مش قادر احدد اوى لان البرجله دى يا سبيد سنسور يا طلمه يا كويلات بس لو كويلات كانت هتستمر على طول ..........
طيب اكشف على الكويلات بالمرة وكمان جرب افصل البطاريه 5 دقائق ووصلها تانى يمكن خطا السبيد متشالش ولسه الكمبيوتر قاريه
رقم العضوية : 120023
تاريخ التسجيل : 05Feb2012
المشاركات : 291
النوع : ذكر
الاقامة : القاهرة
السيارة: رينو كليو 2003
السيارة[2]: رينو كليو 2003
دراجة بخارية: يوكوهاما
الحالة :
المشكلة دي محيراني وجابتلي اكتئاب.
من 4 شهور العربية كانت بتتبرجل فجأة، وأدوس بنزين ملاقيش سحب، وبعدها تلقط تاني وتشتغل عادي. وممكن تتبرجل وبعدين تبطل خالص، وتدور تاني لما استنى عليها شوية وادورها.
المهم رحت فرنش موتورز جسر السويس، وهناك كشفوا عالعربية وقالوا ان سبيد سينسور محتاج يتغير. غيرته السبيد سينسور والفيشة بتاعته،و العربية اشتغلت تمام لمدة شهر.
بعدها بشهر، حصلت المشكلة المشهورة بتاعت طلمبة البنزين وكانت الأعراض قريبة للمشكلة اللي فاتت، وغيرت القلب بواحد ماركة بوش، والمشكلة اتحلت
من شهرين، العربية بطلت، آجي أدور ماتدورش. وبعد ربع ساعة دارت. وديتها لعلي بتاع المقطم وكشفنا عليها هناك ملقيناش حاجة. خدت لفة بيها قمت لقيت البرجلة اشتغلت وبعدين بطلت. زقيناها لحد الورشة، وقمنا منضفين تانك البنزين بالكامل لإنه كان مليان رواسب وبقايا مية وهباب أسود. وكان فيه خطأ في كمبيوتر العربية مسحناه، والعربية اشتغلت كويس بعدها.
تاني يوم سافرت بيها المنصورة، ومن أول بنها لحد المنصورة استلمتني، تتبرجل ونا ماشي، أو تطفي وارجع ادورها. الأول بمعدل مرة كل نص ساعة لحد ما بقى مرة كل 5 دقايق. يوميها خدت المشوار في 4 ساعات ونص.
الغريبة ان تاني يوم الصبح العربية بقت زي الفل، بتدور كويس، ومفيش برجلة، وقضيت بيها مشاوير كتير، ورجعت بيها القاهرة وهي محملة تقيل، وكانت زي الفل!!!!!
من اسبوع، اتكررت نفس المشكلة. العربية ماشية عادي وفجأة تفصل لثواني وترجع تكمل طريقها. الفصلة دي لما بتزيد عن مدة معينة بلاقي الموتور فصل خالص ولازم اقفل الكونتاكت وافتحه تاني. ممكن يفتح من أول مرة. وممكن يقعد 5 دقايق على ما يفتح.
المشكلة دي محيراني ومخلياني مش واثق في العربية في المشاوير المهمة. رغم إنها كعربية كويسة جدا ومرتاح لثباتها عالطريق والكونترول عليها كويس واستهلاكها للبنزين جميل، لدرجة إني مش عارف بعد مابيعها ممكن أركب ايه تاني ميكونش كوري أو صيني.
أنا شاكك في السبيد سنسور وطرمبة البنزين. هل مكن يكون فيه سبب تاني وهل فيه طريقة اقدر احدد بيها المشكلة؟
رقم العضوية : 42140
تاريخ التسجيل : 08Jun2009
المشاركات : 1,761
النوع : ذكر
الاقامة : alex
السيارة: lanos 99
السيارة[2]: clio 1200L 2003
دراجة بخارية: لا يوجد
الحالة :
مش قادر احدد اوى لان البرجله دى يا سبيد سنسور يا طلمه يا كويلات بس لو كويلات كانت هتستمر على طول ..........
طيب اكشف على الكويلات بالمرة وكمان جرب افصل البطاريه 5 دقائق ووصلها تانى يمكن خطا السبيد متشالش ولسه الكمبيوتر قاريه
كن مطمئن جدا جدا ولا تفكر فى الامر كثيرا بل دع الامر لمن بيدة الامر
r_gamal1 سابقا
رقم العضوية : 5939
تاريخ التسجيل : 18Feb2008
المشاركات : 797
النوع : ذكر
الاقامة : Cairo
السيارة: Clio 04 1200L/Fo
السيارة[2]: Clio 05 1200L/Fo
دراجة بخارية: no
الحالة :
هو عالارجح ممكن يكون الكويل فيه مشكله او السلوك بتاعته بتهرب كهرباء
ياريت تراجع عليه
رقم العضوية : 120023
تاريخ التسجيل : 05Feb2012
المشاركات : 291
النوع : ذكر
الاقامة : القاهرة
السيارة: رينو كليو 2003
السيارة[2]: رينو كليو 2003
دراجة بخارية: يوكوهاما
الحالة :
حطينا العربية عالكمبيوتر وكان قاري حاجة تبع الكويلات
تم تنضيف سلوكه وتنضيف فيش الكمبيوتر وحساس الكرنك، ولسه باختبر العربية
المفضلات