الموضوع: عايز أجيب غطاء ودواسات للفلوانس

حضرتك ممكن تجيب الدواسات من أى on the run أعتقد السعر كان فى حدود ال 150 أو 200 لو أنا فاكر صح للدواسات الكاوتش.

أو تروح لمحل علي رضا و ده هتلاقيه فى الشارع اللى فى ضهر جنينة مول فى الأتجاه اللى رايح على الطيران...........هتلاقيه قبل ما توصل شارع الطيران بحوالي 100 أو 200 متر على يمينك............عنده دواسات و أغطية و كماليات تانية كتير.

بالنسبة لتوب كفر أنا كنت جايب غطاء للميجان من هناك و هو بصراحة غطاء محترم جداً.

و فيه زميلنا هاني محمد chato_eg شغال designer هناك........حاول تبعت تسأله علشان كان فيه خصم للمنتدى بس مش عارف لسه شغال ولا لأ.

المشاركة الأصلية كتبت بواسطة karemof

السلام عليكم ,
أنا متشكر لكم جميعا.
جبت دواسات كاوتش من علي رضا اللي قال عليه أستاذ أحمد , ب 130 جنيه, وكمان دواسه للشنطة.
بس ملحقتش أسأل عن الغطاء لأنه كان بيقفل.
كنت عايز أعرف بالنسبة لغطاء top cover egypt هل هو شكله بيكون مميز و عليه أشكال ولا عادي, أصلي خايف أجيبه يكون مميز يتسرق

ألف مبروك يا باشا

هو الغطاء اللى أنا جبته كان عليه علامة رينو على ما أذكر....و فيه برضه سوستة حول باب السواق علشان لو مغطي العربية و عاوز تفتح تجيب حاجة وتقفل تاني مش لازم ترفع الغطاء.....يعنى مميز شوية بس أنا بصراحة مكنتش بستخدمه كتير.

لو خايف من موضوع السرقة يبقى جيب واحد بدون العلامة و بدون سوستة.

زى ما قولتلك أبعت لهاني خصوصاً علشان لو الخصم لسه شغال يظبطك.

المشاركة الأصلية كتبت بواسطة yalahwy2010

انا كنت اشتريت دواسات للفلوانس.....جلد برضه ...ونوع نضيف....بس المشكلة انها ما بتسبتش كويس تحت رجلى....بتتحرك وبترخم كدة ....بحس بكلكعة تحت رجلى.....فا كنت شوفت عالفيس بوك عرض من توكيل رينو عن دواسات الأصلى بتاعة الفلوانس....وبتتسبت فى بروز طلعة من أرضة العربية.....بس للأسف....موكيت.....فا صرفت نظر
يا ترى هلى على رضا ممكن ألاقى عنده دواسات ما تتزحلقش وما تتحركش وتكون زى الأصلية بس تكون جلد؟؟؟؟

الفكرة كلها أن الدواسات اللى بتثبت بيكون فيها زى نقاط بارزة فى ضهرها بتساعد أنها تثبت فى مكانها............أعتق علي رضا كان عنده تشكيلة كبيرة و هتلاقي عنده حاجة كده.........بس مش أكيد.

و طبعاً الأحسن الدواسات اللى بتركب فى بروز الأرضية زي الأصلي بس عادة مش هتلاقيها غير فى التوكيل......و عادة بتبقى قماش مش كاوتش.