-
بتحــــب عربيــــتك
السلام عليكم ورحمه الله
انا عملت الموضوع دا علشان كل واحد بيحب عربيته يقول هيه نوعها ايه وبيحبها ليه وهل حد حاسس بحبك ليها وخوفك عليها ومدايق من كده؟.؟.؟.؟.؟:36_3_18[1]:
بصراحه من كتر حبى للعربيه مبقتش عارف اعمل ايه بحس انها بتحس بيا ومريحانى كده وهيه aaccent rb 2012 :beat4:
-
دايما بقول عربيتي دي مراتي اللي مقدرش أقلها لا على اي حاجة
طلباتها كلها مجابة وصياناتها في مواعيدها وبنزينها في تانكها ومتظبطة :d
طبعا بحبها جدا وبيبان دا في كل حاجة في تشغيلي ليها وسواقتي ليها واخدان المطبات وكل حاجة
اللي بيضايق مني في القصة دي قرايبي كلهم بيقولولي احنا بيتهيألنا انك عاوز تنزل من العربية تشيلها تعديها المطب وبعدين تركب تاني :d
على فكرة عربيتي فيرنا 2010 يعني الموديل العالي مش الواطي بس برده انا حونين معاها
احبها حتى الثمالة
ودايما بقول اللهم دمها نعمة واحفظها من الزوال
يكفي انها بتوديني مكان مانا عاوز ووقت الحر بتكييفها بتقيني حرارة الشمس وبصراحة النهردة كان معايا واحد صاحبي معاه النترا 93 طلعت عنينا اول ما ركبت عربيتي قلت الحمد لله على النعمة اللي الواحد فيها دي
اهم شيء يا جماعة القناعة
القناعة كنز لا يفنى
-
بصراحة انا بحب عربيتى اللى فى التوقيع دى علشان مستحملانى ومستحمله الرزع وعمرها ما قصرت معايا يعنى على سبيل المثال راجع فى يوم من الشغل وصلت البيت وجيت ادخلها الجراش بطلت وحلفت ماهى دايره وكان العيب فى المرش وصلنا الكهربائى وكله تمام طيب لو عملتها فى نص اتلطريق او على الصحراوى ربنا يستر....*
مثال تانى مشيت بيها من غير دينمو مشوار حولى 30 كيلو وطبعا كنت فاصل مروحة التبريد وفى عز الصيف وصلت بيها للكهربائى والحمد الله ....*
-
-
العربيه خانقانى جدا وحاسس انى بصرف فى الهوا
-
موضوع جميل و الله و خفيف ..
أنا دايما باحب عربيتي و بأخاف عليها علشان هيا كمان بتخاف علي و بتسمع كلامي و بتنفذ أوامري بدون جدل أو مناقشة و لأني باهتم بها عمرها ماتقصر معايا
- في الاول كانت دايو لانوس .. كانت سبب دخولي للمنتدي و تعلقي به
- ثم جاءت تويوتا ياريس .. و كانت خير رفيق علي الطريق لمدة زادت عن ال 3 سنوات
- ثم جاءت الكورولا كفترة أنتقالية و أنقذتني من شبورة الطريق في رحلات متعددة
- و اخيرا جاءت هيونداي النترا بعد رحلة بحث طويلة لتكون هي حل المعادلة الصعبة و التي خطفتني بأناقتها من أول نظرة و حتي الان هي طوع أمري و تنفذ كل اوامري و تصحبني في كل مكان أذهب اليه
لذا .. أخاف عليها و أعاملها برقة و لطف و أوليها اهتمامي و رعايتي عندما يتوفر لي الوقت و المال
ربنا يخليها لي و يحفظها من كل شر و سوء
Content Relevant URLs by
vBSEO 3.6.0 PL2