الموضوع: قصة كفاحي - ومازلت اكافح

اشتريت هيونداي اكسنت مو 99 1500 cc

موتورها كان خفيف وبزودلها زيت وموتورها كان بيرزع خفيف عالغيار الاولاني وكانت بتسخن وبتنقط زيت عالارض

ابن عمتي خدها مشوار المطار بقت بترزع بالجامد

عملت عمرة كاملة

لينت عالواقف شوية حلوين

الميكانيكي قالي مش شرط تقعد تمشي براحة وكلام من ده , خد راحتك بيها واجري بمزاجك

الميكانيكي قالي هنبقي نغير الزيت بعد الف كيلو

بعد العمرة , العربية بتسخن والتاكيهات ليها صوت وبتنقط زيت عالارض

الميكانيكي قالي , لازم نغير عمود التاكيهات , هو شعال زي الفل بس مشكلته الوحيدة الصوت

الحرارة انا مسبتهاش , قالي غير مروحة , غيرت المروحة , برضه بتسخن

قالي سربنتيينة التكييف مسدودة , فكينا السربنتينة وضاع شحن التكييف فريون

خدت العربية وجريت , برضه بتسخن

ركبنا السربنتينة تاني , روحت اشحن فريون ...بتاع التكييف قالي لا , الكومبروسور بايظ ومشحنلكش عالوضع ده ... روح اشتريلك كومبرسور استيراد .

ماشي , رجعت للميكانيكي يابا لسة بتسخن ...قالي اه ...عليك وعالرادياتير

روحت لبتاع الراديتاير ...فعلا كان مسدود سدة هباب , سلكهولي ونضفه

الحرارة ضاعت

سافرت راس البر بأهلي

مية مية , مفيش اي مشاكل

بعد لف السنين , عامل انا كدة 800 كيلو , وقول 200 قبل العمرة ,يبقي معاد تغيير الزيت جه وانا لسة مغيرتوش وكنت حاطط زيت تعبان , تعاون

انهاردة بقي , ضربت مشوار من حلوان للمعادي صباحا , مفيش مشاكل

مشوار من المعادي لمدينة نصر مسأا , مفيش مشكلة

مشوار من مدينة نصر وانا راجع لحلوان , تهت في السكة والطريق طول مني وكنت محمل العربية جامد ,
والطريق كان قاسي شوية , منحنيات كتير ومطالع كباري وزحمة .

سخنت مني مرتين .

انا مغير كاويتشين لاسا تركي قدام


اريد حلا .

الملخص :

حرارة
زيت بينقط عالارض
تاكيهات