الالنتراالجميله 2013 بتتنطط من ورا مووووت واقتراح لتظبيطها

مساء الفل

اولا انا عضو قديم من ايام مان عندى هيونداى اكسل ...

بعدت عنكم شويه لكن رجعتلكم بالالنترا ام دى 2013 اوتو اول فئة بمرايات ضم

العربيه استلمتها يوم 13 اكتوبر وخلصت اول 1000 كيلو

واشتركت فى موضوع هيونداى ايليت والشركة بعتتلى حد عملى صيانة الالف

تقيمى للسياره كالتالى

الصالون واسع جدا
الشنطه واسعة جدا
التابلوه ةالاوبشن اللى فيها راضينى ومش متضايق منهم خالص
الموتور ممتاز ومعدل التسارع هايل زى ما اتعودنا مع مواتير هيونداى
الفرامل كويسه ولو انها بتعمل صوت على البطئ زى صوت الخشونه اللى بيحصل لما التيل يقرب يخلص

نيجى بقى للمشكلة اللى مش عاجبانى خالص ومزعلانى جدا من العربية وهى العفشه كالتالى

اولا العفشه نسبيا تعتبر ناشفة وبتخس بالمطبات والرد عليا كان لان الفشه رياضية وقلت ماشى علما بانى ظبط الكاوتش على 30 هيدرجين

المشكلة الاكبر فى ان العربيه بتتنطط من ورا بهبل حتى لو ماشى على 100 بس وكل ما السرعة تزيد يزيد التنطيط وتديك احساس بانها بتعوم من ورا وتديك احساس بعدم الامان نهائى

المهم انا ليا فى الشغل اتنين من اصحابى الاعزاء معاهم نفس العربية واحده الكامله بمفتاح ذكى والتانيه كامله من غير المفتاح

واصحابى دول برضو بيشتكوا نفس الشكوى لدرجة انهم بيفكروا يبيعوهم

المهم عمالين ندور على طريقة لضبط الموضوع بتاع العفشة ده فاحد اصحابى دول بيحب الجرى مووت والعربيه مكدراه جدا

المهم سال الناس اللى بتعدل العربيات وقالولوا ان اول حل ان يركب للعربية سوست اقوى من اللى فيها بس المشكله ان السوست دى لازم نجيبها من بره

فقلت اخد رايكم فى الموضوع بتاع السوست ده

ايه رايكم ادام الله عزكم

انا لاحظتها لكن مش بدرجة كبيرة و فكرت ممكن تكون محتتاجة مساعدينن برضه زى الاكسنت كده مساعدينها مش حلوة ولا ده مجرد شعور عشان التورشن بيم ؟

حضرتك تقصد ايه بالتنطيط ؟
- حركة رأسية لفوق و تحت
- و لا حركة عرضية في المطبات الخفيفة مع الملفات ؟

لو التانية .. فده بسبب التورشن بيم و ده مافيش منه أي مشكلة لأني بأسافر بالعربية دي علي طول و سرعتي المتوسطة بتكون 120 كم/س حتي في الملفات و ممكن أخد بيها ملف 140 كم/س مهما كانت درجته و لكني لا أنصح نظرا للتصرفات الخاطئة من البعض ممن يتعمدون التوقف بالملفات أحيانا

ام تغيير السوست بسوسست أنشف ده هايزود الثبات شوية و هايقلل أحتكاكها بالمطبات و لكن هايزود الاحساس بالمطبات أكثر

أنا رأيي أنك ممكن تغير الكاوتش لمقاس 15/205/60 ده هايزود ثبات العربية اكثر و لكن قد يقلل من أرتفاعها

هية العرضية محسوسة اكتر اعتقد بس مش للدرجة االلى تتضايق

اقتباس:

---

المشكلة الاكبر فى ان العربيه بتتنطط من ورا بهبل حتى لو ماشى على 100 بس وكل ما السرعة تزيد يزيد التنطيط وتديك احساس بانها بتعوم من ورا وتديك احساس بعدم الامان نهائى

---

معقول ؟

حضرتك وفر فلوسك .
لو عاوز تحل الموضوع ده هتخش فى تكلفه مش على الاقل 6000 او 7000 جنيه عفشه اسبور .و العربيه هتبقى ثابته باذن الله عن الاول و لكن متتوقعش هتبقى بى ام يعنى .هتثبت اكتر من الاول بكتير و لكن مش هتعدى البى طبعا .
و الله اعلم
الكوتش مش هيحل مشكلة التنطيط فى مطبات الهوا .
مشكلة السوست طريه جدا جدا و المساعدين عوزين يبقوا انشف
بس العربيه هتبقى ناشفه موووووت

ربنا يكفيك شرها ويمتعك بيها

معقوله هتعدل في عربيه زيرو!!!
انا راءيي ان عدم الاحساس بالثبات درجات
اول درجه وده محدش بيختلف عليه نهائي يعني مثلا استحاله حد يقدر يفتح بقه على المرسيدس مثلا
تاني درجه اللي احنا بصددها ان فيه ناس طبيعة رتمها هادي و اقل حاجه معقوله ترضيه فمبيشوفش مشكله من وجهة نظره في حين ان واحد تاني طبيعته مختلفه يقول لك ده ثباتها زفت و هي ثباتها متوسط يعني بين الراءيين و ده عشان كل واحد جهازه العصبي غير التاني
تالت درجه الوحش بالفعل و مش ممكن حد يختلف على كده
الغريب في الموضوع ان حضرتك كان معاك اكسيل يعني الالنترا امله بالنسبه لها
هو فيه احتمال تكون المساعدين الخلفي مش بكفاءة ال ٢٠١٢ فبقترح على سيادتك مقابلة اي حد من الاخوه الافاضل ملاك ال ٢٠١٢ و المقارنه و لو فيه فرق في الثبات تغير المساعدين ضمان ولو مفيش تعايش و خلاص

اقتباس:

---

المشاركة الأصلية كتبت بواسطة hany63

معقوله هتعدل في عربيه زيرو!!!
انا راءيي ان عدم الاحساس بالثبات درجات
اول درجه وده محدش بيختلف عليه نهائي يعني مثلا استحاله حد يقدر يفتح بقه على المرسيدس مثلا
تاني درجه اللي احنا بصددها ان فيه ناس طبيعة رتمها هادي و اقل حاجه معقوله ترضيه فمبيشوفش مشكله من وجهة نظره في حين ان واحد تاني طبيعته مختلفه يقول لك ده ثباتها زفت و هي ثباتها متوسط يعني بين الراءيين و ده عشان كل واحد جهازه العصبي غير التاني
تالت درجه الوحش بالفعل و مش ممكن حد يختلف على كده
الغريب في الموضوع ان حضرتك كان معاك اكسيل يعني الالنترا امله بالنسبه لها
هو فيه احتمال تكون المساعدين الخلفي مش بكفاءة ال ٢٠١٢ فبقترح على سيادتك مقابلة اي حد من الاخوه الافاضل ملاك ال ٢٠١٢ و المقارنه و لو فيه فرق في الثبات تغير المساعدين ضمان ولو مفيش تعايش و خلاص

---

أستاذ / هاني ..

كلامك صحيح و وارد جدا يكون فيه مشكلة أو عيب في السوست الخاصة بالعربية دي
لذا أقترح أن الاخ الفاضل صاحب المشكلة يقابلني و نقارن عربيته بعربتي و نشوف المشكلة فين بالظبط و لو كده نطلع علي التوكيل و نطلب تغيير المساعدين أو السوست

أنا رقمي 01118057400 تقدر حضرتك تكلمني في اي وقت و نتفق علي ميعاد

اقتباس:

---

المشاركة الأصلية كتبت بواسطة moha4tec

حضرتك وفر فلوسك .
لو عاوز تحل الموضوع ده هتخش فى تكلفه مش على الاقل 6000 او 7000 جنيه عفشه اسبور .و العربيه هتبقى ثابته باذن الله عن الاول و لكن متتوقعش هتبقى بى ام يعنى .هتثبت اكتر من الاول بكتير و لكن مش هتعدى البى طبعا .
و الله اعلم
الكوتش مش هيحل مشكلة التنطيط فى مطبات الهوا .
مشكلة السوست طريه جدا جدا و المساعدين عوزين يبقوا انشف
بس العربيه هتبقى ناشفه موووووت

---

دا اللي مخوفني اغير مساعدين الاكسنت ار بي خايف اغيرهم الاقي العربيه بقت ناشفه ولا رايك حضرتك ايه وشكرا

اقتباس:

---

المشاركة الأصلية كتبت بواسطة john55

دا اللي مخوفني اغير مساعدين الاكسنت ار بي خايف اغيرهم الاقي العربيه بقت ناشفه ولا رايك حضرتك ايه وشكرا

---

يا باشا توكل على الله و غير المساعدين تبع الضمان . و مش هتندم صدقنى .
فى فرق بين مساعد قوى و مساعد ناشف
و فرق بين مساعد ضعيف و مساعد ناعم
يعنى مثلا مساعدين الاوبل قويه بس الى حد ما مريحه . و كذلك المرسيدس
و عندك البى ام مساعدين قويه و ناشفين .
و النشوفيه درجات .

انشاء الله في صيانه 10000 اغيرهم وشكرا للنصيحه

نصيحه اوعى تغير المساعدين او سوست او اى حاجه الا لو فيهم عيب صناعه و يكون فى التوكيل دى عربيه زيرو حرام تعدل فيها من نفسك و ربنا يوفقك

انا مش عدل حاجه من نفسي التوكيل هو اللي بيغير المساعدين السوفت لمساعديت هارد لان لما حد بيركب معايا العربيه بتبقي علي الارض لما 2 او3 بيركبوا في الكنبه الخلفيه

اقتباس:

---

المشاركة الأصلية كتبت بواسطة dozo

نصيحه اوعى تغير المساعدين او سوست او اى حاجه الا لو فيهم عيب صناعه و يكون فى التوكيل دى عربيه زيرو حرام تعدل فيها من نفسك و ربنا يوفقك

---

حضرتك لازم تقرا الموضوع دا كويس جدا عشان تفهم انا قلتله يغير المساعدين ليه ؟؟؟؟


http://www.nilemotors.net/Nile/315996-5.html
و عاوز خبرتكم ازاى بتزودو المشاهدات و المشاركات فى اقسامكم

اقتباس:

---

المشاركة الأصلية كتبت بواسطة SE_coralsea

أستاذ / هاني ..

كلامك صحيح و وارد جدا يكون فيه مشكلة أو عيب في السوست الخاصة بالعربية دي
لذا أقترح أن الاخ الفاضل صاحب المشكلة يقابلني و نقارن عربيته بعربتي و نشوف المشكلة فين بالظبط و لو كده نطلع علي التوكيل و نطلب تغيير المساعدين أو السوست

أنا رقمي 01118057400 تقدر حضرتك تكلمني في اي وقت و نتفق علي ميعاد

---

انا بفضل الاقتراح ده :satelite:

اقتباس:

---

المشاركة الأصلية كتبت بواسطة moha4tec

حضرتك لازم تقرا الموضوع دا كويس جدا عشان تفهم انا قلتله يغير المساعدين ليه ؟؟؟؟


http://www.nilemotors.net/Nile/315996-5.html
و عاوز خبرتكم ازاى بتزودو المشاهدات و المشاركات فى اقسامكم

---

اخى الكريم ردى ماكانش للاستاد jhon55 كان لصاحب الموضوع.
و بخصوص مساعدين rb على حسب اللى فهمته ان نوع المساعدين اللى ورا فيهم عيوب صناعه بدليل ان التوكيل بيغيرهم علطول من غير جدال حاجه كده زى عوامه البنزين اللى فى الفيلوانس و ده اللى حيبينوا نتيجه المقارنه مع المهندس سمير ادا كان النوع مختلف و لا لأ و شكرا