انا لسة مسجل امبارح وكل الناس هاجمتني ليه يا جماعة للدرجة دي انا تقيل علي قلبكو,, لو مش عاوزني ف المنتدي قولولي وانا اسيبه,, انا عمري ما غلطت في حد بجد حالتي النفسية منهارة
عرض للطباعة
انا لسة مسجل امبارح وكل الناس هاجمتني ليه يا جماعة للدرجة دي انا تقيل علي قلبكو,, لو مش عاوزني ف المنتدي قولولي وانا اسيبه,, انا عمري ما غلطت في حد بجد حالتي النفسية منهارة
أكيد الناس بتهزر معاك
يافندم هتلاقي 97 % من الاعضاء اللي هنا كارهين التوك توك واللي جابو واللي سايقه
اكيد انت عارف ليه
اكيد اتعلم على الناس دي كلها منه وانا بصراحة عمر ماهيبقى بيني وبين اي حد منهم عمار ( اتعلم عليا في الباب بتاع السواق واللي وراه من عيل صغير راكب توكتوك )
متزعلش من كلامي
انت عارف لما تكون واحد اهلاوي دخلت في منتدى الزملكاوية ؟ هو ده بالظبط :)))))))))
مافيش واحد هنا الا و توكتوك كسر عليه او خبطه او او او
و طبعا ناهيك عن رد فعل اللي سايق التوكتوك لو سواق الملاكي فتح بقه معاه
نفس الكلام بالنسبة للمكروباص و الميني باص و النص نقل بس اقل من التوكتوك
و بنسبة اقل شوية منهم التاكسي
ممكن نحاول نسأل نفسنا , هو ليه المهنيين واخدينها بلطجة ؟
وانا المريات الاتنين شمال ويمين اكسرو برضه بسبب تكتوك ابن 60×70 وكلفونى 500 جنيه يرضى مين ده ، غير بقى الخبط اللى فى العربية ايشى رفرف يمين على فانوس على اكصدام خلفى على شوية حكات كده معلمه فى العربية كلها
لو هانتكلم جد , معلش انا مش مصدق اساسا ان حضرتك سواق توك توك وهاقولك ليه
مفيش سواق توك توك هايكتب بالفرانكو tok tok el 7ob ولا هايدخل على المنتديات ويدى اراءه الفنيه فى العربيات ولا هايبقى عنده وقت ولا فلوس يقعد على النت اساسا ولا عنده كمبيوتر من اساسه
هاتقوللى ليه هو مش بنى ادم هاقولك طبعا بنى ادم وعلى عينى وراسى وممكن يكون احسن منى عند ربنا
بس سواقين واصحاب التكاتك اللى بنشوفهم فى الشارع وياما اتأذينا منهم كلهم شبه بعض وبصفات واحدة اجرام وبلطجة ولا مبالاه والفاظ واغانى شعبى وتحرش ومعاكسة بنات وغيره
هاتقولى انا مش كدا هاقولك ماشى يبقى انت من النوع التانى المحترم اللى فى حاله اللى بيجرى على اكل عيشه ويمكن شغال على التوك توك كمان مش بتاعه وعايز يجمع 20 جنيه فى اليوم عشان يصرف على بيته وعياله , اكيد برضه ال 20 جنيه مش هايبقالك منها حاجه تدفع فاتورة النت ولا ال usb modem
عموما اهلا بيك معانا عضو فى المنتدى , وماتزعلش من هجوم الناس عليك عشان انت عارف كويس الاسباب
من تواضع لله رفعه
وفى من كل الاشكال والالوان والمهمن الكويس وللاسف قليل والباقى سيئ
ربنا يهدي البشر والنفوس يارب
الأخوه خلصو الكلام كله بصراحه اللى انا داخل اقوله
بس حاجه اخيره تبقى عارفها
الناس هنا مش بيكرهوك لشخصك لاسمح الله ولا مغرورين ولامتكبرين ولا الكلام ده كله بس انتو بصراحه وبتوع المكروبصات خليتوا عندنا غل وكبت رهيب من افعالكوا
اكيد رد الفعل مش على شخصك
رد الفعل عن الكل (بالاجماع) سائقى التوك توك
المفروض تغير عنوان الموضوع وتقول ليه اصحاب التوكتك بيعاملوا الناس كلها كده
مفيش حد مننا هنا فى المنتدى لم يتأذى من التوكتوك
ومفيش بنت أو سيده ملهاش تجربه سيئه مع التوك توك
مفيش مواطن عادى لم يتأذى من هذا الوباء الذى نزل علينا
والله العظيم ياأخى بيصل بى الامر ان امشى مسافات طويله لاتفادى المناطق المزدحمه بالتوكتوك لانى بكون غير مهىء للرد على مشاكلهم التى لاتنتهى مهو لو ماخبطنيش هيقف قدامى لمجرد المضايقه ولو ما وقفش هسمع الكاسيت المزلزل والتلوث السمعى الخارج منه وان لم اسمع سأرى بعينى مضايقته لخلق الله عمال على بطال
و.و...و....و......و............و
انا معك ان هناك قله قليله جدا جدا جدا جدا محترمين وفعلا عايزين ياكلوا عيش ونحترمهم لكن الاغلبيه العظمى حدث ولا حرج ولعلمك انا من المحله وما ادراك بسائقى البلوه دى تجار مخدرات مسجلين خطر بائعى الانابيب عربجيه اطفال ازاااااااااااااااى هنحب اسلوبهم فى التعامل هل سننافق لااظن
واهلا بك يازميلنا الفاضل اعذرنى حبيت افضفض معاك وارجوا ان تتقبل رأيى من مبدأ الحريه فى التعبير
"التوك توك" هو تلك العلبة الصفيح التى تسير فى شوارع مصر بلا حسيب ولا رقيب وتنشر الفوضى المرورية ومن اهم مميزاته الصخب الموسيقى والتلوث السمعى والعبارات الخادشة التى تكتب على خلفيته ومرادفا أيضا لجرائم كثيرة وقعت مؤخرا من البلطجة للسرقة واغلب سائقيه من المراهقين والمسجلين خطر
tatarabatateeeeeeeeeeeeeeeeeeeeeeeeeeeeeeet
الناس غصب عنها لان هو فى الواقع اول ما كلمه توكتوك تتقال اول حاجات تيجى فى دماغ ألواحد ايه ؟
شارع مكسر - عشوائيه - اغانى هابطه و صوت عالى - قبح فى منظره - شريعه الغاب- حرقه دم انه يكسر عليك او يخبط فيك - زحمه. - عدم احترام القانون ...
كلها معانى سيئه للاسف و مشاكل خللت الناس تكرهه . كمان بحكم انا ده منتدى سيارات كل اللى بيدخل هنا هتلاقيه مهتم بالسيارات او يمكن بالموتوسيكلات و لذلك غالبيه المواضيع عن الحاجات دى أما التوكتوك مش هتلاقى حد مهتم به و فى الاغلب حتى لو الاداره وافقت هتلاقى حضرتك بتكتب الموضوع و بترد على نفسك و اغلبيه الناس مش معتبراه وسيله مواصلات اصلا لكن وسيله تعذيب لكل ما هو حوله
بقولك ايه انت اكتر واحد ادرى التوكتوك هو ايه ومشاكلو قد ايه ولو انت كويس مليون غيرك وحشين وكفاية بقا اللى
بيحصلنا منه كل يوم واحنا مش بنكرهك لشخصك بس مجرد سماع كلمة توكتوك دى لوحديها تخرج عن شعورك فى كل
الاوقات ....
انا من رايي تغير اسمك الى سفينة الحب
ومتزعلش لو انت محترم وده ان شاء الله اكيد
لان للاسف فى غيرك كتيييييييييييييييييييير لا يمت للاحترام باى صلة
روق بالك وراعى ربنا ربنا هيرعاك وييسرلك امورك باذنه تعالى
وربنا يهدينا جميعا يارب
مش ملاحظين حاجةّ!!!!
صاحب التوكتوك قصدى صاحب الموضوع مردش لدلوقتى:hugging:
ياترى السكوت دة رضى بالامر الواقع ولا دى حالة من الاندهاش من ردود الاعضاء
فى كل الاحوال التكتوك مصيبة العصر والزمان على مستوى الجمهورية
انا من الاقليم ومع ذلك التكتوك مدمر البلد عندنا
منتهى السفالة وقلة الادب وجميع انواع التلوث جابها معاة
التلوث السمعى بيبقى مشغل المهرجانات اعلى صوت ومعدى جنب المسجد اثناء اقامة الصلاة ولا هو هنا:36_1_2[1]:
فى نهار رمضان السيجارة فى بقة والمهرجانات اعلى صوت واديها يا ريس ؟؟ فعلا ناس شقيانة بتجرى عل اكل عيشها
التلوث البصرى منظر التوكتوك ياجماعة اصلا مقرف وتلاقية معلق على البربريز من جوة علاقات ودلايات:baby07:واشكال غريبة ومفيم البربريز بلاك ويمشى بالليل مشغل النور العالى فى وشك طبعا ما هو مش شايف حاجة من الفامية البلاك دة طبعا غير الخمسين مراية اللى حاططهم قدامة طبعا مش عشان يشوف الطريق من وراة!!!! لا دول ليهم فايدة تانى!!! طبعا بتبان فايدتهم لما تركب معاة بنت:ma(36): اوواحدة ست:049:؟؟ دة غير الالفاظ التيييييت اللى بيكتبوها على خلفية التوتوك على فكرة احاينا بيكتبوا شتيمة وسخة جدا وبالخط العريض طبعا حاجة اخر قرف
انا لواتكلمت عن التكتوك مش حاخلص انما اخيرا اقول لصاحب الموضوع 99% منهم عايزين
التيييييييييييييييييييييي ييييييييييييييييت؟؟؟؟؟؟؟
اعتبر نفسك انت من ال1%:tumb:
الي كنت خايف منه بيحصل
انت مش العضو الوحيد في واحد تاني و شكله هيبقى احتلال للمنتدى و ده انا نوهت عنه في مشاركة قبل كدة
علشان كدة انا واحد من الناس مش متقبل ثقافتك و لا طريقتك
انت عايز تعرف ليه بقى احنا بنعاملكوا كدة
اتحداك لو كنت ماشي سليم
يعني مرخص علبه الصفيح بتاعتك و معلق نمر
و لو مرخص يبقى بتخالف قانون العمل و مشغل عليه عيل من العيال السرسجية
لو مش بتعمل كل ده
أكيد علشان نظرتك لمالكي السيارات الملاكي بتنفسن عليهم في الطريق
فا ما تعيش في دور الملاك البرئ و احنا الي منفسنين
العكس هو الي صحيح و ده باين من طريقة كلامك
ارجوك و جودك بالنسبة لي في المنتدى هنا غير مرحب بيه أطلاقاً و ده رايي و وجهة نظري
اطالب بفتح قسم جديد للتوك توك-بس سؤال انته جايب التوك توك تاجرة ولا تروح بيه شغلك
الناس الى هنا جايبه عربيات تروح شغلها - مش مشغلاها تاكسى
متزعلش مننا والله بس بيقولك السيئة بتعم والحسنة بتخص
وأكيد في من سواقين التكك ناس محترمين وبيدوروا على أكل عيشهم بس دول أقلية جدا للأسف
توك توك ايه اللى بيعمل 20 جنيه فى اليوم !!!
دول بشاوات وبيعاملوا الناس نفس معاملة التاكسى
دلوقتى فى القرى اقل مشوار بـ 2 جنيه
وبيقولوا للناس علشان مش لاقيين بنزين !!!
رغم ان العربيات بتبقى واقفه طوابير وهما بيلفوا من قدام كل العربيات ويروحوا يحطوا بنزين وطز فى الطابور واللى واقفين فى الطابور
بحجه ان التانك عنده صغير !!!!
اعتقد ان التوكتوك بيعمل فى اليوم مبلغ كبير مش اقل من 50 الى 100 جنيه ويمكن اكتر
بس طبعا كله بيروح على الحشيش والبانجو والمخدرات وغيره من الموبقات وكبائر الذنوب
وفيه منهم اللى بيشتروا اغلى وافخم موبايلات
واعلى امكانيات فى اللاب توب
بس مش عاوز اقولك بيعملوا بيهم ايه
وايه المواقع اللى بيدخلوا عليها !!!
طبعا فيه من سواقين التوكتوك قلة قليلة محترمه بتاكل منه عيش وبيربوا ولادهم من ايراده وللأسف مش ظاهرين فى وسط هذا الإجرام
منه لله الترافيك
موضوع زى ده مكانه المحذوفات من غير نقاش
حضرتك التوكتوك حل ازمة كبيرة زمان كان الناس في القري والمدن الصغيرة مفيش اي وسلة انتقال ليهم غير المشي وممكن الواحد يمشي كام كيلو عشان يشتري حاجة,, ده غير الستات اللي كانت بتشتري حاجة السوق وتيجي شايلاها علي دماغها لحد ما ترروح ,,التوكتوك اصبح الحل السحري لكل المشاكل
علشان 90% من سواقين التوكتوك يا اما برشمجيه يا بلطجيه يا عيال صغيره وكلهم عاملين مصايب
يعنى تاكسى ثمنه 140000 جنيه وبيدفه ضريبه ورخصه وله اصل وفصل هتساويه بواحد شارى توكتوكب سبع تمن الاف جنيه ولو سواق التاكسى عمل مشكله هنعرف نجيبه يعنى مقارنه منك مش فى محلها خالص ولو تابعت هنا فى المنتدى لسه سواق تاكسى من المنصوره الزبون هو اللى دفع خمسه جنيه من نفسه ومع ذلك اتسحبت رخصته لانه مخالف البنديره انتوا بقا بتقيموها على اساس ايه
بغض النظر عن أى حاجة...........واضح أنك راجل محترم
بس للأسف زى ما الأخوة قالو فى المشاركات نسبة سواقين التوكتوك المحترمين تكاد لا تتعدى ال 1%
للأسف زى أى حاجة تانية الناس واخداها بلطجة و بيعملوا اللى هما عايزينه و فى داهية الباقي.
أنا مكنتش متخيل أن هيجي عليا يوم أكره حد أكتر من سواقين الميكروباص..........لحد ما جه التوكتوك
غير التلوث اللى بيعملوه سواء سمعي أو غيره......البلطجة الى السواقة و المشي عكسي و عدم إحترام الناس اللى فى الشارع..........أسباب كافية تخللى أى واحد يكره الأختراع المسمى بالتوكتوك.
و العيب مش فيه العيب فى اللى سايقينه..........إلا من رحم ربي.
هو التوكتك نازل للقرى بس ده غرق المدن ولعلمك مهما هتحاول مش هتعرف تغير نظرتنا من اللى بنشوفه
لو انت بتعمل كنترول على نفسك مش هتقدر تعمل كنترول على كل اللى راكبين توكتوك
وصدقنى انت نفسك هتشوف منهم اهوال اصل اغلبهم لا قيم ولا مبادىء ومسيرك تقع معاهم
بجد عمرى ما كرهت حد ولا تمنيت شر لحد لكن لسواقين التوكتوك !!!!!
بقولك ايه فكك بقا من اللى فى دماغك ومتحاولش تقنعنا ان التوكتوك ده كدا حاجه ملاك برىء وتبرر بأى وسيلة تعالى شوف التوكتوك فى الهرم والطرق السريعة عامل ايه اقسم بالله لو وقف قدامى توكتوك فى يوم ماهرحم حد سايقه لان كدا بقة حاجه لا تطاق بص للموضوع بنظرتنا احنا هتعرف
احنا بنكلمك كده ليه لما بنت صغيرة ماشية فى الشارع مع اهلها وتوكتوك معلق اريال ولا الحاجات اللى بتتعلق من ورا التوكتوك دى وتقعد تيجى يمين وشمال وييجى الزفت ده فى عنيها وتفقد بصرها ده يبقا ايه حلال ولا حرام ياراجل اتقو الله بقا ....