الموضوع: النترا 2008 - سيراتو - اربي -معضله السعر مقابل القيمه - نصائحكم مطلبوه

المشاركة الأصلية كتبت بواسطة AHMED_DINAMO

النترا وحاول تنزل السعر شويه عشان العداد
بعدها لو زيرو يبئا سيراتو بعدها ال rb

ان شاء الله دا اللي هيحصل ساعه الفحص الشامل والدقيق هحاول اهز السعر شويه لأي غلطه محتمله ممكن الاقيها

المشاركة الأصلية كتبت بواسطة beshomilan

طب مافى سيراتو دلوقتى بحالات ممتازة وب 85 الف او 90 وموجودين فكل مكان والعداد فحدود 75 الف وفابريكة
وفيه اكسنت ار بى بنفس سعر السيراتو والحاله
وكذلك الالنترا موجود حالات ممتازة بعداد قليل بنفس السعر
سيبك من جارك ومن عربيته وبص لمصلحتك..اى عربيه هتاخدها يبقى تجيب حد فاهم او تكشف فى التوكيل
اى كلا م تانى زى انى عارف العربيه وحافظها معلش اعذرنى دى مش عربيتك يعنى مش متابعها بدقه يعنى لما تكون مش تحت البيت مركونه كذا يوم انت ممكن تفتكر انه مسافر بس الحقيقة انها ممكن تكون عند السمكرى..كلامى صح ولا لا؟؟

معاك حق طبعا ان فيه حاجات تانيه بعداد قليل
بس الحقيقه العربيع دي فعلا عارفها وكل يوم بعدي عليها .. وموضع انها فبريكه 100% دا متأكد منه جدا .

المشاركة الأصلية كتبت بواسطة haissam24h

150 الف كثير قوى والسعر مبالغ فيه
بتاعت صاحبى شاريها ب65 الف والعداد 105 الف
حاول تشوف النترا شكل تانى بس تكون حالتها الميكانيكه تمام وعدادها تمام مش مهم تكون رشه برة ولالا ديه سهله الاهم الميكانيكا بتاعتها تكون تمام التمام عشان مش تقرفك

لكن بالنسبه الاختيارات

فى حدود ال70 ارشحلك الاتى
تويوتا الشكل القديم كاعتماديه وابشن
متيسوبيشى لانسر 2007 و2006 و2008 1600 سى سى
النترا
سيراتو
ار بى
بروتون جن تو او بيروسونا تكون بعد السيراتو

هي ميكانيكتها وكل حاجه فيها كويسه وان شاء الله احاول اهز السعر الف ولا اتنين للعداد الكبير دا

المشاركة الأصلية كتبت بواسطة aymn6666

لو مستعمل امسك في الالنترا وكفايه انك عارف العربيه ودي حاجه كويسه جدا لان شراء المستعمل مجازفه كبيره لو العربيه مش معروفه
فرق السعر كبير والانترا عربيه محترمه وفيها كل متطلباتك
بنسبع لل150 الف كبلو داخل المدينه لا سفر يعني جارك بيسافر كتير ولا دي مشاوير داخل المدينه
الفرش سهل يتعمله تنظيف كيماوي او بالبخار في مكان محترم يرجه تاني فبريكه مع طقم جلد خلصت
مع طقم جنوط مع شويه اكسسورات حتلاقي عربيه مختلفه
انا انصحك دوس فيها

ان شاء الله هعمل كدا
هي عدادها كبير لان الراجل شغله اليومي بعيد - وهو كبير في السن وعاقل جدا ومحافظ عالعربيه اوي


----------
بارك الله فيك يا بشمهندس سمير علي الرد التفصيلي وان شاء الله اعمل بالنصيحه واحاول اخلص في الإلنترا

المشاركة الأصلية كتبت بواسطة تامر.محمد

خد الالنترا و لو السعر ما جابش دور على زيها بكيلو متر قليل

دي احسن حاجة ليك

ان شاء الله اخلص فيها
ولو ما حصلش نصيب يبقي القدر بيقولي خليك في الزيرو بقي .... لان بصراحه المستعمل لو مش عارفه علي ايديك اعتقد ممكن يطلع فيه عفريت .

المشاركة الأصلية كتبت بواسطة DEVILRIDER

النترا ١٥٠٠ كتير جدا انا اعرف واحد جاب ب ال ٧٠ فورد فوكاس ٢٠٠٧ ماشىة ١٠٠ و الله حرام فى الالنترا ماشية كل ده ٧٠ و لو عايز النترا ممكن تجيب بالسعر ده واحدة ماشية من ٨٠ ل ١٠٠ الف او تزود شوية و تجيب سيراتو مستعملة و اوتو كمان و فيها كماليات مش اول فئة و الله شوفت سوبارو امبرىزا ماشية فى حدود ١٠٠ كانت ب ٧٥ اكن الالنترا ديه راىى بلاش و الربى مش حلوة و السىراتو متتجابش غير فئة تانىة او تالتة

الكلام دا حلو اوي
بس للأسف انا من الزقازيق وحاجه الفوكس او الإمبريزا او حاجه تانيه من الحاجات المحترمه الغير منتشره دي هتتعبني في قطع غيارها وصيانتها ... وزي ما حضرتك شوفت اهم حاجه عندي الإعتماديه وتوافر قطع الغيار


ان شاء الله تعالي افحص العربيه فحص دقيق جدا - واحاول اهز السعر شويه تاني علشان العداد العالي دا
ولو محلش نصيب لاي سبب يبقي اخليني في الزيرو بقي وبلاش مستعمل انا مش عارفه ممكن يتعبني مستقبلا

الف شكر لمشاركات حضراتكم جميعا وربنا يبارك فيكم

المشاركة الأصلية كتبت بواسطة egyptodentist

اولا اللف مليون مبروك و يديك خيرها و يكفيك شرها.....
ثانيا:::الصوت ده يا باشا ممكن يكون حاجة من 3:::::
1-ترس البنديكس(ده الترس اللي بيكون راكب في المارش وده مش غالي)
2- ممكن يكون ترس الفولام volam وده مشكلة لانه بيحتاج ينزل الفتيس عشان يتغير بس هوا مش غالي
3-ممكن يكون المارش مش مضبوط في مكانه نتيجة ان المسامير هويت من الزمن وده مستبعد شوية
علي العموم شوف المارش الاول وان شاء الله حاجة بسيطة

كلامك صحيح ,فعلا المشكله كانت من ترس البندكس
وروحت غيرته النهارده
الأسعار : 60 جنيه ترس جديد صناعه هندي
ومصنعيه : 40 جنيه
وماشاء الله العربيه بقت تلقط من أول لدعه

المشاركة الأصلية كتبت بواسطة abogharib

انا رائيى تزود على ال 70 الف كمان 15 او 20 الف و تشوف سيراتو 2010 او 2011 و ماشيه كيلو متر مش هتلاقيه معدى ال 75 الف و فيها كماليات و ابشن اكتر من الانترا بكتييييييييير خش على كونتكت كار و هتلاقى سيراتو اشكال و الوان للبيع

الحمد لله اشتريت الإلنترا خلاص ... ونصيحتك فعلا كويسه .بس انا اشتريت علي قد فلوسي بدون ما أدين نفسي .. وربنا يكرم ونغيرها بزيو خلال سنوات قلائل

المشاركة الأصلية كتبت بواسطة mohamed_mesho3

يا باشا انا بايع عربيتى الاوبترا من كام شهر ب 75000 و كانت موديل 2010 و عدادها 60000 و فيها حتت برا راشة , بس العربية كانت حالتها ممتازة ,, عموما كتير اوى المبلغ دا على العداد دا ,, و الزيرو زيرو خليك فى السيراتو

هو فعلا نصيب .. والحمد لله العربيه رائعه بجد وبرا وجوه بمعني الكلمه :)

المشاركة الأصلية كتبت بواسطة bob12345

الف مبروك ياباشا انا عربيتي 2008 ماشية 185 الف
و العربية زي الفل غير زيتك في معاده و اي حاجة تظهر فيها صلحها غلي طول و هتعيش معاك لل 500 الف :)

ماشاء الله .. انا عدادي النهارده قفل الـ 153 الف :)
ربنا يبارك لينا ويستر طريقنا لنا يا جماعه

انا هعمل موضوع بقسم الإكسسوارات لترويس العربيه ياريت تبقوا تشاركوني هناك بنصائحكم

تحياتي واحترامي لكم جميعا