السلام عليكم ورحمة الله وبركاته،،،

الكاميرا دية من فئة الـ DSLR بس دية من الكاميرات الصغيره اللي في أول الفئه Entry Level يعني.

الـ DSLR دية الكاميرات اللي ممكن تغيرلها عدسات .

العدسه اللي معاها دية هي أكتر عدسه مستخدمه في معظم الصور العاديه. لكن لو حضرتك عاوز تصور من بعيد مثلاً يبقى هاتحتاج تجيب عدسه زوم أو لو حضرتك عاوز تصور حاجات قريبه أوي زي حشرات مثلاً يبقى هاتحتاج تجيب عدسه ماكرو وكل عدسه ليها مزايا وعيوب وثمن.

نصيحه أخويه حاول تقرأ الكاتالوج اللي جاي مع الكاميرا وحاول تقرأ شويه على النت عشان تستفيد من إمكانيات الكاميرا. عشان إنت لو إستحدمتها كا كاميرا عاديه وخلاص وشغلتها على الـ Auto على طول يبقى الأولى إنك كنت تجيب كاميرا رخيصه بـ 500 جنيه ولا حاجه عشان في الحاله دية الكاميرتين مش هايفرقوا عن بعض كتير.

شكراً