخ معانا فى المنتدى معاة العربية و باعها !

المازدا عربية ممتازة بس المشكلة ان تقريبا ملهاش توكيل ( غبور مموت مازدا )

الكورولا الفتيس الجديد ال Mm-t الناس بتشتكى منة انة بينتش و بيعلق ! :(

الألنترا مفيهاش مشاكل خالص بس توكيلها غبور و الناس بتشتكى منة

الميجان علشان مبقاش متحيز لها الفتيس بتاعها ادائة مش رياضى اوى بس ناعم جدا و مفيهوش مشاكل و التوكيل محترم لأقصى درجة و عوامل الامان فيها كاملة يعنى زى ما بتنزل برة و 5 نجوم فى اختبار التصادم

و كمان ممكن تشوف الانسر الجديدة عربية تحفة

بصراحة مش عارف ممكن تستنى حد من الخبراء يرد عليك

طيب ما تشوفى السيفيك الجديده
عربيه محترمه جدا واعتقد مفيش اى حد اشتكى من اى عيوب فيها من اى حاجة
اعتماديه عاليه جدا موتور قوى جدا
عيبها ان بتنزل بكماليات قليله وهو موديل واحد اللى موجود منها
الشكل الجديد نزل بس مش عارف كماليته هى هى ولا الفطيم زود حاجة
روحى اتفرجى عليها وشوفى ايه الاخبار