الموضوع: عربيتى اتسرقت ارجو المساعده عن عنوان في حلوان

انشاء الله خير والله اول لما شوفت موضوعك دورت على نمرة واحد صاحبى فى التبين و قالى انة ميعرفشى اسم الشارع نفسة لكن لازم تروح تانى و تسال كويس و خصوصا الاهالى الى عايشين هناك و بالاخص لحد مسجد الصفا و و المروة و هايوافينى باى اتصال تانى لو عرف حاجة المهم انت متاياسشى و سيبها عالله

المشاركة الأصلية كتبت بواسطة engineer140

بسم الله الرحمن الرحيم


عربيتى اتسرقت لانسر كريستالة ودفعت فلوس ورجعت لكن المشكلة رجعوها من غير الورق والرخص ومش معايا صورة من عقد البيع وروحت الشهر العقارى فى الحى العاشر فى سوق السيارات لكن مفيش فايده مش عايزين يطلعولى بدل فاقد بحجة مش لاقيين الاسم
دلوقتى انا معايا اسم البايع وعنوانة بس المشكلة مش عارف اوصل لعنوانة
فيريت اى حد يعرف العنوان ده يدلنى عليه وانا من المنصورة

3 توفيق على م الحديد والصلب الجديده بالتبين - حلوان

انا روحت لغاية مساكن الحديد والصلب الجديده بس مش عارف اوصل لـ 3 توفيق على ده ومحدش عارف يدلنى علية هناك

ياباشا اكيد انتا معاك اسم البائع بالكامل ادخل علي موقع المصرية للاتصلات واكتبه وانشاء الله هتلاقي رقم تليفونه كلمه ونسق معاه

ابعتلي اسم الشخص ومواصفاته الشكلية وانا هسألك عليه

ربنا يساعدك

المشاركة الأصلية كتبت بواسطة optiplex

إن شاء الله خير والله اول لما شوفت موضوعك دورت على نمرة واحد صاحبى فى التبين و قالى انة ميعرفشى اسم الشارع نفسة لكن لازم تروح تانى و تسال كويس و خصوصا الاهالى الى عايشين هناك و بالاخص لحد مسجد الصفا و و المروة و هايوافينى باى اتصال تانى لو عرف حاجة المهم انت متاياسشى و سيبها عالله

ربنا يكرمك يارب انا فعلا متبهدل بهدلة جامده بسبب الموضوع ده
ان شاء الله يوصل للعنوان بإذن الله

المشاركة الأصلية كتبت بواسطة hugan

ياباشا العقد موثق في الشهر العقاري ومتصور ميكروفيلم
ازاي مش عايزين يعطولك نسخه من العقد
ادخل علي مدير االمكتب وصمم علي حقك

يابشا شهر عقارى مدينة نصر بالحى العاشر ابشع مصلحة حكومية ممكن تتخيلها بلطجة وقلة ادب من الموظفين نفسهم بما فيهم المدير اللى ميعتبرش مدير اصلا لانو منو فيهم بيدارو على بعض ومفيش رقابة وحاجة قلة ادب
يعنى اخر مرة والله العظيم قدامى قبل العيد بيومين كنت هناك وكان فى واحد واقف بقالو 4 ساعات بيخلص فى ورقو ولما زهق اتنرفز على الموظف وكانت النتيجة انهم طلعو علية بالشوم وواحد منهم طلع طبنجة وضرب بيها جوه الشهر العقارى وطبعا الراجل لا حول له ولا قوة طلع جرى ويوميها المدير مشى الناس وقلك عاملين اضراب لغاية متوفر لينا الامن والامان ابن التييت يبقى هما اللى ضربين الراجل وضربين علية نار ويقولك عاملين اضراب