سحب العربيه ضعف جدا

**yaskhl** · 10-07-2008 09:28 AM

عربية شاهين 96 اسبراتير عادى سحبها ضعف جدا ورجه فى الغيار الرابع ولما بادوس على اى غيار بااحس ان العربية زى ماتكون هاتقطع او تبطل. تم الاتى ظبط تاكيهات . تغيير جوان الفرن . مراجعة الكهرباء دون تغيير طقم الكهرباء.حشو عصاية الفتيس. مع العلم انه تم تغيير طقم الدبرياج من شهر. وكمان ظبط الكربراتير من 3 شهور تقريبا.ولاحظت ان طلمبة البنزين بتجيب زيت بسيط من تحت والميكانيكى (قرط) عليها. اعمل ايه تانى؟ علشان اتخنقت من وقفه الميكانيكى وقلة الوقت. مع الشكر للمنتدى الجميل والاخوة الافاضل.
ملحوظة: انا كنت جربت استعمل بنزين 80 زى نصيحة الاخوة فى المنتدى للعربيات الشاهين(استعملت تقريبا 80 لتر). وبعدين رجعت تانى استعمل بنزين 90 بعد ما حصل اللى حصل.

**M!NA** · 10-07-2008 09:31 AM

البوجيهات اللي موجودة حاليا بقالها اد ايه وقت او كام كيلو؟

**eldeplomasy** · 10-07-2008 05:50 PM

غير فلتر البنزين لو كان بعد استعمال بنزين 80 نظرا لوجود رواسب كتيره في البنزين ده نظرا ايضا لقلة سعره ومحاولة تكريه الناس فيه بزيادة الرواسب فيه

**yaskhl** · 10-07-2008 06:21 PM

الفلتر نظيف وعموما هااغيره برضه بس اللى شاكك فيه طلمبة البنزين او طقم الكهرباء او الكربراتير ممكن يكون ليهم دخل فى الموضوع ده.

**shoudy2005** · 10-07-2008 07:54 PM

شوف طلكبة البنزين ممكن تكون ضعيفة

**yyy** · 11-07-2008 11:49 AM

العيب دة ممكن يكون من طقم الكهربة او عيب طرمبة البنزين
طالما انت مركب فلتر بنزين يبقى انسى الكربيراتير دلوقت
انت اول حاجة تغير الابلاتين والكوندسر ودة بيخلى العربية تقطع مرة واحدة كأنها
هاتطفى وبعدين ترجع عادى
والبوجيهات لو مش نوع نظيف غيرهم تانى
منفعش الكلام دة بص على طرمبة البنزين
وبعدين البنزين 80 تحطة عادى وسحبة حلو طالما العربية مظبوطة والبنزين90
مالوشلازمة يتحط 80 يا 92

**yaskhl** · 11-07-2008 06:08 PM

شكرا للاخوة وجارى تجربة النصائح

**sab3aawy** · 12-07-2008 12:45 PM

انا شايف ان مشكلتك بدأت مع استعمال بنزين 80، يبقى اول حاجة نفكر فيها الكاربراتير، استعمل منظف كاربراتير من اللى بيتحط على البنزين ، لو مجابش نتيجة جرب المنظف الاسبراى ، بس ده يحتاج الى خلفية ميكانيكية

لو تنضيف الكاربراتير مجابش معاك نتيجة ولا تغيير طقم الكهرباء ، جرب تغير مجموعة سلك البوجيهات

**yaskhl** · 12-07-2008 01:48 PM

شكرا لكل الاخوة على ردودهم ونصائحهم اللى انا عملت بيها
تم تغيير طقم الكهربا وفلتر البنزين وتنظيف فلتر الهوا والعربية احسن حالا فى السحب لكن موش زى الاول طبعا نقدر نقول السحب كويس بنسبة 80%.
سبعاوى باشا بالنسبة لتنظيف الكربراتير بالاسبراى هلى يحتاج ميكانيكى ولا افك العمة وابخ بختين جوة وبختين على البيكات من برة. وهل لازم تكون العربية باردة قبل التنظيف؟
مرة تانية 1000000000000000000000000 شكر لاصحاب فكرة المنتدى لكذا سبب اهمهم ان اللى ماعندوش فكرة او خبرة عن العربيات بيلاقى اصدقاء له يكلمهم ويفهم منهم بناء على خبرتهم وتجاربهم. وكمان اللى عنده خبرة بيأكد معلومات عنده وكمان بيصحح معلومات جايز كان فاهمها غلط.