الموضوع: استعمال طبيب !! استعمال سيدة !!!

يا فندم احنا مجتمع طبقي بحت عايز تلاقي ايه من مجتمع بيدي افضليه للمهندس و الطبيب عن اي مهنه اخري ،،،، فهو من المنطلق ده كان بيتقال الكلام ده انه استخدام طيار او طبيب يعني عشان يحسسك بالرقي و النضافه او سيده عشان يقولك ان العربيه بحالتها يعني ،،،، و عموما الشيء الوحيد اللي في نظري مفيد انه يقول استخدام سيده او استخدام عائلي بحيث انه لو حالة الصاج و الموتور كويسه هيبقي معاك عربيه بحالتها من حيث كل حاجه خصوصا ان الستات نادرا لما بيبقي فيهم زي الشباب بتحرق علي النقلات و تجري وكده

المشاركة الأصلية كتبت بواسطة alysalim

ياباشا طبيب عن طبيب يفرق -- فيه طبيب اقصي امانية يحصلو 1000 جنيه راتب - وطبيب بيتحجز عنده بالشهر والشهرين والكشف 330 جنيه --- برضو عربياتهم --- لكن المقصود انه من البيت للعيادة ومن العيادة للبيت - الظابط البحري شهر سفر وشهر اجازة مثلا --فالمقصود ان لو عربية موديل 2000 مع طابط بحري معنها انها مستعمله لنص المدة فقط-- اما الطبيب اللي شغله واخد وقت فطول الاسبوع العربية ممكن تعمل مثلا 200كم بس وخميس وجمعه تعمل 200 كم عشان الفسحة ---- اما لو مهندس مثلا مشاريع فطول النهار في مشروعه وطرق غير معبده

والله الكلام منطقي برضه بس انا مبرجحش ان كان ده التفكير لان في دكاتره طول اليوم بتلف علي عيادات و مستشفيات و ممكن يحتاج يجري كتير بالعربيه لو في حالات طارئه او عمليه مثلا ،،،، المهندس ممكن يكون شغال في شركه و من البيت للشركه ، من الشركه للبيت فقصدي انه تعميم خاطئ

والله ياجماعة انا مش شايفها ميزة خالص بالعكس..

يعني مثلا كنت مرة بتفرج على العربيات في سوق الجمعة ولقين عربية كورلا 2007 مكتوب عليها بردو "استعمال طبيب"

واتفرجت عليها لقيتها مفحوتة بمعنى الكلمة كانت متدمرة والله ومتبهدلة وقال ايه لسا بحالتها وطالب فيها كتير قومت سيبتو ومشيت.

وشوفت عربية تاني مع شاب مش فاكر نوعها بصراحة بس كانت نضيفة جدا وجميلة والواد كان مهتم بيها ومدلعها بسم الله ماشاء الله.

يعني انا مثلا والدي طبيب ومحافظ على العربية كل مشاوريو من البيت للعيادة ومن العيادة للبيت وكل فين وفين لو راح مشوار ولا حاجة..في السنة مبيكملش الــ 8000 كيلو أساسا.

الخلاصة:

ان الناس واخدة فكرة ان العربية لما تكون مع طبيب يعني مهتم بيها وبيصرف عليها ولما تكون مع شاب يبقى عامل بيها حوادث ومدمرها ولكن الحقيقية ان العكس صحيح.

ودا لايمنع بردو ان في اطباء مهتمين جدا بعربياتهم ومافظين عليها بصراحة وانا شوفت دا بعيني في عربيت دكتور زميل والدي.

وتحياتي للجميع.

المشاركة الأصلية كتبت بواسطة Ahmed_Adham

العربيه دي متسرقتش يا دكتور. العربيه دي طفشت من تحت ايد صاحبك.

من تعليقات بعض الناس هنا ...... حاسس الناس مش طايقة الاطباء اصلا