الموضوع: افضل انواع الكلتش والديسك

فيه انواع كتير موجوده في السوق بتبدأ من 550 جنيه للفاليو الاسباني حتي 800 جنيه للساكس الالماني و فيه لوك الماني شوف خد جوله الاول في السوق و قلي ايه متوفر حاليا لأن الاسعار و الانواع دي من فترة كبيرة حوالي 3 سنوات

الابيزا بتنزل بفاليو اسباني اساسا ولكن يركب عليها اي طقم لأن فيه شركات كتير بتصنع الاكسسورارت دي لكل انواع العربيات فهتلاقي يركبلها انواع كتير

متنساش تشتري الطقم حسب قوة المحرك و نوع الفتيس عشان كل محرك بفتيس له مقاس طقم معين

انا جربت قبل كده الفاليو الاسباني ب 550 جنيه و كان كويس و لكن البلية فقط هي اللي باظت بسرعه و غيرتها بأخري ساكس الماني

المهم اولا تتأكد ان الطقم فعلا بايظ لأن انا غيرته قبل كده بعد حوالي 200 الف كيلو في العربية و كان مافيهوش حاجه لأن قطع غيار العربيات دي الاوريجينال متتعوضش و ممكن تعيش معاك مليون كيلومتر بدون اي مشكلة المهم اسلوب القيادة السليم للعربية و تجنب التنتيش و التفحيط و بهدلة العربية بدون داعي
و بالتوفيق ان شاء الله