اقتباس:
المشاركة الأصلية كتبت بواسطة alrabeh
مبروك عليك وعلى الولاد ربنا يخليهملك
يا ترى أخبار الدريكسيون ايه فى اللعب وهل حساسيته كويسة فى اللعب
ياريت ميزاته وعيوبه علشان عاوز أجيب واحد والسعر كام؟
اقتباس:
المشاركة الأصلية كتبت بواسطة khaled_legand
سؤال واحد: هو مفيش من البتاع ده مانيوال ؟
الله يبارك فيك ياباشا
طبعا رائع فى لعب السيارات وبيشتغل فى ألعاب تانية زى الجيم باد العادى بس انا مجربتهوش العيال هيه اللى جربته
وواضح من صورته ان فيه زراير كتيره للتوجيه زى الجيم باد العادى
متعته فى ألعاب السيارات
أنا شايف ان حساسيته كويسه جدا
فى الأول مكنتش متأقلم معاه زى الكيبورد اللى متعود عليها
وكنت عمال اخبط يمين وشمال
بس اتعودت عليه بسرعه
ومعاك دواسة بنزين وفرامل بتستغل رجلك كمان فى اللعب
وفيه فيبريشن بيشتغل لما العربية تحود بعنف او عند التصادم
فيه انواع كتيره أسعاره بتبدأ من 135 جنيه وبتعلى بقى الى 220 جنيه
طبعا الحاجات الرخيصة ماركات غير معروفه وشكلها رديئ جدا وبدون ضمان ومفيهاش فيبريشن وكل ما أسأل البياع على امكانياته الاقيه مش عارف
النوع اللى جبته من ماركة genius الشهيرة الراجل كان بيقولى سعره 230 جنيه وفاصلت معاه وأخدته بـ 220 جنيه
وده النوع الوحيد اللى عليه ضمان 18 شهر
وشكله محترم وخامته نظيفة
وبيشتغل على الكمبيوتر بكابل يو اس بى
وبيشتغل على بلاستيشن 2
ودوخت عليه على ما لاقيته فى طنطا بقالى فترة طويلة ببحث عنه
لحد ما لاقيته بظروفها يوم وقفه العيد
اللى كان موجود ومنتشر الأنواع الأخرى الردئية الرخيصة
معمولة من بلاستيك معفن والطباعه مش حلوة
ومحستش بالفرق إلا لما فتحت كارتونه genius وقارنتهم ببعض
عيبه ان مفيهوش مانيوال
كان فيه بعض الأنواع الأرخص فيها مانيوال بس مش زى العربيات الحقيقية
يادوب عصاية بتحركها لقدام ولورا وخلاص (أى كلام ياعنى)
لو حبيت تشغل العربية مانويال بتشتغل عادى بقى وبتقلب من زرار فى الدريكسيون
وكنت بتمنى ان الدريكسيون يكون اكبر شويه
حاسس ان بسوق 128 مش شاهين ههههههههههه