| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 50

  1. #1

    الصورة الرمزية dandashx

    رقم العضوية : 120023

    تاريخ التسجيل : 05Feb2012

    المشاركات : 291

    النوع : ذكر

    الاقامة : القاهرة

    السيارة: رينو كليو 2003

    السيارة[2]: رينو كليو 2003

    دراجة بخارية: يوكوهاما

    الحالة : dandashx غير متواجد حالياً

    افتراضي تقريري عن جهاز - Spy 2-way Version 3 - Facebook Twitter whatsapp انشر الموضوع فى :

    بسم الله

    الجهاز فيه اختلافات بسيطة عن Spy 2-way 5000 أشهرها وأهمها إنه بيتشحن مش ببطارية.
    نقطة إضافية: الجهاز مصمم بخاصية الميكرويف سنسور، بمعنى إن الإنذار هيشتغل لما كائن حي يقرب من العربية مدة معينة بصورة مشبوهة من غير حتى مايخبطها. بس طبعاً كعادة مستوردين بلادنا، الأوبشن ده مش نازل مصر. (هي قطعة ملحقة صغيرة يمكن توصيلها مباشرة)
    الجهاز تجربتي معاه رائعة والحمد لله، والمدى مقبول جداً. لضمان الحصول على مدى جيد للريموت تأكد من ابعاد الإيريال عن الحواف المعدنية ب 10 سم على الأقل.

    صور الجهاز:
    الكرتونة من الخارج


    الخواص بالتفصيل


    دليل التركيب


    دليل المستخدم


    السارينة


    الوحدة الرئيسية


    الوحدة الرئيسية من زاوية أخرى


    الريموت الأول


    الريموت الثاني


    الوصلات


    شاحن العربية


    جهاز استشعار الصدمات (وبه مؤشر لدرجة الحساسية)


    وصلات مرفقة


    لمبة ليد زرقاء عند التابلوه


    الايريال الذي سيلصق على الزجاج لاستقبال وارسال الاشارة من وإلى الريموت




    دليل الاستخدام والمواصفات
    أول حاجة ده شرح بسيط للرموز اللي هاستخدمها في بقية الدليل:

    فتح: الزرار اليمين في الريموت من قدام (شكل قفل مفتوح)
    غلق: الزرار الشمال في الريموت من قدام (شكل قفل مقفول)
    صامت: الزرار اللي فوق في الريموت من جنب (شكل جرس عليه X)
    صوت: الزرار اللي في النص في الريموت من جنب (شكل جرس)
    شنطة: الزرار اللي تحت في الريموت من جنب (شكل شنطة عربية)

    أول زرارين دولا قدام الريموت في الوش، والتلاتة التانيين على الجنب اليمين، بينما الجنب الشمال فيه فتحة شحن الريموت

    نيجي بقى لتفاصيل الاستخدام الأساسية:
    1- ضغطة واحدة على زرار غلق: يقفل السنتر + يخلي الانذار في وضع الاستعداد + الأنوار الجانبية تنور ثانية + صوت السارينة (bi) يشتغل ثانية عشان يعرفك ان العربية اتعملها لوك.
    2- ضغطة واحدة على زرار صامت: يعمل بالضبط زي فوق. يعني يقفل العربية بس من غير مالصوت بتاع السارينة يطلع.
    3- ضغطة واحدة على زرار فتح: يفتح العربية بصوت(du du)، لو انت قفلتها بالطريقة رقم 1 أو يفتح العربية من غير صوت لو انت قفلتها بالطريقة 2. وفي الحالتين الاشارات الجانبية هتنور.

    4- ضغط مستمر لمدة ثانيتين على زرار غلق: يعمل بحث عن العربية بضوء الاشارات + صوت السارينة لمدة 10 ثواني.
    5- ضغط مستمر لمدة ثانيتين على زرار صامت: يعمل بحث عن العربية بضوء الاشارات بس من غير صوت السارينة لمدة 10 ثواني.
    6- لو انت شغلت بحث عن العربية، بيفضل يبحث 10 ثواني. لو لقيت العربية وحبيت توقف البحث دوس على أي زرار في الريموت.

    7- بعد 15 ثانية من تدوير العربية (سواء اتحركت بيها أو لأ)، أول ماتدوس فرامل السنتر بيقفل.
    8- بعد 15 ثانية من تدوير العربية (سواء اتحركت بيها أو لأ)، لو الباب مش مقفول كويس، العربية بتدي انزار بالصوت ان فيه باب مش مقفول.

    9- لو السنتر مقفول ودست زرار فتح. وخلال 25 ثانية محدش فتح باب العربية. السنتر هيقفل اوتوماتيك، على اعتبار إنك ممكن تكون دست الريموت بالغلط.
    10- طب افرض انك فتحت الباب وركبت. وقعدت 55 ثانية في العربية من غير ماتفتح كونتاكت أو تدوس فرامل، السنتر هيقفل تاني.

    11- لو سبت العربية وقفلتها بالريموت، وكنت ناسي باب مش مقفول كويس. بعد 10 ثواني العربية هتعمل صوت تنبيه. لو مخدتش بالك، بعد 15 ثانية هتعمل صوت تاني أطول، وهتلاقي الريموت في إيدك نور أصفر وعمل فيبريشن.

    12- الأنوار الجانبية بتنور لما الباب ميكونش مقفول كويس. طب عايز تلفي الخاصية دي؟؟؟ دوس زرار فتح في الريموت لمدة ثانيتين، هتلاقي الريموت عمل صفارة مرتين معناها الخاصية اتلغت. لو عايز ترجعها تاني، دوس زرار فتح لمدة ثانيتين مرة كمان.
    13- عايز تنور الريموت عشان تشوفه بالليل. دوس زرار غلق + زرار صامت في نفس الوقت. هتشتغل إضاءة خلفية خضرا في الريموت.

    14- لو طفيت العربية ونزلت منها، في خلال 10 ثواني لو مقفلتش السنتر: العربية هتعمل صوت يفكرك، وهتلاقي الريموت كمان عمل صوت. لو قعدت دقيقة مقفلتش العربية برضو، العربية هتقفل نفسها اوتوماتيك (بشرط تشغيل خاصية auto-arm).
    15- بديهي إن الإنذار هيرفعلك الإزاز اوتوماتيك مع عملية الغلق (وحدة الرفع مطلوبة).

    16- عايز تقفل العربية بس من غير تشغيل الانذار (مثلاً في المغسلة). افتح الكونتاكت بعدين دوس زرار غلق لمدة 3 ثواني متصلة وشيل ايدك بعدين دوس عليه مرة واحدة كمان. في الحالة دي انت عملت تعطيل لخاصية الانذار بحيث انه ميشتغلش لما تقفل السنتر. عايز تلغي اللي فات؟؟؟؟ افتح الكونتاكت بعدين دوس على زرار غلق لمدة ثانيتين.

    17- لو دست على اي زرار في الريموت، والإشارة مش واصلة العربية، الريموت هيعمل صوت موسيقى للتنبيه إن المسافة بعيدة.

    18- جبت ريموت تاني بشاشة وعايز تبرمجه على نفس الانذار، دوس على زرار code learning في الوحدة الرئيسية للإنذار. بعدين دوس على اي زرار في الريموت الاصلي، هتلاقي شاشته بقت أصفر. بعدها دوس على اي زرار في الريموت الجديد.

    19- جهاز حساس الصدمة فيه مؤشر لضبط حساسيته تجاه الصوت والاهتزازات.

    20- الشحن الكامل للبطارية ياخد 1.5 ساعة من شاحن العربية.
    21- عمر البطارية بعد شحنها يزيد على شهرين (وبرضو حسب الاستخدام)
    22- شحن البطارية في نهاية مدتها لما بيخلص بيخلص فجأة. يعني لو الريموت اداك انذار ان بطاريته ضعيغفة، واستنيت عليه من بالليل للصبح، ممكن تصحى الصبح تلاقي الريموت فاصل ومش بينطق. النصيحة، أول مالريموت يقولك عايز اشتحن اشحنه.

    23- اطفاء الريموت: اضغط زرار فتح لمدة 7 ثواني.
    24- تشغيل الريموت: اضغط زرار فتح لمدة ثانيتين.

    25- خاصية Auto-Arm أي غلق السنتر اوتوماتيك بعد النزول من السيارة. ممكن تشغيلها او اطفاءها من قائمة Settings الريموت.
    26- للدخول لقائمة Settings اضغط زرار فتح + زرار غلق في نفس الوقت لمدة ثانيتين. بع ذلك استخدم زرار غلق للتنقل داخل القائمة، وزرار فتح لتعديل القيم المطلوبة.

    27- لو انذار العربية اشتغل وانت مش موجود، بعد ماتيجي للعربية هتلاقي اللمبة الزرقة بتنور متواصل عشان تعرفك. والعربية هتعمل صوت du مرتين او اربع مرات حسب خطورة الانذار (يعني خبطة عادية أو حد حاول يفتح الباب)

    28- انذار الطواريء (متواصل): يشتغل في الحالات دي: حد فتح الباب بالمفتاح أو بأي وسيلة - حد داس دواسة الفرامل - الكونتاكت اتفتح بالمفتاح - الكونتاكت اتفتح بتوصيلة. الانذار ده بيفصل موتور العربية للتأمين وبيشتغل على مرحلتين، أول مرحلة 30 ثانية، بعدها 4 دقايق، بعدها بدون انقطاع. حسب تكرار الحالات السابقة.

    29- زرار غلق أو زرار صامت: ضغطة واحدة لإسكات صوت الإنذار.
    30- في حالة عطل الريموت أو فقدانه: افتح الباب بالمفتاح، هيشتغل إنذار الطواريء. دوس دواسة الفرامل. ثم افتح الكونتاكت واقفله 10 مرات. في الحالة دي هيسكت صوت الانذار.

    31- زرار الشنطة: لمدة ثانيتين يفتح الشنطة. ويمكن فتح الشنطة بتركيب ريلاي واستخدام اكواد أخرى مثل زرار الشنطة مع زرار الصامت على سبيل المثال.

    32- إنذار الخطف (والعربية دايرة ماشية او واقفة): اضغط لمدة ثانيتين أو أكثر على زر صامت. كل أنوار العربية هتشتغل، وصوت السارينة هيشتغل متواصل بأعلى صوت، ثم بعد 20 ثانية هيتم فصل الموتور. للإلغاء اضغط زرار فتح.

    وما توفيقي إلا بالله


  2. #2

    الصورة الرمزية Mohamed Elnagar

    رقم العضوية : 121638

    تاريخ التسجيل : 11Mar2012

    المشاركات : 277

    النوع : ذكر

    الاقامة : cairo

    السيارة: corrolla h. L. 2014

    السيارة[2]: Corolla h. L. 2013

    دراجة بخارية: لا يوجد

    الحالة : Mohamed Elnagar غير متواجد حالياً

    افتراضي -

    الف مبروك عليك
    بعد اذنك انت جبته منين وبكام ؟


  3. #3

    الصورة الرمزية midooo_119

    رقم العضوية : 37309

    تاريخ التسجيل : 05Apr2009

    المشاركات : 4,099

    النوع : ذكر

    الاقامة : New Cairo

    السيارة: Geely Emgrand7

    السيارة[2]: Daewoo Nubira06 II SX

    دراجة بخارية: no

    الحالة : midooo_119 غير متواجد حالياً

    افتراضي -

    ماشاء الله تقرير جميل و مفصل الف مبروك ياباشا

    [img3]http://im77.gulfup.com/mVDw3c.png[/img3]


  4. #4

    الصورة الرمزية ggaamm

    رقم العضوية : 80934

    تاريخ التسجيل : 23Sep2010

    المشاركات : 644

    النوع : ذكر

    الاقامة : Sohag

    السيارة: verna

    السيارة[2]: mazda 323 & fiat ritmo

    دراجة بخارية: لع

    الحالة : ggaamm غير متواجد حالياً

    افتراضي -

    جميل جداً .. تقرير فوق الممتاز

    بس يريت تقولنا تمن الجهاز وهل فيه امكانية تشغيل الموتور ولا لأ

    وألف مبروك عليك


  5. #5

    الصورة الرمزية momo44

    رقم العضوية : 4009

    تاريخ التسجيل : 07Jan2008

    المشاركات : 3,192

    النوع : ذكر

    الاقامة : القاهرة

    السيارة: يا مسهل الحال يا رب

    السيارة[2]: mirage

    دراجة بخارية: cfmoto-jetmax 250

    الحالة : momo44 غير متواجد حالياً

    افتراضي -

    اقتباس المشاركة الأصلية كتبت بواسطة ggaamm مشاهدة المشاركة
    جميل جداً .. تقرير فوق الممتاز

    بس يريت تقولنا تمن الجهاز وهل فيه امكانية تشغيل الموتور ولا لأ

    وألف مبروك عليك
    +1000000000000


  6. #6

    الصورة الرمزية ahmed_su

    رقم العضوية : 9524

    تاريخ التسجيل : 24Apr2008

    المشاركات : 6,381

    النوع : ذكر

    الاقامة : Cairo

    السيارة: Tempra_1996

    السيارة[2]: Cerato _2008_Auto

    دراجة بخارية: NO

    الحالة : ahmed_su غير متواجد حالياً

    افتراضي -

    مبروك عليك وشكرا على التقرير

    كده ما فيش اختلاف بينه وبين v1 الا فى وجود بطارية يعاد شحنها

    كل الباقى اوبشنز غير متوفر ملحقتها زى التانى وكمان ريموت واحد

    اللى بشاشة ...

    عموما الف مبروك مرة تانية - وياريت مكان وسعر الشراء

    Eng.Ahmed Ismail


    You Can't Never Ever to Keep a Nice Car in This Country....!!! S.O.S
    [sor2]http://www.wasit.net/alrowad/images/hit.gif[/sor2]

    كل شيء عن السيراتو

    _______________
    اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..


    اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..

    اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك


    ______________________
    [shfaf2]http://www7.0zz0.com/2011/11/29/23/575740455.gif[/shfaf2]


  7. #7

    الصورة الرمزية mero100

    رقم العضوية : 84819

    تاريخ التسجيل : 03Jan2011

    المشاركات : 1,988

    النوع : ذكر

    الاقامة : Cairo , Nasr city

    السيارة: not yet

    السيارة[2]: chevrolet lanos 2011

    دراجة بخارية: no

    الحالة : mero100 غير متواجد حالياً

    افتراضي -

    سؤال :
    خاصيه مانع الخطف .. حضرتك جربتها؟ و هل لها توصيل مخصوص؟

    [mtohg=#ff0000]http://nileup.com/up/uploads/nilemotors_13797137751.jpg[/mtohg]
    مع تحيتي
    عمرو ابراهيم


  8. #8

    الصورة الرمزية akmm

    رقم العضوية : 117583

    تاريخ التسجيل : 08Dec2011

    المشاركات : 7,798

    النوع : ذكر

    الاقامة : cairo

    السيارة: mercedes

    السيارة[2]: mazda

    دراجة بخارية: no

    الحالة : akmm غير متواجد حالياً

    افتراضي -

    الف مبروك .


  9. #9

    الصورة الرمزية eng_maged

    رقم العضوية : 56760

    تاريخ التسجيل : 24Dec2009

    المشاركات : 706

    النوع : ذكر

    الاقامة : 6October & Zag

    السيارة: Sirion 2010

    السيارة[2]: Honda City 09

    دراجة بخارية: -

    الحالة : eng_maged غير متواجد حالياً

    افتراضي -

    الف مبروك وممكن تشاركنا بالسعر

    [gdwl]سـبـحـــان اللـــه وبـحـمــــده .... سـبـحـــان اللــه العـظــيـــم[/gdwl]


  10. #10

    الصورة الرمزية broadband

    رقم العضوية : 93793

    تاريخ التسجيل : 07Apr2011

    المشاركات : 535

    النوع : ذكر

    الاقامة : cairo

    السيارة: Renault Megane 08

    السيارة[2]: Nubira II CDX

    دراجة بخارية: دراجة نارية

    الحالة : broadband غير متواجد حالياً

    افتراضي -

    ياريت السعر لانى عايز ضرورى اركبه و مكان اللى اشتريت منه و ركبهولك


    و مشكور على التقرير الرائع



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. طلب مساعدة فى امتحانات icdl version 5
    بواسطة eto_cairo في المنتدى المنتــــــدى الاجتمــاعى
    مشاركات: 1
    آخر مشاركة: 04-10-2011, 07:02 PM
  2. Mercedes-Benz SLS AMG US Version 2011
    بواسطة Mody_Benz في المنتدى مــــرسيدس
    مشاركات: 6
    آخر مشاركة: 04-12-2010, 05:57 PM
  3. Nokia X6 - or Symbian S60 version 5
    بواسطة venomixus في المنتدى المنتــــــدى الاجتمــاعى
    مشاركات: 0
    آخر مشاركة: 01-10-2010, 04:20 PM
  4. Evian Roller Babies international version
    بواسطة Col. Eng. Khaled في المنتدى المنتــــــدى الاجتمــاعى
    مشاركات: 1
    آخر مشاركة: 24-09-2009, 06:20 PM
  5. New Gen2 R3 Prototype Version !!!
    بواسطة cpt_shawky في المنتدى بــروتـــون
    مشاركات: 11
    آخر مشاركة: 30-04-2008, 11:09 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2