استلمت عربيتى اول امبارح A620 من فرست كار بعد حجز 4 اشهر
الانطباعات الاولى العربيه حلوه و ناعمه جدا بالنسبه لللانوس الى انا راكبها
ولكن ضخمه القصد روحت و ركنت تحت البيت وكان معايا ابنى المهم
قالى اطفى الانوار فطفيت الانوار التابلوه نور المهم يمين شمال معرفتش اوصل
لوضع فى مفتاح النور يبقى طافى كل حاجه ( تابلوه و انوار ) قلت اقرا الكتالوج
قريت وزى مانا عارف وزى الانوس يبقى كده انا عندى مشكله فى العربيه
المهم اتنكدت من الاول كده مش هاطول عليكم كلمت التوكيل النهارده
قالى ده الفيرجن الجديد ان وانت طافى العربيه التابلوه غامق قوى ( اسود )
تقريبا ...شغل العربيه تلاقى التابلوه نور ومفتاح النور مطفى قلتله ماشى
دى حاحه حلوه . طيب وباليل ازاى اسوق والتاابلوه مطفى قالى لا انت جربت
تسوق باليل . قلتله لا ماجربتش ( لانى خايف من الحجم لسه ) قالى جرب حتلاقى
اضائه مختلفه ولكن لو ماكنش كده تعلالى الصبح اى وقت وانا ابصلك عليها
بدون حجز . اسف جدا للاطاله وهاجرب النهارده باليل واقول لكم