يعني اي سواق توكتوك يقف قدامك هتنزل تضربة!!! دلوقت مين اللي بيبلطج اصحاب التكاتك ولا الملاكي واعتراف من واحد منكو
عرض للطباعة
تبقى غلطان
الفكرة مش في شخصك و لكن في التوكتوك :)
و رغم ان التوكتوك عبارة عن اداة تحت امر صاحبها , لكن للاسف الفئة اللي اشتغلت عليه سلوكيات اغلبها فعلا مش سليمة خالص
لكن انا شخصيا بارحب بيك في المنتدى
و كل ما تزيدوا يبقى افضل لأن بطبيعة الحال المنتدى بينعكس في الاغلب على عقليات اعضاؤه سواء راكبين ملاكي او تريلات او توكتوك
فمرحب بيك زيك زي اي واحد تاني :)
بقولك ايه انت بتفهم اللى انت عاوزو وباقى الكلام ده فسرلى انتو بتعملو كدا ليه وبعدين انا لو حد مسنى او مس عربيتى واعترض طريقى او مش عاوز يوسعلى هاخد حقى بدراعى ماهى كلها بقت بلطجة دلوقتى انما طول ما هو ماشى محترم هكلمه ليه وشكلنا هناخد العزاء فى الحكومة قريب هاااع
لما حضرتك ترجع بيتك من شغلك وتلاقى زوجتك اتخبطت من توكتوك والحاجات اللى مشترياها وقعت فى الارض وسواق التوكتك جرى
ولما ابنك راجع من المدرسه واصحابه جايبينه البيت وهدومه مقطعه من عند الركب ووشه متشلفط من الزحف على الاض من توكتوك خبطه
ولما بنتك تسمع كميه قله أدب وساعات يخبطها بقصد
وترجع البيت تعيط لك
وانت سمعت وشوفت من بيتك كده
فى الاخر هتحب تسمع سيره سواق توكتوك اتحدااااااااااااااااااااا اااااااااااااااك
يعنى انت مش عاجبك البيكانتو مع احترامى لحضرتك انا مش جايبها عشان اشغلها بالنفر او اضايق بيها الناس انا جايبها عشان هى دى متطلباتى فى العربية وكمان عشان سهولة الركن والحركة وفعلا التوك تك علبة صفيح عشان مفيهوش اى امان يعنى مع اى حادث الركاب هيبقوا كفته
يتاع التوكتوك ده لا سواق توكتوك ولا حاجة ..وداخل يعمل بوليكة فى المنتدى وأحسن رد عليه هوا عدم الرد
بص ياسيدي كل فئه بتتعامل علي اساس اغلبيتها يعني مش كل ضباط الشرطه سيئيين و بلطجيه بس للاسف معظمهم كده فيهم اكيد ناس محترمه و كمان ممكن تضحي بنفسها عشان تنقذ حد في اي موقف بس لما هتيجي تتكلم عليهم هتقول دول بلطجيه عشان بطبع الحال معظم اللي هتشوفهم قدامك هيبقوا كده ،،،، نفس الحال مع سواقيين الميكروباصات معظمهم بلطجه و كسر علي الناس و رمي جتت و خلافه بس ده مش معناه انهم كلهم كده لسه والله مفيش من ساعتين مثلا شايف موقف قدامي عربيه اسعاف شايله حد في حاله خطر و ماشيه في شارع جانبي زحمه كل العربيات الملاكي اللي قدامها بيوسعولها و جت علي الميكروباص لسه بيوسعلها جيه سواق ملاكي طلع قفل علي الميكروباص و الاسعاف عشان يركن في موقف زي ده يبينلك ان مش كل سواقيين المكروباصات زباله ولا كل الملاكي ملايكه و اكيد فيهم بقر برضه ،،،،، للاسف التكاتك نفس الكلام الغالبيه بيبلطجوا ولازم علشان نوصل لحل اول حاجه نعترف بعيوبنا يعني سؤال و انا سايبك لضميرك غالبية سواقين التكاتك اللي تعرفهم كلهم مبيعملوش المواقف اللي بيحكيلك عليها الزملا هنا ؟ ،،،،، اما بقي موضوع بتتكلم انجليزي ولا فرنساوي و سواقين التكاتك اصحابك اللي فيهم خريج هندسه فانا مش مستغرب لان حال البلد بقي وحش و مفيش شغل و اكيد كل شاب هيحاول يجري علي اكل عيشه عشان ميموتش من الجوع و انا شفت كتييير خريجي هندسه و كليات و ناس محترمه شغاله في كل حاجه حتي تنضيف الجزم علي الرصيف و بيع الجرايد و لا عزاء لطموح المواطن ،،، يا سيدي اهلا بيك معانا هنا و ياريت لو تقدر تساعد في تغيير اللي حواليك عشان ميبقاش التوكتوك كفكره مكروهه عندنا زي دلوقتي لان لو كان التوكتوك ده اللي سايقه اتعامل بشكل تاني فعلا كان هيبقي حل سريع و سحري
معاك فى ديه
وكان فى الأول حاجه جميلة
أول مرة ظهر فيها فى كفر الزيات
وكان الواحد فرحان بيه
وكنت لما بروح هناك بركبه وببقى حاسس ان سائح وراكب حنطور
وفى الأول كان بيقوده ناس كبيرة وعاقلة ومحترمة وكانوا بيراعوا حق الطريق وبيحترموا نفسهم وبيحترموا اللى حواليهم
بس المشكلة ان زاد عن حده ببشاعه
وانتشر كما ينتشر السرطان فى الجسم
ومعدش فيه دم ولا احساس .. بيقف فى اى مكان وبيمشى عكسى على الطرق السريعة
تانى ايام العيد لقيت توكتوك ماشى عكسى فى الحارة الشمال نازل من كوبرى الدلجمون - كفر الزيات
ده تقول عليه ايه !!!
ده يستاهل الضرب بالجزمة القديمة و الإبادة وملهوش ديه
فجأة التوكتوك اتحول من حاجه مفيده الى كارثة
وفجأة بقى يسوقه الأطفال اللى مفكرينه بلاى ستيشن
ولم كل الصيع والعيال الشمامة وبتوع المخدرات وبقى المهنة المفضلة ليهم
وبقى عامل مشترك فى كل الجرائم تقريبا
مخدرات - دعارة - اغتصاب ....... الخ
ده غير القرف اللى بيشغلوه على الكاسيت والسماعات اللى بترج الشارع كله
هنقول ايه ولا ايه
إلا قلة محترمة زى ما قولت قبل كده
بقولك ايه يا بوب اسمع مني البوقين دول
يحرق ام التكاتك علي العربجية الي سايقينها علي القرف الي عاملينة في الشارع والزحمة والمشي عكسي
وابقي انزل شبرا كدة في شارع روض الفرج وشوف ام العلبة الصفيح دي عاملة ازاي وبيوقفوا الطريق ازاي
من الاخر كدة التكتوك دة ................ة والي بشتريه ويمشي يبلطج بيه ويقفل الشوارع بيه معلش انت محترم دي علي عيني وراسي بس لما توكتوك يطيرلي مراية ولا امسدام ولا اي حاجة ويجري ويسبني او ينزل ويبجح كمان يبقي لموأخذة بقي معلش لازم تستحمل الي يتقال
برجاء عدم استخدام الفاظ قد تعرضك للوقف
مشرف عام 1
ما تتكلم كلام واقعى
مهندس مين ولا خريج سياسة واقصاد ايه و يقبل انه يركب توك توك و يختلط بالفئة الضايعة الى بتشتغل عليه و يبقى زيهم
ووجهة نظر ايه الى عاوز تقربها بين اصحاب العربيات و اصحاب التكاتك مينفعش اصلا نتعامل مع الناس دى
وطالما حضرتك عندك كل المؤهلات دى و متعلم و بتتكلم لغات ما تدور على شغلانة كويسة بدل الحوار الفكسان ده
وغير ده كله مش الاولى انك تطلع تعمل طرف و ترجع بدل القعدة على النت و الكلام ده
في الحقيقة انا كنت داخل ااقول كلام كتير
لاني محروق شخصيا من التكتك واللي راكبين التكتك
ولاكن لا اجد ما يقال اكثر مما قيل هههههههههه
بصراحة انا كنت داخل اشتم بس مسكت نفسي
انا قريت الموضوع من اوله لاخره ومش قادر ابطل ضحك ومع الراى اللى بيقول انها اشتغالة وشوية احس ان المفروض محدش يرد مع احترامى الشديد لكل شخص محترم كتب حرف واحد واللى باهرنى اكتر ردود الاخ اذا كان فعلا موضوعه مش اشتغالة ومازاى مش حاسس ومش عارف قد ايه التوكتوك عامل مشاكل ده اللى بوظ اخلاق الناس هوة التوكتوك والله الواحد لما بيشوفه كانه شاف فار او صرصار من اللى بيطير ده مش بيخوف بس بيقرف جدا وعلى فكرة التزكتوك علم الناس اللى فى البلاد اللى بيقول عليها كسلانة لان قبل ما يظهر كانت الناس بتعمل ايه انا لما بكون رايح مشوار بالمواصلات ولابد من احتكاكى بالتوك شو ده بمشى حتى لو المسافة طولت او مفيش تاكسى بيدخل لاماكن الضيقة ده غير اسلوبهم انا شفت ناس محترمة كتيرة شغالة عليه ولكن اسبوع والثانى لازم يبقى زى الباقيين علشان يعرفوا يكملوا اكل عيش تحياتى
لا حول ولا قوه الا بالله
اللهم اصرف عنا شر ما قضيت
واكفنا شر هذا البرغوث الالي
الاخ توك توك
المنتدي مليان مواضيع ممكن تشارك فيها زيك زي اي عضو
وسيبك من انك تدخل المنتدي بصفتك من ملاك التوك توك
شكرا لزوقكو ,, بس برضة ده راي عضو او عضوين ,, هسيب المنتدي لو بقة مطلب جماعي وياريت لو نعمل استفتاء
هههه .. انت طيب أوي يا حسام بيك .. توكتوك ايه اللي بيطلع 20 جنيه في اليوم .. ده بالميت خالص 100 جنيه في اليوم و ممكن يوصل 250 كمان .. المشوار ب 2 جنيه و أكتر من راكب في نفس الوقت .. و المشاوير قصيره بتخلص بسرعه و يحمل اللي بعده.
أمال هو انتشر زي النمل كده ليه.
بعد قراءه متأنيه لهذا الموضوع ارتفع ضغط دمي و لكن ارجع و اقول المشكله في الحكومه المزدوجه التي سمحت باستيراد هذا الاختراع و لكنها لم تسمح بترخيصه او بتقنين استخدامه
بصراحة طايفة سواقين التوكتوك اغلبها اشكال قذرة وعيال ملزقة ومعليين الكاسيت باغاني قذرة زيهم وحاطين صورهم وكلمات بذيئة بيكتبوها على التوكتوك بصراحة هما والتوكتوك عبارة عن تلوث سمعي وبصري الله يحرقم فعلا مهو احنا كنا عايشين من غيره كويسين
يا عم الحاج انت سايب شغلك و قاعد على النت ليه ما تنزل تلف على اكل عيشك بعيد عننا
حرام يااخونا المعامله دي
في ايه مش كده
الاخ عادل
المنتدي مش ملك لحد المنتدي مللك لكل الاعضاء لو عايز تشارك شارك ولا يهمك
لكن زيك زي اي عوض تاني
وبلاش التوك توك
والكاميرا هتطلع امتى بقى؟
التوك توك في مصر .. عنوان للعشوائية .. ازدراء القانون .. ازدراء الناس .. الجريمة .. التلوث السمعي .. و البصري !
الموضوع شكله اشتغاله لانه لو عضو جديد وشايف رأى الناس فيه بالمنظر ده اكيد هيتخنق ويخلع -راىى لو عايزين صاحب الاشتغاله يظهر بلاش نعلق على الموضوع ده واكيد هيظهر الزميل الى مش مكفيه حرقة دمنا من حال البلد شاف تانى اكتر حاجه بتحرق الدم واتكلم عليها
طلعت غلبان انا ومش عارف حاجه :)
معلش ياجماعه اصل انا اخر موقف حصل لى مع التوك توك كان حادثة طبعا هاتلاقوا تفاصيلها هنا
http://www.nilemotors.net/Nile/299220-a.html
كان معهوش حاجه وشغال على التوك توك وحاجه تصعب على الكافر , وطبعا مش قادر اقولكم على منظره طبعا شكله يوحى بحالته فقولت اكيد معظمهم كدا
انما لو الموضوع كدا انا افك عربيتى ب 10 تكاتك واسيبهم ينتشروا فى البلد وابقى ملك زمانى :Oc_sun1[1]:
انت برضه مصمم تهزر :) ماشى
عربى وانجليزى بطلاقة وكمان فرنساوى , وشغال على التوك توك ؟؟؟ ليه خلاص هى الشغلانات خلصت !!
اقل منك بكتير فى التعليم ولاقيين يشتغلوا , انت كفايه معاك شهاده ولغه , ان شالله تقعد فى مركز كمبيوتر تترجم , اى حاجه , انضف من المجال الموبوء اللى رميت نفسك فيه
ولا انت استسهلت والتوك توك فعلا فلوسه كتير ؟ احنا بقى اللى هانحقد عليك :Oc_sun1[1]:
بص ياباشا كل واحد حر ان شالله تكون خريج ايه وشغال على التوك توك
بس احنا منتدى سيارات مش تكاتك وعمرنا ما هايبقى عندنا قسم تكاتك ولا هانقبل بوجودها ولا هانرحب بيها زى ماحنا مش طايقينها فى الشوارع
عيش حياتك معانا بطبيعيه زى اى عضو وحط صورة التوك توك بتاعك فى توقيعك وعضة اسد ولا نظرة حسد ( الحمد لله انك مش كاتب البلاوى التانية )
بس بلاش بقى المطالب بتاعت قسم للتكاتك والتوك توك ماله وتحسسنا ان سواقين التكاتك ملايكه بريئه واحنا اللى مفتريين
استفتاء ايه ياعمنا هو المنتدى بقا ملكك خلاص وخليتها استفتاء لسه واحد مقلوب دلوقتى حالا اهو فى حدائق الاهرام وخبط ست وبينتها ماشيين وفى المستشفى بسبب ام السرعه فاكرين نفسكو راكبين فيرارى حاجه تحذن هتقرفونا فى الشارع وهنا كمان شارك فى اى موضوع براحتك بس ماتجيبش اسم التوكتوك ده خالص وزى ما انت شايف الاعضاء كلها مش مرحبة بيك نهائى