الشبورة فى الريبريز الأمامي للفيكترا سي

**ashrafmkenawy** · 01-11-2012 10:42 PM

انا غلبت فى الموضوع ده ومش عارف اعمل إية، لما باقفل زجاج العربية واشغل التكييف خصوصاً بالليل، الزجاج الأمامي بيشبر ومش باشوف حاجة، بادوس على الزرار الخاص بالزجاج الخلفي بينضف الزجاج زي الفل، المشكلة فى الزجاج الأمامي ولما باشغل الزرار بتاع الزجاج الأمامي باسمع صوت الهوا جامد اوي لدرجة انك تصدع والحقيقة كمان مش عارف الوضعية الخاصة بالهوايات لازم تكون ازاي، يوم المطر الجامد اللى فات ده اضطريت اني اسوق العربية وانا فاتح الزجاج واتبهدل من المطر أفضل من أني ماشوفش حاجة خالص، حد يقدر يفيدني فى الموضوع ده.

**MaaM** · 02-11-2012 02:34 AM

كانت بتشبر معايا (استرا البرازيلي) ، وكنت بشيلها من خلال تغيير نظام خروج التهوية الى أمام السائق واسفل الدواسات بدل الامامي فقط بحيث اني اخفف حمل خروج الهواء

**ashrafmkenawy** · 02-11-2012 03:06 AM

لا والنبي بالراحة عليا وفهمنى واحدة واحدة، علشان انا مش عارف اعمل اية.

**ashrafmkenawy** · 02-11-2012 03:08 AM

ومن ناحية تانية درجة حرارة الجو اللى بتظهر فى شاشة الكمبيوتر جنب الساعة فجأة لاقيت مكتوب بدالها f ده معناه اية واية الجل؟

**احمد فهمى** · 02-11-2012 11:15 AM

السلام عليكم
الموضوع عادى جداً اليومين دول الرطوبه عاليه فى الجو وده بيحصل عندك حلين الاول هتغير اتجاه الهوا يعنى ميخرجش من الهويات اللى تحت الزجاج الامامى تخليه بين علامة فوق وعلامة الخروج من الرجل للهوا ..... وبتلنسبه لحرف الf ده معناه ان فى فولت حاصل للسنسور بتاع الحراره الخارجى يعنى بيفصل ويرجع اتأكد انو راكب صح وواصل صح وبلغنا بالنتائج

**MaaM** · 02-11-2012 02:03 PM

لف البكرة على الدائرة الحمرا

**ashrafmkenawy** · 03-11-2012 01:48 AM

ألف شكر يا رجالة على الرد، أنا هاجرب وأقولكم على النتيجة وان شاء الله تبقي تمام.

**ashrafmkenawy** · 03-11-2012 01:50 AM

المشاركة الأصلية كتبت بواسطة ahmed_fahmy

السلام عليكم
الموضوع عادى جداً اليومين دول الرطوبه عاليه فى الجو وده بيحصل عندك حلين الاول هتغير اتجاه الهوا يعنى ميخرجش من الهويات اللى تحت الزجاج الامامى تخليه بين علامة فوق وعلامة الخروج من الرجل للهوا ..... وبتلنسبه لحرف الf ده معناه ان فى فولت حاصل للسنسور بتاع الحراره الخارجى يعنى بيفصل ويرجع اتأكد انو راكب صح وواصل صح وبلغنا بالنتائج

ألف شكر يا أ/ أحمد بس هو سينسور الحرارة ده ألاقيه فين؟ أصلي لاقيت فيشة صغيرة تحت الاكصدام الامامي مدلدلة يمكن تكون مفصولة ودي تكون خاصة بالحرارة الخارجية؟

**ashrafmkenawy** · 03-11-2012 01:53 AM

سؤال تاني، انا لما بادوس على زرار الشبورة الأمامي اللى هو فوق مش تحت بيطلع هزا من قدام بس الصوت قوي أوي، هو ده كده عادي على الرغم من اني باسيبه شغال مدة والصوت زي ماهو مش بيقل خالص