الموضوع: يااارب كفاااارة

مستني اليوم اللي هبييع فيه العربية عشان يتقالي كفااااااااااارة اي والله كفاااااااارة انا حاسس اني ظلمت عربية ناس او جيت علي عربية وجرحت شعورها عشان كده ده كله بيتردلي في عربيتي اي والله مكفهاش ال ١٦ باكو اللي اتصرفو عليها ياناس في سبع شهور لا لازم تعمل بأصلها وتقولي اوعي تصدق انك هتنساني لا انا هجرحك تاني انا ماشي في امان الله اجي اعمل كيك داون الاقي صوت بلاستيك بيخبط في بلاستيك ويروح اكن الكرتيرة بتحك في الكاوتش كام ثانية وتروحالصوت كان بيستمر كام ثانية ويختفي انا قلت لازم اقف ابص مينفعش اطنش وقفت في بلبيس انا كنت طالع من الزقازيق علي العاشر بعد موقفت في بلبيس وركنت علي جنب ولابس النضارة الشمس ام ١٥ جنيه عشان الري بان اتكسرت من واحد صاحبي *_* وانا بركن كسرت العجلة اليمين علي اقصي اليمين عشان ابص علي الكرتيرة اللي علي اليمين عشان الصوت جاي من ناحيتها ونزلت وقلت ابص من فوق من عند الكبوت الاول وانا بفتح الكبوت شوفت منظر مستحيل تعرف تشوفه تاني مع مازدا ٣ مش هتقدر تغمض عنيك شوفت اييه بقي شوفت سير المجموعة نصه طاير ويمكن اكتر من نصه كمان والعربية كنت سايبها دايرة المنظر كان جميل الله البلي والدينامو نصهم فاضي واقل من نصهم سير وبصيت علي الفرده اللي علي اليمين لقيت اشلاء النص التاني بتاعت السير عشقت في الكوبلن مش قطعة واحدة لا دول مجموعة قطع وعشقو مع بعض فمع الكيك داون كانو بيخبطوا في الكارتيرة ويعملو صوت ظريف كدة انا قلت عاشر ايه مفيش عاشر وعشان ربنا يسترها معايا هطلع علي الحرفيين ومش هخلي الر بي ام يعدي ال ٢ عشن الير يعتبر ماشي باقل من نصف طاقته يدوب مشيت وانا ماشي في اخر طريق الكلية الجوية في مشتل لقيت مرة واحدة عند المشتل ده لقيت لنضه البطارية نورت قلت اهلا جاي بعمل اشارة يمين عشان مقفش في الطريق لقيت الدركسيون واا دركسيون الادا عارف لما تكون الادا واقفة وانتا بتحود الدركسيون علي الاخر وهيا واقفة كان دركسيون المازدا اتقل منه وهيا علي سرعة ٦٠ قلت في سري كده السير شكرا نزلت عشان ابص لقيت السير الله يرحمه وللعلم السير ده انا مغيره من ٦ شهور ومكملش ال٢٠٠٠٠ كيلو ومكانش بيعمل اصوات ولا كان بيعمل اي حاجة هيا طلبت معاه فجأة يتقطع رحت موقف العربية عند المشتل الراجل طلع قالي في ايه قلتله السير اتقطع وعايز نص نقل تشدني لحد الحرفيين قالي اقل حاجة هياخد منك ١٥٠ جندي روح هات السير موصلات واحنا هنشفلك ميكانيكي واركن العربية فب المشتل متخفش امان ان قلت في سري حتي لو مش امان هيا اصلا لو دارت هتولع بيه لان طرمبة الميه واقفه ركنت العربية في المشتل وطبعت علي الطريق وقفت يجي نص ساعة لحد ملاقيت ميكروباص رايح السلام ومن السلام علي الحرفين وجبت السير وقلتله بتاع المازدا ٣ قالي هو ده قلتله شور قالي ايوه قلتله انا هرجع اركبه في الشرقية عشان العربية عطلانه هناك قالي توكل علي الله وتقلقش قلت اوك ومن الحرفيين علي السلام علي بلبيس رحت علي العربية لقيتها في مكانها والراجل بتاع المشتل طلعلي وقالي جبت السير قلتله اه قالي طب ثواني وهروح اجيبلك الميكانيكي الراجل يشكر خمس دقايق ولقيت معاه الميكانيكي قلتله نضف مترح السير القديم ونضف الكوبلن واوعا تقطع كاوتشة الكوبلن وانتا بتنضفه قالي متقلقش واعد يجي ربع ساعة ينضفه وبعد مخلص جايين نركب السير قالي ياباشا السير ده متاكد انه بتاعها قلتله اه جيه يركبه السير حالف مايركب السير دقيق طب ايه العمل قلتله تعرف تتصرفلي في سير اكبر امشي بيه حالي للقاهره قالي لا للاسف معنديش ولا اقدر اتصرف قلتله استحاله اروح تاني القاهرة موصلات ولو جبته وطلع هعد اغني ظلوه ومن هنا ظهرت نبغة الميكانيكي الشرقاوي قالي الدينامو علي مسمارين مسمار من فوق ومسمار من تحت لو شيلنا السمار اللي تحت الدينامو هيريح يجي تلاته سنتي والسير ساعتها هيركب بالعافيه شيلنا المسمار اللي تحت وريحنا الديانامو بالبلية بتاعته. وهوب بالعافية السير اتركب بالعافية وقالي لو عايز تمشي عليه كدخ هادي قلتله لا انا لازم اطل عل حرفيين كام ياسيدي شغل ايدك خد مني ٥٠ جند *_* وهووب طلعت علي القاهره ومزودتش عن ١١٠ السرعة وروحت علي الحرفيين وقلتله الميكانيكي قالي العربية يااما مغيره ديانمو ياحاجة في التكيف عشان كده السير مرضاش يركب يا اما السير ده مش بتاعها وانا عارف العربية مغيرتش الحاجات دي يبقي السير ده مش بتاعها وقالي ان السير اللي يركب عليها النمرة اللي بعده وقلتله علي فكرة عربيتي خليجي قالي مش تقول كده ده اللي يركب علي عربيتك بتاع ال٢٠٠٠ cc وال٢٤٠٠ والخليجي بتختلف عن المصري في الميكانيكا معادا شكل المكنه من فوق. قولتله طيب اديني بتاع ال ٢٠٠٠ وركبناه واديته الاصلي بتاعها ورجعت الديانمو لوضعه الاولاني دلوقت في كام استفسار عندي السير الضيق كان مقاسه ٢٠٠٥ واللي ركب عليها كان ٢٠٣٠ لما ركبت الجديد ومشيت بيها لحد البيت لما باجي ادوس بنزين بسمع صوت صفير هوا كلمت الميكانيكي بتاعي قالي يا السير عليه وساخه يا اما في بلية بتعمل الصوت ده قالي ادلق علي السير ميه بس مش بالعبيط ولو الصوت ده لسه موجود تعالالي حد عارف الصوت ده من ايه هل هيا وساخه علي السير ولا السير نوعه وحش ولا في بليه فيها حاجة ولا اللبلية بتاعت الشداد معقولة لسه مريحتش بعد ٦٠ كم ، المفجأة التانية لما روحت بصيت علي السير اللي كان راكب فيها اول مشتاريتها وانا غيرته مكتوب عليه ٢٠٠٠! طب ازاي حد يفهمني عشان انا تهت وده الرقم اللي مكتوب علي السير القديم اللي عندي multirib 6 pk 2000 ومكتوب made in uk
كفاااااااااارة ياااااارب يااااااارب ونبي ياااارب انا تعبتتتتتتتتتتتتت *_*