ينفع أركب أوتوماتيك علي طول ؟؟

**abdo_2812** · 02-11-2012 02:43 AM

أوتوماتيك طبعا ياباشا مادام السعر في المتناول :)
وماتسمعش أي كلام عن إنك لازم تسوق مانيوال الأول وحوارات من دي لأن الكلام ده مافيهوش أي نظرية ولا منطق وأهو الناس بتردده وتنصح بيه بعض وخلاص !
كل الموضوع لما تسوق انك هاتظل مش عارف تسوق عربية مانيوال لحد ما تتعلم الدبرياج وأظن ده مش سبب يخليك تبلي نفسك بعربية مانيوال في الزحمة والطرق الزفت بتاعتنا دي !!

وربنا يوفقك لكل خير

**تامر.محمد** · 02-11-2012 02:47 AM

طالما تقدر تجيب عربية اوتو يبقى هات اوتو و اديها اوتو و ريح دماغك :)

**TheGhostFish** · 02-11-2012 12:23 PM

أنا من رأيي الموضوع مش موضوع استهلاك بنزين لأن فرق السعر مابين المانيوال والأوتو أكبر من زيادة استهلاك البنزين في الأوتو بكتير فمش حاتفرق معاك ..
عموما في العربيات الرخيصة أو تحت ال100 ألف مانصحش تجيب أوتو لأنه العربية مش بتكون بالثقة الكافية لا في الكهرباء ولا الفرامل.
مثال على كده البطارية عمرها خلص لازم تغيرها في مكانها ومش حاتعرف تتحرك بالعربية ولازم حد يقطرك.
نفس الكلام لو المارش حصل فيه حاجة .. إنما المانيوال حاترمي للعربية وحاتمشي معاك لحد ما تروح لكهربائي.
كمان الأوتو بتحرق تيل الفرامل بسرعة، ولو لاقدر الله حصل مشكلة في الفرامل وانت ماشي مش حاتعرف تتصرف .. أما المانيوال ممكن تسقط غيار وتخلي العربية تفرمل معاك بدون استخدام الفرامل .. والsteptronic بتاع اللوجان مش بنفس كفائة تسقيط الغيارات في المانيوال في حالة الفرامل باظت.
لكن طبعا لو عايز الراحة في الزحمة يبقى الأوتو لأن المانيوال مقرفة في الزحمة.

**تامر.محمد** · 02-11-2012 02:43 PM

المشاركة الأصلية كتبت بواسطة midon1

أنا كنت ميال من الأول للأوتو بس كنت مقلق من صاحب التوكيل هنا في المنصوره لما قالي هات مانيوال الأول

دي ثقافة عفا عليها الزمن :)

من ايام ما كانت العربيات الاتوماتيك تتعد على الصوابع :)

**midon1** · 02-11-2012 03:53 PM

يعني العربيه الاوتوماتيك لو وقفت مني في نص الطريق مش هعرف اتصرف ويبقي الحل الوحيد انها تتقطر ؟!!

وكمان في صفحه عالنت بتقول ان الاوتوماتيك مفيهاش بلوتوث ولا يو اس بي
الكلام ده حقيقي؟؟؟

**DOCTOReng** · 02-11-2012 07:06 PM

المشاركة الأصلية كتبت بواسطة midon1

يعني العربيه الاوتوماتيك لو وقفت مني في نص الطريق مش هعرف اتصرف ويبقي الحل الوحيد انها تتقطر ؟!!

وكمان في صفحه عالنت بتقول ان الاوتوماتيك مفيهاش بلوتوث ولا يو اس بي
الكلام ده حقيقي؟؟؟

اللوجان الاتوماتيك 2013 فيها بلوتوث وكذلك يو اس بى . انا لسة مشتريها قبل العيد

**abdo_2812** · 03-11-2012 04:54 PM

طبعا العربية الأوتوماتيك مابتتزقش زي المانيوال، لكن لما تكون هاتجيب عربية زيرو وأو مستعملة بس موديل حديث الموضوع بيكون أسهل بكتير وغير مقلق بالمرة
بالإضافة لإنك لو حطيت الكلام ده في دماغك عمرك ماهاتركب أوتوماتيك

**TheGhostFish** · 05-11-2012 05:16 AM

كمان فيه نقطة تانية لو حصلت مشكلة في الموتور بتخليه يبطل لوحده لما العربية تقدم سواء في الthrottle valve أو غيره .. مثلا بعد حين لو عايز عمرة وشنبر جاب زيت والمكنة تلتت .. ساعتها حاتبقى محتاج المانيوال علشان تلحقها بنزين لما المكنة توطى .. طبعا أنا باتكلم عن المستقبل البعيد لو انت أهملت العربية شوية
كمان الأوتو في بداية السواقة بيفقدك إحساسك بالعربية .. غير كده لما تيجي تسوق مانيوال بعد كده مش حاتعرف تطلع بيها إنما اللي يسوق مانيوال الأول بيسوق أوتو من أول مرة.
أنا أول عربية ليا كانت 124 كانت مغلباني بس كنت مبهدلها سفر وكده .. بفضل العربية ديه باسوق نص نقل وتريلة لظروف في الشغل من غير أي مشاكل
نقطة أخيرة مافيش موتور بيفضل على حاله طول عمره .. كده كده سحبه حايقل وحاتضطر تبقى ماشي على طول على الD أو تعمل كيك داون كل شوية على الsteptronic وده بيضر الفتيس والعربية وإلا حاتبقى العربية ماشية تاتا تاتا وبتجمع سرعات على مهلها .. إنما المانيوال لو الموتور ضعف معاك ممكن تحرق عليه وقت ما تكون عايز تجيب عزم أكبر من غير ضرر.