اشتريت بطارية 70 امبير maxxis للسيراتوا

**Deshahcoka** · 31-10-2012 01:27 PM

رجالة ...

انا البطارية ضعيفة و بقالها سنتين و نامت مني بعد يوم ركنة ...

المهم كان لازم تتغير فنزلت اسال لقيت انوا فرق السعر بين ال 55 و ال 70 مش كبير فتوكل على الله في ال 70 ..

كنت حركب ac delco السعودي ... الراجل فالي لا انا عندي وحادة امريكاني اسمها maxxis .. و من الاخر كله زيه بعضه يعد سنة ولا اتنين و خلاص ...

رايكم ايه مش عارف دورت في النت على النوع ده مش لاقي حاجة .. و خايف يكون اتنصب عليا :(

و مش حاسس بفرق بين ال 70 و الي قبليها مع انوا فبريكة العربية 44 امبير بتدي حاجة و 30

**احمد المصرى** · 31-10-2012 01:42 PM

بالنسبه لانك ركبت اكتر مش هتفرق طبعا فى حاجه ولا هتحس باى فرق عادى خالص بالنسبه للنوع السعودى اغلب الناس مجربينه مش اكتر مش معنى كدا ان الانواع التانيه وحشه لا اطلاقا فى انواع تانيه كتير والبطاريات بالذات نصيب ممكن نوع عادى يقعد معاك 5 سنوات ونوع اخر ومشهور يقعد معاك سنه واحده

بس انت مقلتش انت جبتها بكام

**olver** · 31-10-2012 02:04 PM

اولا مبروك و بما ان العربيه ماشيه تمام سيبك من اى حاجه
تاني حاجه انت غلط لما مسالتش الاول حضرتك لما جبت بطاريه 70 امبير اكنك جبت حاجه كبيره و عمرك ما هاستعملها ده بالزبط الى حصل و انك تحس بفرق مش هيحصل حاجه خالص لان البطاريه هتدى العربيه الى محتاجه مش اكتر فمفيش فرق بينها و بين ال 55 امبير فى الحاله بتاعتك
و ان البطاريه الجديده تكون ب 400 ده حلو اوووووى لما تكون 70 امبير فى ربنا يباركلك فيها و يطرح فيها البركه انشاء الله

**Deshahcoka** · 31-10-2012 02:14 PM

المشاركة الأصلية كتبت بواسطة olver

اولا مبروك و بما ان العربيه ماشيه تمام سيبك من اى حاجه
تاني حاجه انت غلط لما مسالتش الاول حضرتك لما جبت بطاريه 70 امبير اكنك جبت حاجه كبيره و عمرك ما هاستعملها ده بالزبط الى حصل و انك تحس بفرق مش هيحصل حاجه خالص لان البطاريه هتدى العربيه الى محتاجه مش اكتر فمفيش فرق بينها و بين ال 55 امبير فى الحاله بتاعتك
و ان البطاريه الجديده تكون ب 400 ده حلو اوووووى لما تكون 70 امبير فى ربنا يباركلك فيها و يطرح فيها البركه إن شاء الله

مهوا عشان كدة معلش انا اتلخبط ... ديه الي ب 400 ديه ال 55 ..

انا ال 70 الي ركبتها وقفت عليا ب 490 بعد الفصال و هوا كان واخد القديمة في ناس قالتلي انوا القديمة تقف عليك لما تبعها ب 150 200 جنيه عشان كدة ..

معلش انا اسف على غلطة السعر .. اصلي كنت متلخبط ... و على فكرة في بطاريات اسانيها غريبة كدة 55 ب 320 اعتقد ...

هوا قالي ال 70 احسن عشان انا مركب زينون فوجات و قالي ال 44 مكنتش بتدي كفاية العربية .. و ال 70 ختليلك العربية مستريحة و تسحب و الدنيا متظبطة ...