حد جرب الفتيس الجديد ال easytronic عايز أعرف المشاكل بتبعته و هل هو معمر ؟ ياريت اللى عنده يشاركنا .
عرض للطباعة
حد جرب الفتيس الجديد ال easytronic عايز أعرف المشاكل بتبعته و هل هو معمر ؟ ياريت اللى عنده يشاركنا .
اكيد يا باشا في ناس هنا جربته..
مصطفي فاروق معاها لعربية استرا فيها الفتيس ده..
وانا نفسي جربته.
الفتيس مفيهوش اي مشاكل لحد دلوقتي..
كل اللي فيها ان الفتيس ده مش فتيس اوتوماتيك اصلا..
ده فتيس مانيوال عادي جدا..
بس كل الفرق ان في وحدة تحكم في الكومبيوتر بتاع العربية
هي اللي بتقوم بالدور بتاع الدبرياج..
بس..
الفتيس جام جدا.. و عمره الافتراضي زي ابتاع المانيوال بالظبط..
يعني معمر جدااااااااااااااااا..
الناس اللي مش متعوده علي الفتيس ده بس.. و فاكرينه زي الاوتوماتيك العادي..
هيقولك بيأخر و فيه نتشة و مش بيجمع بسرعة و الكلام ده..
لكن التعود.. ولو كنت سايق مانيوال قبل كده.. مش هتحس بالموضوع ده خالص..
أنا سوقت كتير عربيات مانوال و عندى تويوتا كورولا أتوماتيك . اللى أنا خايف منه أنها تتأخر فى النقل و سمعت انها مش كويسة على السلانسيه لو هى على ِa ويستحسن تمشى مانيوال على السلانسية خصوصا فى وسط البلد و الزحمة و طبعا أنا عايز أجيب أتوماتيك علشان الزحمة . أرجو الأفادة فى ذلك
يعنى لو أنتى ماشى على الأوتوماتيك فى الزحمة تلاقى العربية نتش و تنقل الى النقلة الأعلى متأخر و يستحسن تنقل على المانيوال علشان تتفادى المشاكل دى
هو ده اللى أنا خايف منه .اقتباس:
الناس اللي مش متعوده علي الفتيس ده بس.. و فاكرينه زي الاوتوماتيك العادي..
هيقولك بيأخر و فيه نتشة و مش بيجمع بسرعة و الكلام ده..
ده حقيقي..
بس ايه المشكلة في كده..؟؟
لما تبدأ تمشي عادي.. هتنزل هي لوحدها..
و هتنقل علي النقلة المناسبة..
مانا عشان كده باقولك انه في فرقو بين الاوتوماتيكا لعادي.
و الايزي ترونيك..
الموضوع مش عيب في الفتيس
القصة كلها انك لازم تكون مصحصح معاه
يعني اول ما ينقل ..حضرتك ترفع رجلك من على الدواسة و دوس تاني تلاقيه نقل زي المانيوال بالظبط
بس لو فضلت دايس (زي الأوتو) هوب .........تلاقي الدنيا هبطت شوية كدة بتاع ثانيتين و ترجع الأمور طبيعية
لو حضرتك غاوي ركوب يبقى بلاش ولو غاوي سواقه يبقى تمام
و زي ما أحمد بيك علاوي نصح حضرتك .......جربها
حضرتك شئ طبيعي أن العربية تنقل في الزحمة متأخر لأن أنت بتبقى ماشي بسرعة بطيئة أو متوسطة سواء سرعة السيارة أو سرعة المحرك و العربية مبتنقلش إلا عند rRPM معين .. يعني مثلاَ بتنقل للسرعة الأعلى عند 4000 مثلاَ و أنت ماشي جوة البلد على 40 كيلو مثلاَ و يمون RPM 2000 فطبعاَ الفتيس مش هينقل ..
:):)
أنا جربتها بسرعة حسيت أنها كويسة مش للدرجة دى , بس أنا بسأل اللى عندهم من فترة أيه الأخبار بعد سنة أستعمال مثلا هل المشكلة دى بتزيد ولا بتقل .
على العموم شكرا ليكم ياجماعة أنا هتوكل على الله و أشتريها و اللى فيه الخير ربنا يعملة .
هو حضرتك ناوي تشتري أسترا و لا فيكترا ..
:):)
الف الف مبروك مقدما
اختيار موفق ان شاء الله
أنا حجزت أسترا أستيشن و على بركة الله
يا باشا المشكلة ولا بتويد ولا بتقل..
النقطة كملها ان بعد سنة.. هتحس ان مفيش مشكلة اصلا..
بس لسبب واحد..
انك هتكون اتعودت علي العربية.. و مش هتحس باي حاجة..
وعموما.. اللي مش عاجباه العربية بالفتيس ده.. (اقصد جربها و معجبتوش)
يبقي البديل المناسب ليها البيجو.. ال307,, و اللي عايزها يلحقها عشان بتخلص..
و الف مبروك عليك العربية ان شاء الله..
ربنا يحفظهالك و يكفيك شرها و يباركلك فيها..
و في الانتظاؤ.. إنضمام سعاتك لينا هنا في اسرة اوبل..
1000 مبروك مقدماَ ..
:):)
أشكركم جميعا على حسن تعاونكم معايا على أتخاذ القرار و أول ما هستلم العربية هنضم معاكم و أقولكم أخبارها أيه .
انا كان معايا لانسر اوتوماتيك وغيرت ل فيكترا - فرق كبير فى السحب فى السرعات المنخفضة وجوة البلد لصلاح الانسر- غيرت السوفتوار فى التوكيل والوضع اتحسن شوية لكن النتشة موجودة لسة ... طبعا العربية على السريع شديدة جدا وثابتة جدا احسن كتير من الانسر و 190 كم/ساعة توصلها بسهولة لكن لو كان الزمن يرجع ماجبهاش تانى واشوف بديل يكون اوتوماتيك عادى زى الجيتا او الباسات
هو السوفت و ير ده عند منصور ؟؟؟؟؟ و بكام لانى بفكر اشترى استرا
انا لسه مكلم التوكيل قالى ان مفيش اى معلومات عن ال2009 اللى موجود 2008