مساعدة بسرعة من الفيرناوية...البوردة بتتكلف كام

**خلود** · 02-11-2012 02:21 AM

ومين احسن مكان يعملها

**john4** · 02-11-2012 12:51 PM

المشاركة الأصلية كتبت بواسطة خلود

ومين احسن مكان يعملها

اى بورده تقصد؟؟؟؟؟؟؟؟؟؟؟

**خلود** · 02-11-2012 02:58 PM

البوردة الى بيتركب فيها السماعات بدل البوردة بتاعة الفبريكة الى بتتعمل ام دى اف......

**YHYAKOTB** · 02-11-2012 03:02 PM

حوالى 30 جنية خشب بس

**خلود** · 02-11-2012 03:24 PM

ادريان بيقولى 120..........................طيب ممكن اعملها عند مين ...يكون فاهم وسعرو كويس

**ggaamm** · 02-11-2012 04:10 PM

انا عاملها خشب حبــييــبىى وكاسيها سفنج وجلد تقيل كلفت حوالى 120 جنيه

70 خشب ومصنعية
30 طلبات
20 للسروجى

بس خلى واحد بيفهم يعملهالك لأنى بعد ما عملتها طلعت السمعتين مش مظبوطين عالفتحات ومعرفتش اركب السلك واضريت افك الكنبة واطلعها من تانى عشان اوصله وكمان الجاكات مزنوقة مش داخلة مرتاحة وكده

المهم خد معاك كل السماعات وبلاش تستعمل المقاس زى اللى بيبقى على كرتونى البايونير وخليه يفتح لكل واحدة بالظيط فى مكانها مش يقول هى هى وياخد واحدة ويفتحلهم مرة واحدة لأن الكينوود غير البايو غير الجى بى ال حتى ولو كانوا نفس القطر والحجم

**eldell** · 02-11-2012 04:13 PM

هى هتتكلف من 70 الى 100 جنيه مش ازيد من كده واعملها ام دى اف احسن وتخليها يعملهالك موكيت من فوق وهتظبط الدنيا معاااااك انت ممكن تروح لاى نجاره ياااخد المقاس لو انت غاوى الحاجه تعملها بايدك وبعد لما تخرج من عنده ويكون فاتح للسماعات هتجيب متر موكيت وعلبه كله الموكيت هتلاقيه ب15 والكله ب5 وممكن تجيب نصف متر بس علشان هو بيبقى متر فى متريين حسب انت بقى والرف هيتكلفله خشب مثلا 30 جنيه ويبقى كله على بعضه 50 جنيه وانت الى عامل حاجتك بايدك

**خلود** · 02-11-2012 11:07 PM

بشكركو كلكو ناس محترمة بجد.....انا ركبت السماعات....عند ادريان بعد منهدة ب 100 جنية واصرار متقولش بقا الناس يعنى هيركبولك بنضافة اوى........تركيب البوردة كان بقرف وكلة ملاحظات....وكل شوية اعدل على الراجل حاجة وشغل من غير مزاج خالص وكروتةوخلاص المهم يعنى حاجة خرة وقرفت من نفسى ومكنتش مبسوط خالص بعد ممشيت ورجعت 3 مرات عشان كانت البوردة بتخبط.....عامة صوت السماعات كويس بس قرف التركيب ضيع زهوتها معايا......وكمان مضاش يركب الاستوب...قال اية مش هيظبط وهخبط معاك؟؟؟؟؟؟؟؟؟؟يلا بقا يوم وخلص.....بس انا حاسس انى لازم اركب ستارة ورا.....تنصحونى باية يكون سهل تركيبها ومحفرش فى الخشب ......وشكرا ليكو بجد تانى