الموضوع: محتاج مساعدة فى شراء سوبرصالون ...

المشاركة الأصلية كتبت بواسطة a_bahaa14

ايه المشكله لو عرض السعر 112000 جنيه وتزود المقدمه با12000 جنيه الباقى

عرض السعر ده مش عشان المقدم ...

عرض السعر انا عايزه عشان الشركة بتاعتى محددة انى اشترى عربية سعرها لا يتجاوز ال 100 الف .. وده كان سعر النيسان الاوتو العادية ... لكن لما زادت 2000 جنيه ... هنا ظهرت المشكلة ...

عشان كدا انا محتاج العرض يكون ب 100 فقط ... مش شرط يكتب المواصفات بتاعت العربية غير انها نيسان صنى والموديل بتاع السنة ... والبنك عارف الموضوع ...

المشاركة الأصلية كتبت بواسطة zekuso

اذا كانت السييارة ب 112 الف ازى هو حيطلع عرض ب 100 فقط استحالة طبعا انت ممكن تاخد العرض ب 112 و تعلى المقدم زى منت عابز و البنك يموال الباقى

حاليا انا مش بتكلم فى مقدم خالص .... العربية كاش ... شيك جزء وجزء كاش .

االمعرض عادى بيطلع العرض السعر بالعربية ... وبالسعر اللى انت عايزه طالما ان الفرق مش 40 الف مثلا .. لدرجة انى كنت جبت عرض سعر لالنترا ب 100 ...

ارجو انى اكون وضحت الفكرة ... ؟؟؟؟

المشاركة الأصلية كتبت بواسطة gadoo30

انا شغال فى الائتمان المفروض عرض السعر يكون ب 112 و انت تدفع المقدم اللى انت عايزةبما لا يقل عن الحد الادنى المطلوب من البنك
انت كدة بتعمل مشكلة مع البنك على الفاضى علما بانك ممكن تدفع مقدم زى ما انت عايز ان شا الله 90 %

البنك كدا كدا .. عارف الموضوع وفاهم اللى بيحصل كله .. لانه هيدفع حوالى 84 الف ... والباقى انا هدفعه كاش ....

لكن فاتورة البيع اللى بتروح للتامينات بتكون بسعر العربية الرسمى طبعا والصح ... لانها هتعمل حظر بيع على العربية فلازم تكون التامينات مظبوطه كمان ...

حضرتك فهمنى ؟؟؟

المشاركة الأصلية كتبت بواسطة waleed mohamme

كلام الاعضاء صحيح انك تدفع الفرق فى البنك و متلخبطش نفسك بس لو انت عايز تعمل كدة ما فيش غير حل واحد علشان المعرض مش ممكن يطلعلك عرض سعر الا بسعر العربية الرسمى المحدد من شركة نيسان علشان دة مسؤلية عليهم
المهم الحل ممكن يكون كالاتى
صلى على النبى
1- روح المعرض واطلب عرض سعر على الصنى exهيديك عرض 102000واحجز العربية وادفع 1000 جنية ثمن الحجز
2-قدم العرض للبنك وخالى الورق يمشى عادى
3-روح المعرض بعد كدة واطلب تغير العربية من ex الى سوبر صالون التغير بيكون داخلى فى المعرض يعنى بنفس فاتورة الحجز الاولى
4-بعد ما يخلص الورق فى البنك وبياخد حوالى اسبوعين هيطلعلك الشيك حسب الحاجز مبلغ اللى انت محدده معاهم
5-بعد كدة مش هيفرق مع البنك نوع العربية ولا بكام اهم حاجة عندهم هو مبلغ الشيك اللى طلع من الائتمان حتى لو غيرت العربية من نوع الى نوع لان كل ده بيانات بيغيرها هو بسهولة بعد ما يروح معاك مندوب البنك الى المعرض وتستلم العربية اللى بتكون اصلا باسم البنك وما بتنقلش الملكية النهائية ليك الا بعد تسديد كل الاقساط
وربنا يوفقك
بس انا مش فاهم انت عايز تعمل كدة ليه نصيحة وفر على نفسك كل دة وذود المقدم فى البنك وريح دمغاك من الحورات دة كلها

فعلا عندك حق .. كلام الاعضاء صح فى حالة ان ده هيضر البنك ... و ده عشان اضحك على البنك ....

وكان بالفعل توكيل نيسان فى مدن القناة هيعمل لى عرض السعر ب 100 عادى للسوبرصالون ... بس المشكلة انه وقف التعامل مع البنك اللى اانا بتعامل معاه لللاسف ...

عليه افضل الصلاة والسلام ...

فعلا حل حضرتك هو الاقرب للصح ... بس بردوا هناك زيادة 2000 جنيه ... لو كان فضل سعرها زى ماهو مكانش حصل مشكلة ... بس فيه خطورة بردوا وهتخلينى اتاخر جامد ...


بالنسبة ان حضرتك عايز تعرف ليه هعمل كدا ....وبكرر لتانى مرة الموضوع ليس له اى ادنى علاقة مع البنك نهائيا ..

الموضوع ومافيه ... المفروض انى اجيب عربية لنفسى واشتغل بيها ... بالتالى لازم سعرها ميعديش ال 100 الف فى الشركة ... وهم موافقين على النيسان الاوتو ..... لكنها قريبة من السعر وكمان عادى ممكن تجيب عرض ليها ...

لكن بعد لما السوبرصالون ظهرت ..... لقيتها احلى ... ولما عرضت الموضوع على مندوب التسليم فى البنك ... قالى معندناش مشكلة ... اهم حاجة عرض السعر يكون ب 100 ... وكل حاجة هتمشى تمام ... بس كدا

رحت لاوتو ايجبت مدينة نصر .... ومرضاش انه يطلع عرض سعر ... فمشيت ...

بالصدفة قابلت واحد صاحبى ... وقالى ان واحد يعرفه عمل كدا مع اوتو ايجبت المهندسين ... بس كانت على الاوتو العادية .... وطلع عرض السعر بدون مشاكل ... وتم الموافقة عليها عادى جدا ...


سؤالى بقى ... حد يعرف اى حد من المبيعات فى اوتو ايجبت او السبع او مودرن ... عشان حتى اسالهم بالتليفون لانى بروح من الاسماعليية .... ؟؟؟؟ ولو حد يعرف اى حد من المبيعات يساله بردوا الدنيا تمشى ازاى ؟؟؟

شكرا ليكوا ...