الحمدلله استلمت جين 2 امبارح

**midoelbadawi** · 21-06-2011 01:38 PM

الحمدلله استلمت جين 2 موديل 2011 منيوال فضى
امبارح من والتوكيل ال فى اسكندرية

اولا: لازم اشكر الاستاذ المحترم حسن برتو بجد شخص محترم جدا جدا جدا
ثانيا:لازم اشكر ايمن
Ayman_52 على مساعدته ليا

ثالثا:انا حجزت العربيه يوم 20_6 واستلمت يوم 21_6
انا رحت التوكيل على الساعه11 واستاذ حسن ورانى العربيه وهي بتجهز ليا
التوكيل والله التعامل كان حلو اوى
بعدها العربيه جهزة علشان اشوفه من بره وجوه
والحمدلله عملت شك عليها وطبعا كان معايا ايمن
Ayman_52
على التليفون علشان يعرفنى اشوف ايه اراجع عليه.
الحمدلله العربيه جربت كل حاجه فيها الحمدللله كويسه
بس فى ملحوظتين الريش بتاعه التكيف تقيله اوى وانا بحركها يمين وشمال و زرار فتح التنك تقيل اوى اوى لدرجه انه ممكن يتكسر
بس هما الملحوظتين

وبعدين رحت مونتها بنزين 92
ورجعت بيها
الطريق: العربيه حلوه جدا سحب حلو اوى اوى سبات ممتاز العفشه كويسه جدا الفرامل كويسه اوى اوى اوى اوى
لانى فعلا استخدمتها علشان سواقين العربيات النقل فظاع يمشى من اليمين لشمال ولا فرقه معاه اى حد
ربنا سترها معايا
ووصلت بالسلامه وطبعا الكاسيت كنت مشغله وكان حلو اوى والعربيه عجبه اخوياالصغير وصاحبى كان مبسوط من العربيه وشكر فيها اوى اوى

**medododo** · 21-06-2011 01:46 PM

ألف مبروك
ربنا يديك خيرها ويكفيك شرها

**Ahmod** · 21-06-2011 01:55 PM

الف الف مبروك ربنا يباركلك فيها

وحاول انك في فترة التليين تمشي على مهلك وماتحرقش على الماتور خالص يفضل انك ماتعديش ال 100

وحاول انك تشيل الورق الابيض اللى بيكون موجود على العربيات الجديدة ونفس الموضوع بالنسبة للاكياس اللى على الكراسي عشان ماحدش ياخد باله انها زيرو سعتها ممكن تاخد عين

ويفضل كمان انك ماتغسلهاش يعني حاول تسبها لو جيه عليها تراب ولا حاجة عشان تغزي العين

والف مبروك