غيرت فتيس عربيتي الصني و نصيحة لصقور نيسان

**elnady_1987** · 31-10-2012 09:38 AM

يا جماعة احنا هنا كلنا بنساعد بعض لما حد يحصل معاه مشكله نرجع لبعض ونتابع الموضوعات السابقة لان فى احد الاعضاء الفتيس بتاعه باظ وصلحه ب3400 وانا كان حصل معايا نفس المشكلة وغيرته تماما وفكته من على نص ب2100 وعلى فكرة العربية ارتاحت جدا فى ال rpm بعد الفتيس الجديد احنا هنا عشان نساعد بعضنا ومعانا منسق قسم الناس كلها بتحسدنا عليه واجتماعى جدا فيا ريت نساعده ونستفاد من خبرات وتجارب ومشاكل كل واحد فينا

**Youssef.Awad** · 31-10-2012 09:50 PM

وهو ده السبب فى استمرار ونجاح قسم نيسان حتى الان والحمد لله ..

**abono** · 01-11-2012 03:34 AM

طيب يا فندم تقريرك بأه عن تركيب الفيتيس علشان تخدم باقى أعضاء القسم و جزاكم الله عنا و عنهم خير

**Ahmed.TV** · 01-11-2012 04:46 PM

محمود بيك .. شكرا على احساسك الطيب وشعورك النبيل .. وطمنا عليك .. وقولنا عملت ايه باشا .. وجبت منين الفتيس وكان ضمانه قد ايه .. واطمنت انه كويس ازاى قبل نا تركبه وايه الاحساس والاختلاف اللى ظهر معاك للافضل
وعربيتك مانيول ولا اوتو .. وهل لما غيرته حسيت بنتشة فى الفتيس بين النقلات ولالا

**د. علاء ابراهيم** · 02-11-2012 02:29 AM

مبروك التغيير و نحن دائما فى الخدمة
ادام الله المودة و المحبة بيننا

**maged george** · 03-11-2012 01:24 AM

المشاركة الأصلية كتبت بواسطة elnady_1987

يا جماعة احنا هنا كلنا بنساعد بعض لما حد يحصل معاه مشكله نرجع لبعض ونتابع الموضوعات السابقة لان فى احد الاعضاء الفتيس بتاعه باظ وصلحه ب3400 وانا كان حصل معايا نفس المشكلة وغيرته تماما وفكته من على نص ب2100 وعلى فكرة العربية ارتاحت جدا فى ال rpm بعد الفتيس الجديد احنا هنا عشان نساعد بعضنا ومعانا منسق قسم الناس كلها بتحسدنا عليه واجتماعى جدا فيا ريت نساعده ونستفاد من خبرات وتجارب ومشاكل كل واحد فينا

شكرا يا باشا على شعورك الطيب بس لو حضرتك كنت سبقت شويتين كده وعملتلنا تقرير حلو عن تغيير الفتيس كنت انا غيرت بدل ما اصلح بـ 3800 بالزيت وعلى عموم احنا فيها قولنا جبته منين وكشفت عليه ازاي ومعاه ضمان ولا لأ وانا كمان هتابع الفتيس بتاعي بعد التصليح وابلغكم بالتطورات عشان كلنا نعرف التغيير احسن ولا الاصلاح عشان الواحد بيبقى محتار وربنا يديم المحبة والشعور الطيب بين جميع الاعضاء.

**elnady_1987** · 04-11-2012 09:27 AM

الفتيس جبته من الحرفين والسعر الى انا جبت بيه دا كان غالى شوية بي انا صممت عليه لانه كان فعلا حالته ممتازة انا جبته ب1800ج وكان فيه حجات ب1600 بس انا جبت دا كدا بضرب النار والفصال المميت تاكدت من سلامته لما فكيته من على نص وكان لون الزيت بتاعة بتاع الفابريكة والعربية الى فككها من عليه تكاد تكون جديدة وعلى فكرة انا مكانش معايه حد وانا بشترى وكان ضمانه شهر من تاريخ الشراء وطبعا كان الراجل كاتب عليه تاريخ الشراء منه معلمه ومنة كاتب التاريخ ورحت ركبته وبصراحة اختلاف تام فى العربية الrpm ارتاح تماما يعنى تبق ماشى 100كم والrpm 2.5 وكنت ماشى 160كم والrpm3.5 فعلا اختلاف رهيب والعربية نعمت وبطلت تنحر النقل بين الغيارات بق اريح كتير بس فى نتشة فى الطلعة ودى انا اكتشفت امبارح ان العيب فى قاعدة الفتيس مش فى التيس لاتها الكوتش بتاعها مشروخ وما شاء الفتيس كدا بفاله شهرين وكله تمام وطبعا تريخ الrpm وفر فى استهلاك البنزين كتير