ارجوكو افيددوني المياه بتروح فين.....

**semsea25** · 10-07-2008 06:06 AM

انا عنديسكودا فيليشيا
غسلت الدوره بتاعت التبريد وبعدها العربيه عملتلي غسيل مخ؟؟؟:arghh:
العربيه بتمشر 100/100
بس لما ارجع من مشوار يجي 90 كم الاقي المياه قلت حاجه بسيطه ولما آجي ادورها الصبح آلاقي القربه مافيهاش نقطه مياه ؟؟؟؟؟؟؟؟؟؟ازود حوالي 2 لتر
انا ملاحظ ان المياه رحيتها عادم بس مش مزيته ولا الزيت فيه طحينه المهم الميكانيكي قالي بوادر وش بس الغريب ان العربيه ما بسخنش ولافي اعراض وش السلندر رجعنا كل الوصلات مافيهاش حاجه و خارج طلمبه المياه كويسه
طب المياه بتروح فيننننننننننننننننننننننن نننننننننننننن هاتجنن يا عالم

========
تنبيه للعضو بعدم الكتابة باللون الأحمر، حيث أنه مخصص لمداخلات الإدارة
يرجى مراجعة قواعد المنتدى
وشكرا

**MMamdouh** · 10-07-2008 10:39 AM

لما بتكبس بنزين بتحس ان فيه نفخ فى مية التبريد؟

MMamdouh

**eldeplomasy** · 10-07-2008 05:52 PM

بعد كلام المهندسين مقدر اضيف غير تجربة واحد علشان تعرف هل في جيوان وش سلندر او لأ قالي افتح غطا الردياتير وخلي اي حد يدوسلك بنزين جامد لو لقيت الميه بتتشفط لجوه وبتنقص يبقى الجيوان تمام لكن لو لا قدر الله لقيت الميه بتطلع بره الردياتير يبقى جيوان تروح فورا تغيره وان شاء الله ميطلعش حاجه

**okmijn** · 10-07-2008 07:04 PM

انا واحد صاحبي عندة سكودا بردة وحصل معاة زي ماحصل معاك بس هو دخل في حورات ملهاش نهاية لحد دلوقتي وحصل كالاتي
بدءت معاة ان المياة كانت بتقل عادي وعادي بردة كان يزودها ميا
وبعدين لاقي الميا بتجيب طحينة وطحينة تقيلة اوي
راح للميكانيكي قالة انتة لازم تغير وش سلندر وجوان

ولازم تعمل عمرة للماتور

والموضوع دة اخد منة اسيوعين كاملين

وبيحسب ان المشكلة اتحلت وبقي العربية زي الفل
بعد كدة اكتشف بردة ان اليا لسة بتنقص

ويمكن ان العيب دة مشهور اوي في اسكودا وانتة مش اول واحد يحصل معاة المشكلة دي

وفي الاخر وليس الاخر

*******ربنا يهدي ياباشا*********

**semsea25** · 10-07-2008 11:20 PM

انا سعيد جدا بردكم عليا والمساعده
وانا حاعمل التجارب ديه وإن شاء الله يكون خير
ولا اراكم الله مكروها في سياره لديكم.....

**sab3aawy** · 12-07-2008 01:35 PM

هذة المشكلة تتكرر اسبوعيا على المنتدى، ودائما وابدا فيليشيا، ودائما وابدا الوش هو المتهم

فك الوش وابعته لخراط خليه يشوف محتاج مسح وللا لأ، محتاج مسح امسحه، مش محتاج مسح غير الجوانات وخلاص