عرض للطباعة
من غير ما اطول عليكم انهارده روحت لواحد بتاع راداتير وغيرت الغطاء قولت يمكن منه والراجل فك الراداتير مفهواش اى حاجه خالص فتح غطاء الزيت لقى الزيت لونه طحينى قالى كده عندك جوان علشان الميه داخله على الزيت وروحت للميكانيكىى قالى نفس الكلام انا عاوز اعرف حد عمل الجون قبل كده ويتكلف كام ومين وعند مين
ولما عرفت الحوار ده فمن الصبح وانا مخنوق:oops1:
نصيحة اعمله في التوكيل اديك عرفت السبب وانما متخليش اي حد ميفهمش يلعب في العربية
مش تكلفه ولا حاجه هتروح لميكانيكى بيفهم بس
هيفك نص الماتور الى فوق
ويشوف عاوز يتخرط ولالا والخرط هيتكلف بتاع 170 الى 200 لو غالى الخراط تمام
هيديك الجوان
تنزل تجيبه من اى محل قطع غيار بس ياريت لو تجيبه اصلى مش تقليد ومش هتلاقيه غالى
تمام
جركن زيت وفلتر والمصنعيه بتاعت الميكانينكى من 200 الى 250 مده العمل بالكثير يوم او 2 لان الفك متعب شويه عشان هيفك النص الى فوق عشان يطلع الجوان
ده معرفتى بالجوان بيتعمل ازاى
واعتقد ماتورالسيراتو قريب من الالنترا
يعنى نفس النص المقرف الى هيتفك فوق هو هو
وبعد ما تخلص
يومين او 5 ترجعله تانى يقرط على المسامير عشان تكون طبعت معا الجوان ومش يحصل تسريب تانى
الحمد لله انك عرفت السبب , انا كنت قلت لحضرتك فى مشاركة قبل دى اسحب مقياس الزيت و شوف لونه
متقلقش الموضوع سهل اهم حاجه انك تجيب الجوان من التوكيل عشان اى حاجه غير الاصلى بالذات جوان وش السلندر هيضرب تانى و بدون سبب
هتروح لحد بيفهم بيفك النص العلوى للمحرك يعنى بيكشف وش السلندرات و بتكون باينه قدامك بيكحت الجوان القديم لانه بيكون لزق من الحرارة و بينضف مكانه كويس جدا لازم يخلى السطح اللى بيبات فيه الجوان مستوى و نضيف جدا عشان اى حته عاليه او واطيه بتسسب فى دخول الياه على الزيت لان وظيفه الجوان ده اصلا انه هو الحد الفاصل بين المياه و الزيت فلما بيضرب بتتسرب المياه للداخل و بتمتزج بالزيت و بيحصل الطحينه
بعد كده بيصفى الطحينه دى و بيركب الجوان و يقفل و بيحط 3 كيلو زيت من الرخيص و يدور العربية كذا ساعه عشان الزيت الجديد يلم و يغسل رواسب الطحينه المتبقيه جوا المحرك و ينزله
خليه يكرر الموضوع ده 3 مرات لو امكن عشان تضمن تنظيف كامل للمحرك من الداخل هيقولك ياباشا كفايه مره قله انا اللى بشترى الزيت هو يحط و يدور وبس و يصفيه
بعد كده هتجيب الزيت بقى اللى انت عاوز تحطه اصلا و تجيب معاه فلتر جديد عشان الفلتر باظ و اتوسخ جامد طبعا من اللى حصل ده
هيحط الزيت و الفلتر و يقفل و تمشى بالعربية اسبوع كأنك فى فتره التليين بدون قرص و ترجعله تانه يقرط على المسامير اللى ماسكه الجوان هو بيسيب فيها خلوص عشان الجوان يطبع فى مكانه صح وخلاص كده :)
لازم تعمل الحوار ده فى اقرب وقت عشان الزيت اصلا كده فاقد خواصه و المياه ممزوجه بيه يعنى كثافته بقت اتقل و ده بيسبب حمل على طرمبه الزيت و ممكن تضرب هيا كمان و العربية بتسخن عشان المياه بتروح على الزيت مش فى المسار الطبيعى ليها فمش بتبرد المحرك , لازم يتغير فى اسرع وقت و ياريت تركنها و توديها متشاله و متسقهاش و هيا كده
يا باشا الف الف شكر على المعلومات اللى اول مرة اعرفها والسؤال بقلى اجيب الجوان منين يعنى فين اقرب توكيل لكيا فى وسط البلد او فى الهرم وفيصل او موزع معتمد وشكرا مرة تانىاقتباس:
المشاركة الأصلية كتبت بواسطة temo85
تمام كلامك لانه قالى انه نفس ماتور الالنترا ونفس حاجته وقالى كمان حتلى الفلتر بتاع الزيت واحد وقالى انا اشتغلة فيه كتير قبل كده ومتشكر على الافادهاقتباس:
المشاركة الأصلية كتبت بواسطة haissam24h
العفو ياباشا اى خدمهاقتباس:
المشاركة الأصلية كتبت بواسطة sewefy
فى فرع روكسى و فى فرع ابو رواش و فى فرع القطامية كلهم eit وكيل كيــا
و الله مشاركات محترمه و 100%
و كلام يتدرس فى افضل مكان .
انته اخبرك ايه وعاوزين نشوفك تانى بس افضى من صيانة العربيه ونتقابل ان شاء الله وفعلا مشاركات ممتازه وكفاية انها تعرف الواحد اية الصح وايه الغلطاقتباس:
المشاركة الأصلية كتبت بواسطة moha4tec
ربنا يكرمك و تخلص عربيتك على خير باذن الله .
و اكيد فى اقرب فرصه نتقابل باذن الله
ربنا يوفقك ووتعملها وتخلص بصراحه حاجه زي كده بتزعل ربنا معاك
نصيحه لوجه الله
لو الوش قفع بلاش تخرطو وهات واحد جديد او استيراد وريح نفسك
لأنك لو خرطت الوش هتلاقى العربيه اتعفرتت ومش هترجع زى الاول
ده الكلام ده عن تجربه
ان شاء الله رايح بكرة وابقى اقلكم ايه اللى تم وانا مش زعلان انا هولع من الغيظ حاجه تحنق اوى لما تبقى العربيه فى حاجه بس اهم حاجه انى عرفت المشكله فيناقتباس:
المشاركة الأصلية كتبت بواسطة hmada9009_99
معلش يا باشا انشغلت عنك الفترة اللى فاتت ابقى كلمنى ونتابع مع بعض
اخر الاخبار اه ؟؟؟
وصلت لفان ؟؟
الحمد لله العملية تمت ولسه جاى من عند الميكانيكى دلوقت طبعا وانا من الصبح عنده بس الحقيقه انه ميكانيكى فاهم وده كان كويس بس عزاب فى الفك وعزابين فى التركيب شغل الماتور ده فعلا معقد بس لاحظت بعد ما خلاصنا صوت المكنه عالى شوية وهوه قال لسه ما طبعش والحاجه التانيه سحب العربيه فرق كتير بتجمع اسرع كان فيه رجه جامده على d < n دلوقت بسيطه خالص لا تزكر ولسه كمان يومين هشوف الميه هزودها تانى ولاه ايه والتكلفه طبعا حوالى 500 ج ب الزيت كمان علشان انا كونت شارى الفلتر والبوجات قبل كده والحمد لله هجرب بس موضوع الميه واقولكم وبشكر بجد كل المشركات اللى بجد انا استفدت كتير منها وعلشان كده بقولك اللى عنده اى موضوع يتكلم فيه او مشكله يقول وحلها ايه لكل الاعضاء يستفيدوااقتباس:
المشاركة الأصلية كتبت بواسطة moha4tec
تسلم يا كبير و الف شكر على المعلومات الجميله و الحمد لله ان المشكله اتحلت بخير
ال 500 جنيه .دى مصنعيه و الا داخل فيها قطع غيا
و غيرت اه بالظبط كده و التكلفه
و ابقى طمنا كمان كام يوم كده اخبار العربيه اه
حاول تمشى بيها بالراحه و متقرصش عليها خالص
جوان ب 70 ج + خراط 45 ج + زيت شيل 120ج +250ج مصنيه وانا كونت جايب فلتر الزيت والبوجيهات قبل كده وبس ده كل اللى تم انا قولت انا اجيب الحاجات كلها اضمناقتباس:
المشاركة الأصلية كتبت بواسطة moha4tec
الحمد لله ان الشغل اتعمل تمام
لكن كنت عايز اعرف السبب ان العربيه تجيب جوان بالسرعه ي لازم تكون سخنت
اتاكدت ان السبب اللي خلي العربيه تجيب جوان انتهي
الباشا واكبر نملر فى النمور السراتوايه وبجد ليك وحشه وعاوزين نتجمع تانى ان شاء اللهاقتباس:
المشاركة الأصلية كتبت بواسطة ابو ليلى
جوان ٧٠ جنيه انا جايب الجوان الاصلي في لانوس ١٥٠ جنيه-خراط كان ١٥٠ علشان فك وتركيب صبابات-٢٥٠ مصنعيه برضه بس انا دفعت ٢٠٠ بس-بحب افاصلاقتباس:
المشاركة الأصلية كتبت بواسطة sewefy
والله اسعار ممتازه في السيراتو
بصراحة موضوع محترم وأنا استفدت كتير منه