تركيب قاطره خلفيه للوجان بالصور

**mnofno** · 01-11-2012 12:52 AM

السلام عليكم ورحمه الله وبركاته
خالص التحيه والأحترام لجميع الساده القائمين على اداره المنتدى ولجميع اعضاء المنتدى .
انا عضو جديد بالمنتدى وتلك اول مشاركه لى وان شاء الله تكون مفيده لمالكى اللوجان .
الموضوع بأختصار توفير حمايه للسياره من الخلف فى حاله التصادم لاقدر الله وكذلك امكانيه جر مقطوره خلفيه واعتقد اننا جميعآ نعانى من قيام بعض سائقى السيارات بعدم احترام المسافه الكافيه مما ينتج عنه احتكاك خفيف او تصادم شديد وحدوث تلفيات للسياره الأماميه لاذنب له فيه وينتج عن ذلك تلفيات فى الأكصدام الخلفى والشنطه واترك للأعضاء تقدير تلك التلفيات .
وسأحاول ان ارفق صوره لسياره لوجان تعرضت لتصادم من الخلف وماحدث نتيجه ذلك مع العلم بأن ده مش عيب فى اللوجان وممكن يحدث فى اى سياره .
الفائده الثانيه من تركيب تلك القاطره هو جر اى مقطوره خلف السياره بحموله تصل الى 1100كيلو جرام وبالنسبه لى سأقوم بجر حيت سكى محمل على مقطوره .
فقمت بأرسال ايميل لفرع المقطم والعبور وردوا عليا ان القاطره موجوده فى العبور وسعرها 1770 جنيه وتوجهت للتوكيل اثناء عمل صيانه ال5000 كم وقمت بتركيبها فى التوكيل .
وسأترككم مع الصور وانا على استعداد للأجابه على اسئله واستفسارات حضارتكم

**amr.elsayed** · 01-11-2012 03:14 AM

حلوة اوى علشان اى حد يفكر يلمس اكصدامى يتدغدغ
بس كتير جدا يا باشا 1700 جنيه فى دفندر صغير دة لو دهب مش حتبقى كدة
دة اكبر دفندر بتاع العربيات اللى بتركب اصلا بيكون فى حدود 600 700 جنيه
والدفندر دة انا بشوفه راكب فى العربيات النص نقل وحسال علي سعره وحقولك

**yasser3da** · 01-11-2012 10:45 AM

مبرووك .. انا معرفش سعرها بس غاليه أوي.. متعمل باركينج سينسور

**hossam_elwani** · 01-11-2012 11:05 AM

السؤال هو هل القاطره دى راكبه بخوص ولحام فى شاسيه الاكصدام ولا ليها مكان فى شاسيه العربيه ذاته

لان ده يفرق كتير فى السفتى ليك وللعربيه

**mnofno** · 01-11-2012 03:11 PM

المشاركة الأصلية كتبت بواسطة amr.elsayed

حلوة اوى علشان اى حد يفكر يلمس اكصدامى يتدغدغ
بس كتير جدا يا باشا 1700 جنيه فى دفندر صغير دة لو دهب مش حتبقى كدة
دة اكبر دفندر بتاع العربيات اللى بتركب اصلا بيكون فى حدود 600 700 جنيه
والدفندر دة انا بشوفه راكب فى العربيات النص نقل وحسال علي سعره وحقولك

الأستاذ amr.elsayed اولآ ان شاكر ليك مشاركتك واسف على التأخير فى الرد .
من الناحيه الجماليه للقاطره ففعلآ شكلها شيك وهرفع صور تبينها اكتر .
اما من ناحيه ارتفاع سعرها فأنا حاولت اعرف سعرها فى الخارج ( الأصلى ) بتاعت الرينو اللوجان فكان تقريبآ سعرها فى حدود 130 يورو يعنى معديه 1000 جنيه مصرى وطبعآ حضرتك عارف الجمارك والشحن وخلافه ثم انى ناوى ان شاء الله قطر بيها جيت سكى فى حدود 40000 جنيه فمقدرش اضحى بأى قطره تخونى وتضيع الحموله اللى جراها .
وسوف ارفع صوره كتالوج القطره اللى كان موجود فى العلبه قبل التركيب ومشروح فيه كل تفاصيل الموضوع حتى يستفيد بيه الجميع .
وتحياتى

**mnofno** · 01-11-2012 03:17 PM

المشاركة الأصلية كتبت بواسطة yasser3da

مبرووك .. انا معرفش سعرها بس غاليه أوي.. متعمل باركينج سينسور

الله يبارك فيك استاذ yasser3da بالنسبه للباركينج سينسور مش هيمنع حد يريح على العربيه سواء ترييحه خفيفه اوتقيله بالأضافه انه هيعملى ايه فى قطر المقطوره .
وتحياتى

**amr.elsayed** · 01-11-2012 03:23 PM

المشاركة الأصلية كتبت بواسطة mnofno

الأستاذ amr.elsayed اولآ ان شاكر ليك مشاركتك واسف على التأخير فى الرد .
من الناحيه الجماليه للقاطره ففعلآ شكلها شيك وهرفع صور تبينها اكتر .
اما من ناحيه ارتفاع سعرها فأنا حاولت اعرف سعرها فى الخارج ( الأصلى ) بتاعت الرينو اللوجان فكان تقريبآ سعرها فى حدود 130 يورو يعنى معديه 1000 جنيه مصرى وطبعآ حضرتك عارف الجمارك والشحن وخلافه ثم انى ناوى ان شاء الله قطر بيها جيت سكى فى حدود 40000 جنيه فمقدرش اضحى بأى قطره تخونى وتضيع الحموله اللى جراها .
وسوف ارفع صوره كتالوج القطره اللى كان موجود فى العلبه قبل التركيب ومشروح فيه كل تفاصيل الموضوع حتى يستفيد بيه الجميع .
وتحياتى

لا طبعا فى حالة حضرتك فهو مفيد ويستاهل تمنه بالذات ان الجيت سكى مش حينفع يتقطر مع القاطرة الجانبية
يعنى مجبر اخاك لا بطل ... بس كنا عايزين نعرف من حضرتك جواب سؤال استاذ حسام فى الموضوع
لان لو القاطرة ليس لها اماكن تثبيت اوريجنال بيكون ليها اثار سيئة فى بعض الاحيان اذا كانت ملحومة
او مربوطة فى مكان غير مخصص لها ... وجزاك الله كل خير ومتابع الموضوع ان شاء الله

**mnofno** · 01-11-2012 03:37 PM

المشاركة الأصلية كتبت بواسطة hossam_elwani

السؤال هو هل القاطره دى راكبه بخوص ولحام فى شاسيه الاكصدام ولا ليها مكان فى شاسيه العربيه ذاته

لان ده يفرق كتير فى السفتى ليك وللعربيه

اشكرك استاذ hossam_elwani على مشاركتك القيمه وفعلآ السؤال فنى جدآ وسوف ارد على سؤال حضرتك من واقع تجربتى مع توكيل العبور اثناء تركيبها .
قابلت مهندس فى قسم السمكره فى التوكيل وطلبت منه تركيبها فنظر اللى وقالى بصراحه انا عمرى ماركبنها ولكن اترك لى كتالوج القاطره الملحق معها لمده عشر دقائق وفعلآ قالى انا جاهز لتركيبها فقلت له ياريت تشرح لى ماسوف يتم فقالى انه يوجد عدد 2 فتحه فى الشاسيه يمين وعدد 2 فتحه الشاسيه من اليسار فقلت له ممكن اشوفهم وفعلآ قالى افتح شنطه العربيه وقام برفع الفرش الداخلى من اليمين وكذلك من اليسار فوجدت من الناحيه اليمين عدد 2 طابه بلاستك فى الشاسيه مقفول بيهم الفتحتين فى الشاسيه وقام بتركيب فيهم الخوص الملحق مع القاطره وتجميعهم مع الشاسيه بمسامير وجوايط وسوف ارفع كتالوج القاطره وبيهاشرح كامل بالرسم التوضيحى .
فمن ناحيه السفتى ليا وللعربيه ولغيرى ايضآ فأنا دفعت الغالى للحصول عليه .
وتحياتى

**mnofno** · 01-11-2012 04:03 PM

بعض الصور للقاطره بعد التركيب

http://www.nileup.com/uploads/13517783352.jpg
http://www.nileup.com/uploads/13517783363.jpg

**hossam_elwani** · 01-11-2012 04:35 PM

المشاركة الأصلية كتبت بواسطة mnofno

اشكرك استاذ hossam_elwani على مشاركتك القيمه وفعلآ السؤال فنى جدآ وسوف ارد على سؤال حضرتك من واقع تجربتى مع توكيل العبور اثناء تركيبها .
قابلت مهندس فى قسم السمكره فى التوكيل وطلبت منه تركيبها فنظر اللى وقالى بصراحه انا عمرى ماركبنها ولكن اترك لى كتالوج القاطره الملحق معها لمده عشر دقائق وفعلآ قالى انا جاهز لتركيبها فقلت له ياريت تشرح لى ماسوف يتم فقالى انه يوجد عدد 2 فتحه فى الشاسيه يمين وعدد 2 فتحه الشاسيه من اليسار فقلت له ممكن اشوفهم وفعلآ قالى افتح شنطه العربيه وقام برفع الفرش الداخلى من اليمين وكذلك من اليسار فوجدت من الناحيه اليمين عدد 2 طابه بلاستك فى الشاسيه مقفول بيهم الفتحتين فى الشاسيه وقام بتركيب فيهم الخوص الملحق مع القاطره وتجميعهم مع الشاسيه بمسامير وجوايط وسوف ارفع كتالوج القاطره وبيهاشرح كامل بالرسم التوضيحى .
فمن ناحيه السفتى ليا وللعربيه ولغيرى ايضآ فأنا دفعت الغالى للحصول عليه .
وتحياتى

شكرا على الاجابه

كده شغل تمام ومحترف

وبلتوفيق ان شاء الله