رجالة المنتدى عندى مشكلة ومش لاقى حد يحلها

صباح الفل يا رجالة المنتدى
انا معايا سيات كوردوبا 1996 و اللى بيحصلى انى لما بدور العربية الصبح بدور معايا عادى جدا لحد ما مؤشر الحرارة يوصل للنص ودا الطبيعى فجاة الاقى صوت الموتور اتكتم والعربية كلها بيتيترج وتروح مبطلة استنى شوية حوالى خمس دقايق كدا واجرب تروح دايرة مفيش مشكلة دى حاجة
الحاجة التانية سعات ممكن ابقى رايح مشوار مثلا واركن عادى جدا وبعدها بساعة مثلا او اكتر اروح عشان اخد العربية اجى ادور تروح دايرة و مبطله فى ساعتها افضل احاول معاها كذا مرة لحد ما تلقت ومش عارف اعمل ايه
روحت لميكانيكى قالى هات اسبراى انجكشن و بوجيهات ونضفلى الموتور و غيرلى البوجيهات وقالى كدا تمام ولقيتها بتعمل نفس الموضوع تانى روحت لميكانيكى تانى فى توكيل اوبل قالى دا المشط بتاع الالكترونى و الموبينا وانا بجد مش عارف اعمل ايه اغيرهم ولا السبب حاجه تانية ساعدونى بجد عشان انا مش عارف اعمل ايه
معلش يا رجالة طولت عليكوا

أهلا بيك في منتدي سيات
حضرتك عربيتك فيها عداد لفات موتور ممكن تقلي لما بتدور الصبح عادي بيكون علي كام و لما بتسخن شوية و مؤشر الحرارة يبدأ يتحرك بتكون كام ولما بترجرج و تتكتم بيكون علي كام

لأن مشكلتك دي بتقول ان البوابة محتاجه تتغير ولكن محتاج أتأكد فقط
هو محرك عربيتك كام سيسي و كامه واحده ولا اتنين يعني 8 فالف ولا 16 و هل عندك مشاكل أخري يعني لما بتمشي بيها سرعات عالية علي ار بي ام عالي العربيه ظروفها ايه و السحب عامل ايه معاك و عملت اخر سيرفيس امتا و هكذا
و بالتوفيق ان شاء الله

اقتباس:

---

المشاركة الأصلية كتبت بواسطة ehab_mansour

أهلا بيك في منتدي سيات
حضرتك عربيتك فيها عداد لفات موتور ممكن تقلي لما بتدور الصبح عادي بيكون علي كام و لما بتسخن شوية و مؤشر الحرارة يبدأ يتحرك بتكون كام ولما بترجرج و تتكتم بيكون علي كام

لأن مشكلتك دي بتقول ان البوابة محتاجه تتغير ولكن محتاج أتأكد فقط
هو محرك عربيتك كام سيسي و كامه واحده ولا اتنين يعني 8 فالف ولا 16 و هل عندك مشاكل أخري يعني لما بتمشي بيها سرعات عالية علي ار بي ام عالي العربيه ظروفها ايه و السحب عامل ايه معاك و عملت اخر سيرفيس امتا و هكذا
و بالتوفيق ان شاء الله

---

اولا شكرا جدا على اهتمامك
ثانيا انا عربيتى 1400 cc بس الصراحه مش عارف كام كامه واول ما بدور الصبح اعتقد ان rbm بيكون عند 10 او تحت حاجات بسيطة ولما بتسخن بينزل ل 8 و لما بتكتم بيبقى على 8 برده بس فى حاجه ساعات بلاقى rbm بينزل عن ال 8 و بيعلى لوحده فى ساعتها بس فى السحب كويسة جدا واخر سيرفيس كان من حوالى 5 شهور كانت العربية عاملة 234000 وغيرت زيت وفلتر زيت و بنزين وهواء وسيور ودلوقتى العربية عاملة 237500 ولسه مغير زيت يوم الوقفة
معلش طولت عليك يا بشمهندس

اقتباس:

---

المشاركة الأصلية كتبت بواسطة mmokk

اولا شكرا جدا على اهتمامك
ثانيا انا عربيتى 1400 cc بس الصراحه مش عارف كام كامه واول ما بدور الصبح اعتقد ان rbm بيكون عند 10 او تحت حاجات بسيطة ولما بتسخن بينزل ل 8 و لما بتكتم بيبقى على 8 برده بس فى حاجه ساعات بلاقى rbm بينزل عن ال 8 و بيعلى لوحده فى ساعتها بس فى السحب كويسة جدا واخر سيرفيس كان من حوالى 5 شهور كانت العربية عاملة 234000 وغيرت زيت وفلتر زيت و بنزين وهواء وسيور ودلوقتى العربية عاملة 237500 ولسه مغير زيت يوم الوقفة
معلش طولت عليك يا بشمهندس

---

تمام
بس برضه مقلتش لما بترجرج و تبطل الار بي ام بينزل لكام ؟ جرب و قلي
و ياريت تقلي ايه اخبار طقم كابلات الكهرباء و الأسبراتير و الشاكوش و الوش و الكابل الواصل بين الموبينه و الاسبراتير ؟

و هل نضفت بوابة الحقن ولا لأ و تأكد من خراطيم الفاكيوم الواصلة اسفل البوابة تكون محكمه و سليمة
و هكذا
لو كل شيء سليم يبقي لازم تحط العربية علي الكمبيوتر لتشخيص الاعطال عشان ممكن يكون حساس فيه مشكلة

اقتباس:

---

المشاركة الأصلية كتبت بواسطة ehab_mansour

تمام
بس برضه مقلتش لما بترجرج و تبطل الار بي ام بينزل لكام ؟ جرب و قلي
و ياريت تقلي ايه اخبار طقم كابلات الكهرباء و الأسبراتير و الشاكوش و الوش و الكابل الواصل بين الموبينه و الاسبراتير ؟

و هل نضفت بوابة الحقن ولا لأ و تأكد من خراطيم الفاكيوم الواصلة اسفل البوابة تكون محكمه و سليمة
و هكذا
لو كل شيء سليم يبقي لازم تحط العربية علي الكمبيوتر لتشخيص الاعطال عشان ممكن يكون حساس فيه مشكلة

---

انا بكرة ان شاء الله هقولك على موضوع الرجرجة دا لما بيحصل الار بى ام بينزل لكام والبوابة اتنضفت لما غيرت البوجيهات قبل العيد باسبوع بس بصراحه الحاجات التانية دى انا معرفهاش عشان مفتيش
اسف على الاطاله و شكرا على اهتمامك

مساء الخير يا بشمهندس ايهاب
انا نزلت الصبح جربت اعمل العربية و لقيتها اول ما بدور الار بى ام بيبئى على 10 وبعد كدا بينزل على اول شرطه تحت ال10 ولما بيتيترجرج بيبئى فى نفس المكان بس انا اكتشفت حاجه مش عارف ممكن تبقى مهمة ولا لا والحاجة هى ان مؤشر الحرارة لما بيوصل النص وانا بسخن احنا متفقين ان العربية بيتيترجرج و تبطل بس لو انا بدوس بنزين وانا بسخن براحه اوى مفيش حاجه بتحصل بس لما بدوس جامد بيتيترجرج و تبطل والكلام دا وانا بسخن ولما مؤشر الحرارة بيوصل النص دى حاجه الحاجه التانية لو فضلت تترجرج و مبطلتش اول ما المروحه بتشتغل العربية بتبقى عادية جدا وكأن مفيش اى حاجه دا غير ان مؤشر الار بى ام ساعات بيعلى و ينزل لوحده بس مش على طول
انا عارف انى تعبك معايا واسف انى طولت عليك , شكرا

اقتباس:

---

المشاركة الأصلية كتبت بواسطة mmokk

مساء الخير يا بشمهندس ايهاب
انا نزلت الصبح جربت اعمل العربية و لقيتها اول ما بدور الار بى ام بيبئى على 10 وبعد كدا بينزل على اول شرطه تحت ال10 ولما بيتيترجرج بيبئى فى نفس المكان بس انا اكتشفت حاجه مش عارف ممكن تبقى مهمة ولا لا والحاجة هى ان مؤشر الحرارة لما بيوصل النص وانا بسخن احنا متفقين ان العربية بيتيترجرج و تبطل بس لو انا بدوس بنزين وانا بسخن براحه اوى مفيش حاجه بتحصل بس لما بدوس جامد بيتيترجرج و تبطل والكلام دا وانا بسخن ولما مؤشر الحرارة بيوصل النص دى حاجه الحاجه التانية لو فضلت تترجرج و مبطلتش اول ما المروحه بتشتغل العربية بتبقى عادية جدا وكأن مفيش اى حاجه دا غير ان مؤشر الار بى ام ساعات بيعلى و ينزل لوحده بس مش على طول
انا عارف انى تعبك معايا واسف انى طولت عليك , شكرا

---

زي ما الاستاذ ايهاب قالك كلامه محترم جدا.. بس قبل ما تعمل حاجه افحص كمبيوتر
اللي بتتكلم عليه ده سببه :
- فلتر بنزين
- هتلاقي خرطوم من خراطيم الفاكيوم مقطوع و لو مش مقطعوع لازم تنضف البوابة ...
- مسار البنزين بعد الفلتر لحد التغذية و الراجع لازم تشيك عليه و تتأكد انه مش بيسيل او بيرشح بنزين على خفيف ، لان لو فيه اي قطع او تهريب في خرطوم او وصلة بيشقلب كيان العربية

الاول افحص كمبيوتر ... تأكد انه مافيش اكواد خطأ متسجله على الكمبيوتر

اهلا بيك في قسم سيات
طبعا المهندس ايهاب الله يباركله قال معاك كل الأحتمالات الممكنة لمشكلتك
بس انا بردو حابب اقول انها ممكن تكون من الموبينة فعلا - لما بتسخن بتبدأ تبرجل العربية
كمان هل كشفت بالكمبيوتر علي حساس الحرارة ؟؟؟
حساس الشكمان ؟؟؟

لازم تحطها علي الكمبيوتر علشان تعرف انهي حساس عاملك المشكلة المرتبطة بالسخونة

تحياتي

والله يا رجالة مش عارف اقولكوا ايه على اهتمامكوا دا وان شاء الله انا رايح للميكانيكى بكرة وهقولكوا على اللى حصل معايا وشاكر جدا على تعبكوا

في انتظار التقرير
وربنا يوفقك لما فيه الخير وتطلع حاجة بسيطة
لما ترجع من عند الميكانيكي تقولنا عملت ايه علشان نشوف سوا ممكن ايه يتعمل

تحياتي

اولا انا اسف جدا على التاخير فى الرد
ثانيا انا رحت للميكانيكى يوم الجمعه زى ما قولتيلكوا بس للاسف مكشفش بالكمبيوتر عشان معندوش المهم قولتيلوا على اللى بيحصل بالضبظ فى العربية وقالى دا بسبب حساس المياه قولتلوا اكيد قالى اه قولتيلوا ماشى و رحت اشتريتلوا حساس مياه و ركبه و قالى كدا تمام قولتيلوا هى كدا كدا هتبان الصبح لما اجى ادورها بس وتانى يوم اللى هو السبت نزلت اجرب العربية و كانت المفاجاة ان العربية زى ماهى محصلش فيها جديد انا بجد ياخوانا مش عارف اعمل ايه
سوال للاستاذ سيد : هو عصام الميكانيكى عنده كشف بالكمبيوتر ولا معندوش و ولو معندوش رائيك اروحله ولا اعمل ايه

انا كنت عايز اقول حاجه تانية مش عارف ليها علاقة بالموضوع ولا لا
انا اول ما حصل معايا المشكله دى رحت لميكانيكى غيرلى البوجيهات و نضفلى البوابة بعد ما عيرت البوجيهات العربية معملتش اللى بتعمله لمده كام يوم كدا و بعد كدا رجعت عملت المشكله تانى فممكن يكون مثلا البوجيهات اللى غيرتها نوعها وحش مثلا ولا ميبقاش من كدا

ميكانيكي عكاك كالعاده
عربية حضرتك توقعي الشخصي مشكلتها حاجتين يا طلمبة بنزين يا بوابة الانجيكشن و بيتهيئلي البوابة هي المشكلة

ياريت تروح لحد بيفهم يكشفلك كمبيوتر ويشوف الكنترول مسجل ايه
خليه يشفلك راجع البنزين للتانك لو موجود فيه بنزين لما بتفتح كونتاكت يبقي الطلمبة بريئة ولو مافيهوش بنزين تبقي الطلمبة تعبانه وهي السبب
غير كده تشوف بوابة الحقن

اقتباس:

---

المشاركة الأصلية كتبت بواسطة ehab_mansour

ميكانيكي عكاك كالعاده
عربية حضرتك توقعي الشخصي مشكلتها حاجتين يا طلمبة بنزين يا بوابة الانجيكشن و بيتهيئلي البوابة هي المشكلة

ياريت تروح لحد بيفهم يكشفلك كمبيوتر ويشوف الكنترول مسجل ايه
خليه يشفلك راجع البنزين للتانك لو موجود فيه بنزين لما بتفتح كونتاكت يبقي الطلمبة بريئة ولو مافيهوش بنزين تبقي الطلمبة تعبانه وهي السبب
غير كده تشوف بوابة الحقن

---

طب يا بشمهندس ايهاب انا معرفش حد بيكشف كمبيوتر يا ريت لو حضرتك تعرف حد قولى

اقتباس:

---

المشاركة الأصلية كتبت بواسطة mmokk

طب يا بشمهندس ايهاب انا معرفش حد بيكشف كمبيوتر يا ريت لو حضرتك تعرف حد قولى

---

كتير بس المهم قول انت تقدر تروح فين في القاهرة و الناس هنا تقلك لأني حتي الأن الحمد لله مرحتش لحد يكشفلي كمبيوتر

الحرفيين مليانه و شارع الاربعين خلف حديقة بدر مليانه ميكانيكية فولكس و ناحية الهرم و فيصل ابو السيد هيفيدك فيها

اقتباس:

---

المشاركة الأصلية كتبت بواسطة ehab_mansour

كتير بس المهم قول انت تقدر تروح فين في القاهرة و الناس هنا تقلك لأني حتي الأن الحمد لله مرحتش لحد يكشفلي كمبيوتر

الحرفيين مليانه و شارع الاربعين خلف حديقة بدر مليانه ميكانيكية فولكس و ناحية الهرم و فيصل ابو السيد هيفيدك فيها

---

والله ابو السيد كان قايلى على واحد فى فيصل بس مش عارف بيكشف كمبيوتر ولا لا انا مستنيه يرود عليا
والله انا تعبك معايا يا م/ ايهاب و ميرسى على اهتمامك

معلش انا أسف علي التأخير في الرد
بس المشكلة ان عندي شغل الصبح وبليل ومشغول جدا والله

بص يا باشا عصام ماعندوش كمبيوتر
لكن مش هيا دي القضية
زي ما المهندس ايهاب قال لحضرتك - بتوع الكشف بالكمبيوتر كتير اوي
المهم تكشف وتعرف العربية مسجلة ايه اعطال
عرفت العطل هتعمله عند عصام او غيره

حضرتك ساكن فين الأول؟؟

عصام في نهاية الهرم - مشعل

انا عايز حضرتك تعمل تحليل كامل للمشكلة بمعني
انا مشكلتي كذا
المسببات كذا وكذا
انا جربت كذا
يتبقي كذا وكذا

صدقني والله دي احسن طريقة لتتبع المشكلة وحلها
انا عملت كدة في عربيتي لما كان عندي مشكلة وفضلت ابحث وراها انا والمهندس ايهاب لحد لما بفضل من الله اولا ثم حليناها بردو سوا وتدخل عصام كان لا يتعدي ال20% في الحل والباقي كله انا وايهاب - ربنا يباركله

حضرتك فكر في الأتجاه التاني
يعني المهندس ايهاب قالك (طرمبة بنزين - بوابة)
وحط في تفكيرك (موبينة + اسبراتير + سلوك البوجيهات نفسها)

ميزة عصام الوحيدة
انه ميكانيكي فولكس - فلما بيحب يجرب مش بيخليك تشتري من برة
بيجيب من ورشته ويجرب عليها
علي عكس الميكانيكية الأخريين - بيخليك تشتري علشان يجرب حاجة

يعني لو موبينة - ممكن عصام يجيبلك من ورشته او تتصل بيا اجيبلك عربيتي تجرب بحاجتي من عربيتي (وحصلت قبل كدة)
لو سلوك بوجيهات - هيجيب من عنده
طرمبة بنزين - من عنده
بوجيهات - من عنده
اسبراتير - من عنده او بتاع عربيتي
لو البوابة نفسها - بردو من عنده او بتاعة عربيتي والله مش هتفرق

انت هنا في قسم سيات - يعني كل اللي حواليك معاهم نفس عربيتك - ولو روحت لعصام فهو بتاع فولكس يعني بردو عنده كل قطع غيار عربيتك ومش بيشتغل غير فيهم
فبأذن الله التجربة مش هتبقي فيها مشكلة

تمام ؟؟

فكر بس في مشكلتك واقعد حط الحلول وجرب الحلول واخر حاجة تعملها انك تشتري قطعة غيار بعد التأكد تماما ان المشكلة منها

انا توقعي الشخصي انها من اجهزة الأدارة (موبينة - اسبراتير - سلوك بوجيهات) + توقعات المهندس ايهاب (طرمبة + بوابة)
دور في دوول وان شاء الله مشكلتك تتحل بأقل التكاليف

لأن ماتحطش في بالك ان السخونية هي السبب
انت مشكلتك بتحصل وهي سخنة وبردو انت بتقول بتحصل احيانا وهي باردة
وبتقول انها لما بتعملها وهي سخنة بتبطل وتدور ما تعملهاش

اغلب الهسس دة بيبقي من (طرمبة البنزين + الأسبراتير)

تحياتي

اقتباس:

---

المشاركة الأصلية كتبت بواسطة syd

معلش انا أسف علي التأخير في الرد
بس المشكلة ان عندي شغل الصبح وبليل ومشغول جدا والله

بص يا باشا عصام ماعندوش كمبيوتر
لكن مش هيا دي القضية
زي ما المهندس ايهاب قال لحضرتك - بتوع الكشف بالكمبيوتر كتير اوي
المهم تكشف وتعرف العربية مسجلة ايه اعطال
عرفت العطل هتعمله عند عصام او غيره

حضرتك ساكن فين الأول؟؟

عصام في نهاية الهرم - مشعل

انا عايز حضرتك تعمل تحليل كامل للمشكلة بمعني
انا مشكلتي كذا
المسببات كذا وكذا
انا جربت كذا
يتبقي كذا وكذا

صدقني والله دي احسن طريقة لتتبع المشكلة وحلها
انا عملت كدة في عربيتي لما كان عندي مشكلة وفضلت ابحث وراها انا والمهندس ايهاب لحد لما بفضل من الله اولا ثم حليناها بردو سوا وتدخل عصام كان لا يتعدي ال20% في الحل والباقي كله انا وايهاب - ربنا يباركله

حضرتك فكر في الأتجاه التاني
يعني المهندس ايهاب قالك (طرمبة بنزين - بوابة)
وحط في تفكيرك (موبينة + اسبراتير + سلوك البوجيهات نفسها)

ميزة عصام الوحيدة
انه ميكانيكي فولكس - فلما بيحب يجرب مش بيخليك تشتري من برة
بيجيب من ورشته ويجرب عليها
علي عكس الميكانيكية الأخريين - بيخليك تشتري علشان يجرب حاجة

يعني لو موبينة - ممكن عصام يجيبلك من ورشته او تتصل بيا اجيبلك عربيتي تجرب بحاجتي من عربيتي (وحصلت قبل كدة)
لو سلوك بوجيهات - هيجيب من عنده
طرمبة بنزين - من عنده
بوجيهات - من عنده
اسبراتير - من عنده او بتاع عربيتي
لو البوابة نفسها - بردو من عنده او بتاعة عربيتي والله مش هتفرق

انت هنا في قسم سيات - يعني كل اللي حواليك معاهم نفس عربيتك - ولو روحت لعصام فهو بتاع فولكس يعني بردو عنده كل قطع غيار عربيتك ومش بيشتغل غير فيهم
فبأذن الله التجربة مش هتبقي فيها مشكلة

تمام ؟؟

فكر بس في مشكلتك واقعد حط الحلول وجرب الحلول واخر حاجة تعملها انك تشتري قطعة غيار بعد التأكد تماما ان المشكلة منها

انا توقعي الشخصي انها من اجهزة الأدارة (موبينة - اسبراتير - سلوك بوجيهات) + توقعات المهندس ايهاب (طرمبة + بوابة)
دور في دوول وان شاء الله مشكلتك تتحل بأقل التكاليف

لأن ماتحطش في بالك ان السخونية هي السبب
انت مشكلتك بتحصل وهي سخنة وبردو انت بتقول بتحصل احيانا وهي باردة
وبتقول انها لما بتعملها وهي سخنة بتبطل وتدور ما تعملهاش

اغلب الهسس دة بيبقي من (طرمبة البنزين + الأسبراتير)

تحياتي

---

بجد يا استاذ سيد انا متشكر جدا على اهتمامك و على ردك
انا ساكن فى دار السلام ومعنديش مشكله انى اروح لعصام هى المشكلة فى حاجه ان الموضوع اللى بيحصل فى العربيه دا بيحصل الصبح بس و مبيحصلش تانى خلال اليوم فحتى لو روحت لعصام زى ما حضرتك بتقول و غيرلى مثلا الموبينا او الطرمبة من عنده عشان نجربها فا كدا كدا حتى لو غيرها من عندوا العيب مش هيبان اذا كانت المشكلة اتحلت ولا لا لازم العربية تبات عشان اجربها تانى يوم الصبح عشان اشوف المشكلة اتحلت ولا لا فبجد انا مش عارف اعمل ايه انا نفسى احل المشكله دى عشان انا خايف فى مرة تعمل معايا كدا و مترضاش تدور خالص ساعتها هحتاس بيها والله انا بقيت بخاف اخرج بيها لتعملها معايا
والله يا جماعه انا بتعبكوا معايا جامد بس بجد عشان انا مش بفهم فى العربيات اوى ودى اول عربية اشتريها فاستحملونى شوية

اقتباس:

---

المشاركة الأصلية كتبت بواسطة mmokk

بجد يا استاذ سيد انا متشكر جدا على اهتمامك و على ردك
انا ساكن فى دار السلام ومعنديش مشكله انى اروح لعصام هى المشكلة فى حاجه ان الموضوع اللى بيحصل فى العربيه دا بيحصل الصبح بس و مبيحصلش تانى خلال اليوم فحتى لو روحت لعصام زى ما حضرتك بتقول و غيرلى مثلا الموبينا او الطرمبة من عنده عشان نجربها فا كدا كدا حتى لو غيرها من عندوا العيب مش هيبان اذا كانت المشكلة اتحلت ولا لا لازم العربية تبات عشان اجربها تانى يوم الصبح عشان اشوف المشكلة اتحلت ولا لا فبجد انا مش عارف اعمل ايه انا نفسى احل المشكله دى عشان انا خايف فى مرة تعمل معايا كدا و مترضاش تدور خالص ساعتها هحتاس بيها والله انا بقيت بخاف اخرج بيها لتعملها معايا
والله يا جماعه انا بتعبكوا معايا جامد بس بجد عشان انا مش بفهم فى العربيات اوى ودى اول عربية اشتريها فاستحملونى شوية

---

يا افندم احنا معاك قدر المستطاع ولا تقلق

عايز نصيحتي الشخصية روح لعصام الميكانيكي و قله علي المشكلة و خليه يغيرلك البوابة و ان شاء الله هتتحل المشكلة تماما ولو متحلتش هو هيرجعهالك تاني و هيحاول معاك في حاجه تانيه

اقتباس:

---

المشاركة الأصلية كتبت بواسطة ehab_mansour

يا افندم احنا معاك قدر المستطاع ولا تقلق

عايز نصيحتي الشخصية روح لعصام الميكانيكي و قله علي المشكلة و خليه يغيرلك البوابة و ان شاء الله هتتحل المشكلة تماما ولو متحلتش هو هيرجعهالك تاني و هيحاول معاك في حاجه تانيه

---

هو لو انا جبت البوابة جديدة.تعملها كام و اجييها جديدة ولا استيراد

اقتباس:

---

المشاركة الأصلية كتبت بواسطة mmokk

هو لو انا جبت البوابة جديدة.تعملها كام و اجييها جديدة ولا استيراد

---

مافيش جديد ولا في التوكيل موجوده استيراد فقط و هتاخدها علي التجربة لو حلت المشكلة تمام متحلتش ترجعها

طب بص يا استاذي
بادئ ذا بدء حضرتك لازم تحطها علي الكمبيوتر وتشوف حساس الحرارة بيقول ايه
لو روحت لكهربائي فولكس - هيعرف قراءات الحساس مظبوطة ولا مهيسة - اي كهربائي تاني مش هياخد باله ويمكن مايكونش عنده البرنامج اللي بيقرا قراءات الحساسات

انا الكهربائي بتاعي شغال بسوفت ويير فولكس - وبالتالي بيعرف العفريت مخبي ابنه فين في الأبيزا

لو حابب نروحله - انا معنديش مانع - ممكن نتفق علي اي يوم ونروح فيه سوا للكهربائي - هو في امبابة عموما (تحديدا في الصحفيين)

تحياتي