الموضوع: اخيرا الحمد لله بقيت لوجانى اتومتيكى يارجالة

الف مبروك على السيارة
ياترى استلمت الورق والافراج الجمركى أم لا؟ أنا استلمت السيارة يوم 23/10 وحتى الآن لم استلم الورق وبالتالى لم ارخص العربية ومازالت مركونة امام المنزل منذ ذلك التاريخ. أرجو الافادة للأهمية

الف مبروك ....ربنا يباركلك فيها و يديلك خيرها و يكفيك شرها....وبالنسبة للخبطة سيبها تاخد العين وبعد فترة ابقى ردها شوف تكلفة عملها في التوكيل الاول....

ممكن تلاقوا CHECK LIST في النصايح اللي كاتبها (احمد مصطفى) بارك الله فيه في موضوع (http://www.nilemotors.net/Nile/288142-a.html)

يا شباب حد يبعتلنا ال CHECK LIST على الميل starface2005@hotmail.com

وحوش اللوجى , زى ما وعدتكم انا بعتلكم على الميل الcheck list ونقلت اللى فية بردوا هنا للافادة للكل


المستندات
ايصال لأى مبلغ يتم سداده
مبايعة من المعرض إلى المشترى مختومة بختم المرور + موضحا بها:
رقم الشاسية + رقم الموتور + المواصفات الفنية للسيارة
مبايعة من مصنع تجميع السيارة للمعرض مختومة بختم المرور
موضحا بها أيضا نفس االتفاصيل الفنية

تاخد نمر تجاريه لحين وصول الورق المبايعه والافراج الجمركي ( لو مش موجود وهيوصل بعد يومين مثلا )
الضمان كتيب الضمان
ضمان الكاسيت (ان وجد)
الكتالوج

قبل تشغيل السيارة داخل الكبوت مستوى زيت الموتور
مستوى زيت الفرامل
ماء الريداتير
ماء البطارية (السائلة)
التابلوه عداد السياره لا يزيد عن 50 كيلو مثلا
وجود الولاعة اتاكد انها الولاعه الاصليه
سهولة فتح و غلق الكابود
ذراع الشنطة يعمل
من الخارج انزع الورق الابيض من على السيارة كي لا يتسبب في وجود فرق لون
بدون خدوش أو صدمات
انحني إلى أسفل بجوار المصدين الأمامي والخلفي للسيارة وألق نظرة على بدن السيارة بكامله ، ما ينبغي عليك البحث عنه هو انعكاس الضوء على أية انحناءات وأسطح غير مستوية إذا وجدت انحناءات
الفوانيس الاماميه و الخلفيه بدون خدوش
فروقات الابواب مع جسم السيارة
فروقات الكبوت مع الرفارف
يجب التاكد من خلو الاجزا ء التالية من البارومة :-
اعتاب الابواب – اجناب الابواب - اسفل الابواب (تحت السيارة)
- قم بالضغط على رفاف السيارة الاربعة كل واحد على حدة ثم اترك ليعود لوضعه بعد الضغط المفروض ان يعود الجزء المضغوط لوضع السكون مباشرة فاذا استمر الذبذبة دل ذلك على تلف المساعد لهذا جانب.
- تفحص السيارة من الأمام عندما تكون واقفة على سطح أفقي إذا كانت تميل إلى جانب واحد عندئذ يحتمل أن تكون هناك مشكلة في نظام التعليق
من الداخل (الصالون) اللزق الشفاف من الداخل (الابواب من الداخل وأذرع المساحات والنور)
الكراسى مغلفه بالاكياس البلاستيك
سلاسة ضبط الكراسى
إستخدام أحزمة الأمان
(شد حزام السلامة ثم دعه يعود إلى مكانه ثانية يجب أن يعود بقوة)
سهولة فتح و غلق الابواب من الداخل والخارج
السجاد بأرضية السيارة (سليم بدون تقطيع)
المرايا فوق التابلوه سليمة (حركها ولاحظ أداءها)
درج المحفوظات يفتح ويغلق بسهولة
مساند الرأس الخلفية
من الداخل (الشنطة) فرش الشنطة سليم بدون تقطيع
الاستبن (حالته+ نفس نوع الاطار )
الكوريك + مفتاح العجل موجودين
فتح و غلق الشنطة من الخارج (بالمفتاح)
مفاتيح السيارة اختبر المفتاح الاصلي والاحتياطي في البابين
اطلب كود المفتاح لانه مهم جدا فى حاله فقد المفتاح
سلامة الريموت كنترول
جهاز الإنذار (ان وجد)
السنتر لوك (ان وجد)
تشغيل السيارة قبل التحرك تشغيل المكيف : بارد و دافئ + التجربة بشكل سريع
(ملاحظة أن التكييف يحتاج لوقت حتى يصل للحرارة المطلوبة) لمدة دقيقة او اتنين
الكاسيت والراديو: تجربه (خد معاك CD عليه قران مثلا
ومتنساش تسال هل بيجى معاه وصلة يو اس بى وليه ريموت ولا لأ
شوف مكان الفلاشة في الكاسيت وجرب عليها فلاشة
عمل الأنوار (العالي/المنخفض) (أمامي/خلفي)
عمل المساحات
مياة المساحات
عمل الاشارات (الاماية/الخلفية)
عمل الفلاشر
عمل الفوجات
عمل نور الرجوع للخلف
عمل نور الوقوف
عمل نور الاستوب داخل المقصورة
عمل أزرار الزجاج الكهربى بسلاسة (دون سماع صوت تزييق)
سلامة المرايات الكهربائية (تجربة تغيير وضعها)
عمل الاريال
مؤشر الحرارة والبنزين
اضاءة العدادات
اضاءة التابلوة
فرامل اليد تعمل بسهولة
عداد الـ rpm
مسخن الزجاج الخلفي يعمل
الولاعة تعمل (جرب أي جهاز)
نور التابلوه يعمل
عدم وجود تسريبات من أسفل المحرك
حرك الدريكسيون يمين وشمال عشان تتاكد من عدم وجود اى مشكلة وصوت تزيق
التحرك بالسيارة اقرا الفاتحه وتوكل على الله
عصا الاتوماتيك يتحرك بسهولة
تغييرات السرعة بدون أي تأخير أو إحداث صوت غير عادي
سهولة النقلات وعدم قفز السيارة
عمل الفرامل بصورة جيدة
قيادة السيارة ببطء في طريق توجد فيه مطبات كثيرة
مراقبة مؤشر الحرارة
اتاكد من ان المروحة اشتغلت بتاعت الرديايتير
الدريكسيون يتحرك بسهولة
الزوايا سليمة (السيارة لاتحدف يمين أو يسار)
توقف بالسيارة وتأكد من عدم وجود تسريبات أسفل المحرك.

المشاركة الأصلية كتبت بواسطة doctoreng

الف مبروك على السيارة
ياترى استلمت الورق والافراج الجمركى أم لا؟ أنا استلمت السيارة يوم 23/10 وحتى الآن لم استلم الورق وبالتالى لم ارخص العربية ومازالت مركونة امام المنزل منذ ذلك التاريخ. أرجو الافادة للأهمية

والله يا باشا انا نفس الحكاية وبكرة ان شاء الله رايح المرور وان شاء الله اعلق النمر بقى

المشاركة الأصلية كتبت بواسطة gebreel

الف مبروك يا باشا =)

ربنا يباركلك فيها يا رب و يديلك خيرها و يكفيك شرها

في رأيي سيبه شوية حلوين طالما مش كبيرة و عادي في اي عربية جديدة البوسة الاولانية دي =)
الرد على البارد او السخن او اي حاجة مش مرتبطة بالسمكرة ميأثرش على الضمان نهائي متقلقش

الف شكر يا جبريل باشا عندى ليك سؤال بقى اظبط الكاوتش على ضغط كام ؟؟؟؟؟؟؟؟ ارجوا الافادة

الف الف مبروووووووووووووووك وربنا يديك خيرها ويكفيك شرها :)