السلام عليكم

منورين يا نمور كيا

بقالنا فتره و القسم كان مريح شويه .و كنت بحاول انشطه .و لكن ايد وحده متسقفش .
فطبعا لاحظت الاقسام اللى بقت نشيطه بعد ما كانت نايمه خالص .و لقيت السبب انهم كونوا فريق .
و مهمة الفريق انه يعمل مواضيع و مشاركات مفيده و فعاله .الهدف منها تنشيط القسم و افادة الناس و افادة نفسنا
لان ممكن فىواحد يشتكى من مشكله دلوقتى مش عندى و مشاركش و محاولش اجيب ليها حل
بعد فتره هتحصل عندى مثلا .طيب لو انا كنت لقيت حل ليها من ساعتها او حاولت اساعده .كنت اول ما هتحصل عندى نفس المشكله كنت هبقى عارف حلها .و مكنتش هلف حوالين نفسى و لا هقرف من العربيه و لا هزهق مثلا
و نايل موتورز و كيا انا استفدت منهم كتير جدا و بحاول افيد الاعضاء زى ما انا بستفيد .
المهم .
المطلوب ترشيح اعضاء نشيطين .اللى شايفين انهم هيقدروا يفيدوا القسم و عندهم وقت يدخلو يوميا مثلا على المنتدى . مش لازم تبقى فنيا فاهم اوى او كده لاكن ممكن تدل على موضوع فيه حل المشكله .
و طبعا كل واحد هيرشح نفسه او الاعضاء ترشحه .عادى جدا
و كل واحد يشوف ظروفه اه و يرد و ميكسلش .
انا عاوز انشط القسم اكتر من زمان . عاوز اعمل شغل كبير
بس لوحدى مش قادر بصراحه لازم باقى الاعضاء يشتركوا معايا
عوزين نورى باقى الاقسام التانيه النشاط
دا احنا كنا لحد سنه فاتت من انشط الاقسام و كانوا بيحسدونا
يلا ورونا الشغل يا نمور كيا
و الترشيح مش قاصر على فرد ممتلك لسياره اصلا .او كيا عموما
بس يكون عاوز يعمل شغل و احنا هندله على اول الطريق
مرحب باى عضو من اى قسم .بس شرط النشاط .
مين هيكون سعيد الحظ الاول ؟؟؟؟
و باذن الله هنعمل مسابقه شهريه هيتم تكريم اكثر الاعضاء نشاطا فى القسم .
و هيتم تكريم اصحاب المواضيع المميزه .
يلا ورونا النشاط يا نمور كيا .