الموضوع: خريطة فيوزات اللوجان

بص يا زيزو الفيوز اللى عليه دايرة حمرا دة هو اللى بيعمل كدة يخلى الدنيا كلها تفصل
وهو مكانه زى الصورة كدة اول صف اول فيوز شمال فى الفيوزات العريضة
وهو عندى 30 امبير شوف عندك كام وغيره زيه

شكراً شكراً شكراً
هابص بكره وربنا يسهل.

شكراً يا عمرو على الخريطة ..
أنا وصلت للفيوز وغيرته ، هو رقمه 10 وهو على فكرة مكانه مختلف قليلاً عن اللى علمت لى عليه ، هو اللى فوقه على اليمين قليلاً.
ركبت مكانه فيوز من الاحتياطى اللى مشبوك فى باب علبة الفيوزات بنفس اللون وبنفس الرقم ..
والدنيا نورت وبقت فلة ..
بس هى نص دقيقة ولقيته عمل شرز ونور التابلوه فصل تانى.

أى نصائح أدام الله فضلكم؟

انت كدة محتاج كهربائى يشوف كدة اذا كان فيه بوش فى مكان الفيوز او فى حاجة بتسحب امبير عالى
على الفيوز دة يمكن يكون فيه حاجة ملمسة زى م الدكتور بيقول
.................
هو انت مزود حاجة على العربية ؟؟؟ ورقم الامبير اللى راكب عندك كام ؟؟
لو ضايف حاجة كهربائية اعمل زيارة للكهربائى اللى ركب
وعلى فكرة المكان اللى بقولك عليه فى الخريطة دة عندى فعليا .. يمكن علبة الفيوزات مختلفة رغم اننا نفس الموديل
شكلهم حيروشونا يا زيزو

رقم الأمبير بتاع الفيوز ده 10 ، وغيرته بنفس اللون والرقم والنوع.
فكرت أركب فيوز أمبيره أعلى علشان يستحمل ، 20 مثلاً ، بس حسيت ان دى فكرة غبية وان الحركة دى ممكن تعمل مشاكل.

أنا ما غيرتش أى حاجة فى كهرباء العربية من 3 سنين
ومافتكرش ان أنوار العدادات أو زراير التابلوه ممكن يكون فيها حاجة ملمسة لأنها لم تتعرض لحاجة ممكن تسبب كده.

الشك عندى فى الأنوار اللى على الأرض
نور الولاعة ونور قفل الزجاج الخلفى
الحتت دى ملطشة ، وممكن بيبسى يقع على الولاعة وكده.

هو الحتة دى فكها سهل؟

زيزو الموضوع دة محتاج كهربائى لان انا الفيوز دة عندى 30 امبير وفى نفس الوقت حاسس ان فى حاجة مختلفة بينا
فخلى كهربائى يبص عليها احسن وطالما الفيوز عندك 10 ممكن تجرب فيوز 15 امبير لكن دة مش حل
لان الفيوز بيتحرق علشان فيه تيار قوى داخله اكبر من المطلوب و كون انه بيتحرق فهو بيحمى القطعة او الجهاز المسؤول عنه
...............

هو الحتة دى فكها سهل؟

هى فكها سهل الى حد ما بس يفضل يكون كهربائى موجود
1 - حتفك اطار زراير الزجاج الخلفى باى مفك عادة حيطلع المجموعة كلها فى ايدك ومشبوكة فى سلكها
وحتفك فيش زراير الزجاج وكدة تبقى فصلت الزراير
2- حتلاقى فيه باب صغير تحت زراير الزجاج افتحه حتلاقى مسمار فكه
3- زرار المرايا الكهربا شده لفوق حيطلع فى ايدك وكدة حتشد الكونسول لفوق حيطلع ويتفضل الجزء التانى من الكونسول بتاع الولاعة والفتيس
4- حتلاقى مسمارين فى مكان الطفاية وحامل الاكواب فكهم و مسمار اخر تحت الفتيس وامام فرامل اليد دة اذا كان موجود المسمار دة مش فى كل العربيات ما اتذكر
بس كدة والتركيب العكس