easytronic

**wgdaif123** · 09-07-2008 03:25 PM

حد جرب الفتيس الجديد ال easytronic عايز أعرف المشاكل بتبعته و هل هو معمر ؟ ياريت اللى عنده يشاركنا .

**Ahmad Allawy** · 09-07-2008 04:12 PM

اكيد يا باشا في ناس هنا جربته..
مصطفي فاروق معاها لعربية استرا فيها الفتيس ده..
وانا نفسي جربته.
الفتيس مفيهوش اي مشاكل لحد دلوقتي..
كل اللي فيها ان الفتيس ده مش فتيس اوتوماتيك اصلا..
ده فتيس مانيوال عادي جدا..
بس كل الفرق ان في وحدة تحكم في الكومبيوتر بتاع العربية
هي اللي بتقوم بالدور بتاع الدبرياج..
بس..
الفتيس جام جدا.. و عمره الافتراضي زي ابتاع المانيوال بالظبط..
يعني معمر جدااااااااااااااااا..
الناس اللي مش متعوده علي الفتيس ده بس.. و فاكرينه زي الاوتوماتيك العادي..
هيقولك بيأخر و فيه نتشة و مش بيجمع بسرعة و الكلام ده..
لكن التعود.. ولو كنت سايق مانيوال قبل كده.. مش هتحس بالموضوع ده خالص..

**wgdaif123** · 09-07-2008 04:29 PM

أنا سوقت كتير عربيات مانوال و عندى تويوتا كورولا أتوماتيك . اللى أنا خايف منه أنها تتأخر فى النقل و سمعت انها مش كويسة على السلانسيه لو هى على ِa ويستحسن تمشى مانيوال على السلانسية خصوصا فى وسط البلد و الزحمة و طبعا أنا عايز أجيب أتوماتيك علشان الزحمة . أرجو الأفادة فى ذلك

**Ahmad Allawy** · 09-07-2008 04:32 PM

المشاركة الأصلية كتبت بواسطة wgdaif123

اللى أنا خايف منه أنها تتأخر فى النقل و سمعت انها مش كويسة على السلانسيه لو هى على ِa ويستحسن تمشى مانيوال على السلانسية خصوصا فى وسط البلد و الزحمة

انا مش فاهم الكلام ده..
ممكن توضح شوية..؟؟!!!

**wgdaif123** · 09-07-2008 04:41 PM

يعنى لو أنتى ماشى على الأوتوماتيك فى الزحمة تلاقى العربية نتش و تنقل الى النقلة الأعلى متأخر و يستحسن تنقل على المانيوال علشان تتفادى المشاكل دى

**wgdaif123** · 09-07-2008 04:44 PM

الناس اللي مش متعوده علي الفتيس ده بس.. و فاكرينه زي الاوتوماتيك العادي..
هيقولك بيأخر و فيه نتشة و مش بيجمع بسرعة و الكلام ده..

هو ده اللى أنا خايف منه .

**Ahmad Allawy** · 09-07-2008 04:44 PM

ده حقيقي..
بس ايه المشكلة في كده..؟؟
لما تبدأ تمشي عادي.. هتنزل هي لوحدها..
و هتنقل علي النقلة المناسبة..

مانا عشان كده باقولك انه في فرقو بين الاوتوماتيكا لعادي.
و الايزي ترونيك..

**Ahmad Allawy** · 09-07-2008 04:45 PM

المشاركة الأصلية كتبت بواسطة wgdaif123

هو ده اللى أنا خايف منه .

الموضوع فيمنتهي البساطة..
جرببها قبل ما تشتري..

**Ahmed Samy** · 09-07-2008 04:50 PM

الموضوع مش عيب في الفتيس

القصة كلها انك لازم تكون مصحصح معاه

يعني اول ما ينقل ..حضرتك ترفع رجلك من على الدواسة و دوس تاني تلاقيه نقل زي المانيوال بالظبط

بس لو فضلت دايس (زي الأوتو) هوب .........تلاقي الدنيا هبطت شوية كدة بتاع ثانيتين و ترجع الأمور طبيعية

لو حضرتك غاوي ركوب يبقى بلاش ولو غاوي سواقه يبقى تمام

و زي ما أحمد بيك علاوي نصح حضرتك .......جربها

**Mzeid** · 09-07-2008 04:53 PM

حضرتك شئ طبيعي أن العربية تنقل في الزحمة متأخر لأن أنت بتبقى ماشي بسرعة بطيئة أو متوسطة سواء سرعة السيارة أو سرعة المحرك و العربية مبتنقلش إلا عند rRPM معين .. يعني مثلاَ بتنقل للسرعة الأعلى عند 4000 مثلاَ و أنت ماشي جوة البلد على 40 كيلو مثلاَ و يمون RPM 2000 فطبعاَ الفتيس مش هينقل ..
:):)