ساعدونى يا ملا ك الاسكودا

**احمد عزت** · 10-07-2008 04:13 AM

انا معايا سيفيك والحمد لله راضى عن ادائها بس كنت عايز اجيب سيارة تانية فى حدود 100 الف جنية للمدام وابنى الكبير طبيب امتياز فى القصر العينى وانا ساكن فى اكتوبر....والمهم علشان لا اطيل عليكم انا كنت بدور فى عربيات كتير وكان يهمنى حاجات مهمة فى العربية :
اولها الامان يعنى عدد الايرباج وانظمة الفرامل وقضبان الحماية وصاج العربية تانى حاجة شكل العربية تالت حاجة التوكيل وكفائتة رابع حاجة اسعار قطع الغيار وخامسهم انها تبقى اتوماتيك واقلهم اهمية سعر اعادة البيع لانى بصراحة مش بشترى العربية للى هبيعهالة بعد كدة محدش ضامن عمرة.......المهم فى الرينج دة عجبنى اليارس الاتوماتيك الفول اوبشن ب 103 بس كان عندى تحفظ على شكلها شوية ودة طبعا مسألة اذواق وكمان الصاج عبارة عن هيكل من ورق الكرتون ...طبعا انا ببالغ بس حسيت ان مفيش غيرها......كانت عجبانى الماتريا بس كل اصحابى كرهونى فى شكلها........وكانت طبعا عجبانى مووووووووووووت الابيزا والكوردوبا....اتصلت بالتوكيل قاللى الابيزا خلصت وفى كام عربية كوردوبا بالوان معينة والسعر 105 مانيوال بس والشكل الجديد هينزل كمان شهر شهرين بس ب 115 تقريبا علشان التكنولوجيا الجديدة....بس من كام يوم شوفت الفابيا الجديدة فى الجرايد وبعد ما كلمت التوكيل نزلت توكيل المقطم واتفرجت عليها عجبتنى اوى وحسيت انها كأساسيات زى الابيزا بس طبعا الابيزا او الكوردوبا احلى فى الشكل الخارجى بكتير بس الفابيا اوسع شوية من الخلف....المهم دلوقتى بقيت محتار :
قلبى بيقولى فابيا شكل جديد ب 100 الف وموتور وعفشة المانى وبودى جامد والمفروض انها عربية تستحمل ومش مشكلة المانيوال او انى اشترى الكوردوبا ب 105 وخلاص بس شكل احلى ونفس الاساسيات
لكن عقلى بيقولى ضحى بالشكل واركب اليابانى وخليك مع الناس واركب اليارس واهى قطع متوفرة بالرغم انها وعلى مسئوليتى اغلى من الاوكتافيا A5 بس منتشرة فى كل حتة وسمعة تويتا زى الجنية وهتبقى اتوماتيك .......فمش عارف اعمل اة ساعدونى
نخلينا فى المتجرب واضحى بالشكل بالرغم انى مش مقتنع ومش مرتاح الصراحة
ولا اركب الشكل اللى مريحنى واللى مفروض انة مضمون ولا انا اللى مدى الفابيا والابيزا والكوردوبا اكتر من حقهم واليارس احسن ولا اة مش عارف
قربت اتجنن
واسف على الاطالة

**ramezelsafey** · 10-07-2008 03:03 PM

والله اى واحد ممكن يركب يابانى وجرب الالمانى هيحس بفرق كبير وفخامة الركوبة والامان ولو قارنت اليارس بالفابيا الجديدة اكتر حاجة ممكن تميز الفابيا الثبات انا رحت المقطم وركبت الفابيا واكيد انت شفت انها عربية مدمجة وصالونا افخم بكتير من اليارس

رأيى تشتريها وتتوكل على الله

**Mustafa_Farouk** · 10-07-2008 03:13 PM

وجهت نظري، تاخد المدام وابنك وتروح تتفرج على الفابيا والكوردبا وتقرر مع بعض.
أنا لو حشتري، حشتري سكودا أو سيات.

**mohamed ibiza** · 10-07-2008 03:22 PM

سواء سيات او سكودا الاتنين ممتازين اختار الاريح بالنسبة ليك و و في فرق السما و الارض بين (الابيز او الفابيا)و (الياريس) هتلاقي فرق ثبات رهيييييييييييييييب لان الياريس ثباتها متوسط لان وزنها خفيف اما الابيزا و الفابيا هتلاقي ثباتهم تحفه لحد اخر العداد و لو انت حابب الكوردوبا هاتها عربية ممتازة لا غبار عليها من اي ناحية و اعتمادية الالماني لا تقارن بالياباني الالماني اعلي كتييييييييييييييييييييييي ير و افخم و اكثر امانا و اعتمادية و انت مش مدي الفابيا و الابيزا اكتر من حقهم انت مديهم اقل من حقهم :):) جرب الاول و اسأل و شعورك هيتأكد و انا رأيي انا اركب العربية اللي انا عايزها مش اركب العربية اللي الناس تعوزها لما اجي ابيع عيش حياتك و اركب الالماني بس هيعملك مشكلة انك مش هتعرف تركب غيره بعد كده هههههههه و لو ركبت سيات تحديدا يبقي انت دخلت الوكر برجليك:)

**SaNisSro** · 11-07-2008 07:12 AM

اولا احب ابتدي بسؤال عن مدى متطلبات المدام من العربية ...لان ده موضوع مهم جدا لان حضرتك بتسأل على مواصفات كلها مهمة لاي شب روش بيحب يجري ويهمه موضوع الثبات لكن معتقدش ان الموضوع ده بيستهوي النساء لان سرعتهم بالكتير 80 وبيخافو..بالنسبة للفرق بين الكوردوبا او الابيزا هاتش باك فهناك فرق بينها وبين الفابيا الجديدة لان الفابيا نازلة بموتور ينواحد منهم 1400 والتاني 1600 مما يجعلها تتفوق على الابيزا التي تمتلك موتور 1400 85 حصان...اما الفرق بين الاثنين في الثبات والقوة والصلابة فان فابيا الجديدة تتفوق على الابيزا او القرطبة الاتنين واحد في الوزن اتقل.... وكمان في عدد نقاط منظمة ال NCAP لان فابيا حصلت على 32 نقطة مقابل 26 نقطة للابيزا

ودي لنكات اختبارات التصادم العالمية

سكودا
http://www.euroncap.com/tests/skoda_fabia_2007/293.aspx

سيات 2002
http://www.euroncap.com/tests/seat_ibiza_2002/144.aspx

حتلاقي في الموقع كمان سيات 2008 وده الشكل الي لسة منزلش وهوة متفوق على الفابيا بفارق 2 نقطة انما 2002 هية 2008 عندنا في مصر

ودي الياريس

http://www.euroncap.com/tests/toyota_yaris_2005/246.aspx

جايبة 35 نقطة مما يجعلها تتفوق على الاثنين فقط في التصادم..... لكن في الثبات في المنعطفات والمناورة فده للالمان سكودا وسيات...
اما بالنسبة للصيانة وتوافر قطع الغيار حقلك بالترتيب من الاحسن للاسوأ
تويوتا
سيات
سكودا ودي سئ جدا

**احمد عزت** · 13-07-2008 04:36 PM

شكرا ياجماعة على ردودكم الرائعة وبجد انا فخور انى واحد منكم.....وعموما انا استخرت الله وهدانى الى يارس اتوماتيك فول اوبشن.....يمكن اكون كنت شايف الابيزا او الفابيا احسن من حيث الشكل لكن فضلت الاتوماتيك لكن الابيزا الاتوماتيك مش موجودة والفابيا الاتوماتيك 1600 ب 125 والسعر كان غالى علية .....والحمد لله على اى شئ