حاول لو هتبص على ميجان تاخد معاك حد يكون عنده العربيه ديه و عارف خبياها، و لو شوفت انها نضيفه مبدأيا، تكشف فى التوكيل بعد كده عشان الكشف برضه مش رخيص و لازم بحجز قبليها بفتره (فى الغالب مش بتلاقى معاد فاضى فى التوكيل قبل 5 ايام) و تمنه حوالى 550 جم
عرض للطباعة
حاول لو هتبص على ميجان تاخد معاك حد يكون عنده العربيه ديه و عارف خبياها، و لو شوفت انها نضيفه مبدأيا، تكشف فى التوكيل بعد كده عشان الكشف برضه مش رخيص و لازم بحجز قبليها بفتره (فى الغالب مش بتلاقى معاد فاضى فى التوكيل قبل 5 ايام) و تمنه حوالى 550 جم
نصيحة لوجه الله بلاش مبدأ "العربية لو اساسيتها كويسة اشتريها واى حاجة بعد كده تتظيط" ... الميجان عربية محترمة جدا ولازم تشتريها من واحد يكون محافظ على كل صغيرة وكبيرة فيها ... ماعتقدش ان ممكن تلاقى واحدة كويسة بأقل من 58 او 59 الف ... وبردو كشف التوكيل اسااااااااسى زى ما الزملاء قالولك ، وربنا يوفقك
معلش حاول تضغط على نفسك و تكملهم 60 أو حتى تستلفهم أو تدخل جمعية بيهم
بس متشتريش حاجة مش مضمونة......علشان هتتعب.
معايا ميجان 2007 مانيوال فابريكو بس الجنب الشمال راشش و عداد مش كبير 76الف كم
بكلم في 60
الف الف شكر يا رجالة مش عارف اقولكو ايه على اهتمامكم
ان شاء الله نويت عليها وهبدأ رحلة البحث ، بس لو تقدرو تقولولى ايه الحاجات اللى ابص عليها واخد بالى منها .
الشرف ليا يا باشا وتحت امرك وربنا يوفقك
مبدئيا تتفرج على العربية من برا تبص على القوايم والعتب كويس بعد ما تتكلم مع صاحبها عن حالة العربية وكدا
تفتح و تقفل الأبواب وتشوف سلاستها فى الفتح والقفل وتشوف جلد الأبواب ولو إن دى حاجة مش مهمة لأنه وارد إنه يكون فيه حتت متقطعة مع الاستخدام
تشوف حالة فرش العربية من جوا وحالة التابلوه العامة مع عداد الكيلومترات مهو مش معقولة عربية ماشية قليل مثلا ويكون فرشها متبهدل جدا
تدور العربية لو هى أوتوماتيك وتلاحظ صوت المحرك على السلانسيه وخلى صاحبها يدوس بنزين جامد وشوف إنت العادم ورا
أبدأ هات الفتيس على d وشوف سلاسة العربية فى المشية فيه هبدة وإنت طالع ولا لأ دوس فى العربية و إمشى بيها على سرعات عالية لكن متقرصش جامد لأن طبيعى هتسمع صوت المحرك بيجعر
بسلاسة كدا أوصل لسرعة 120
أقف بالعربية وهات الفتيس على r وشوف هل فيه خبطة أو رزعة وإنت بتدى الغيار
وهل الشاشة بتكتبلك الغيار كويس سواء R أو n أو D أو P ظاهرين على الشاشة كويس ولا لأ
جرب الفرامل كويس فرامل ميجان كويسة جدا للعلم
جرب تشغل ا لكارت وتفتح وتقفل بيه العربية فيه 3 زرارير الأول من ورا بيقفل العربية من ضغطة واحدة ضغطتين ورا بعض بيقفل الباب مع رفع الزجاج كله شوف الزجاج كله وجربه من جوا من الزراير بتاعته كمان ضغطة واحدة على زرار الزجاج اللى جوا العربية بيطلع الزجاج وضغطة تنزله فيه ضغطة تانى تحت الضغطة دى بترفع الزجاج مرة واحدة أوتو
بالنسبة للزرار اللى فى الكارت اللى فى النص لو إنت قافل العربية ودست عليه بيفتحلك الشنطة ودوسة تانية بيقفلها والأشارات تنور
الزرار اللى فوق بيفتح العربية
جرب المفتاح الاحتياطى اللى فى الكارت وشوفه بيفتح من باب السواق ولا لأ
جرب المساحات
جرب التكييف على السلانسيه وعلى آربى إم عالى ووإنت واقف وأثناء تجربة العربية ياريت تكون مشغله وبعد ما تقف قبل ما تطفيه تنزل تسمع صوت الموتور وتتأكد من إن صوت المروحة عالى و مسموع
تشغل جميع الأنوار والنور الواطى اللى هو ممكن يبقى زينون وليه موتور بيحرك الأضاءة فوق وتحت ليها زرار ليه 4 درجات جمب الدريكسيون شمال
تفتح الكبوت وتاخد نظرة عاملة على الموتور تفتح قربة المياه وتشوف مستوى المياه فيها
وتجرب تشغل مواتير المساحات اللى بترش مياه
وتشوف لو فيه أى زيت حوالين الموتور ممكن يكون أويل سيل عادى متقلقش بس تتأكد برضه بالنظر
تجرب السى دى وتشوفه شغال وارد جدا إن الأسطوانة تعلق أو ميرضاش يطلعها ودا عادى مش عيب يعنى
دا اللى فاكره دلوقتى
بعدين تكشف على العربية فى التوكيل أو مركز معتمد هاهاهاهاهاهاها
عشان تتأكد من حاجات ممكن ميكونش ليك أو ليا خبرة فيها زى التيول والطنابير والمساعدين والبطاجات والعفشة كلها والموتور والفتيس والسمكرة والكاوتش
تلف الدريكسيون شمال ويمين وانت واقف ووتشوف لو كنت بتسمع خبطة سواء وإنت بتلف يمين أو شمال ولا مفيش
باور ميجان كهربائى وخفيف ممكن تلفه بصباعك وانت واقف
بعد ما تدور العربية بدقيقة كدا المفروض إن مفيش لمبات بتبقى منورة فى التابلوه غير لمبة فرامل اليد لو مشدودة فقط
ولمبة حزام الأمان لو خالعه
ولمبة الإيرباج لو طافيها من الزرار بتاعها الخاصة بالراكب الأمامى فقط عندى فى الشكل المعدل 2007 بيبقى لمبة حزام الأمان ولمبة الأيرباج موجودين تحت بعض فى شاشة الراديو من على الشمال فى الشكل القديم أعتقد إنهم موجودين فى التابلوه نفسه بس خلى بالك إن فيه لمبيتن للإيرباج واحدة منهم بتنور لوحدها والتانية عبارة عن شخص قاعد وقدامه الإيرباج ودى بتنور مع لمبة السيرفيس غالبا لو فيه عطل فى الإيرباج سيستم
غير كدا مفيش لمبات تانى بتنور بعد تشغيل العربية على ما أتذكر
وخلى بالك لو إن فيه لمبتين فى التابلوه service و stop لازم يكونوا مطفيين فى الحالة الطبيعية للعربية
ممكن لو عايز تتأكد من سلامة المساعدين بالنظر كدا مبدئينا بص عليهم وحاول تعرى الكاوتشة بتاعتهم لو فيه زيت مسرب من المساعد
امشى فى حتة مكسرة شوية على مهلك وشوف لو الدريكسيون بيهبد جامد وبيترج ولا لأ
ولو امكن تبص تحت العربية و تشوف الحالة العامة من تحت لو فيه تسريب زيوت أو ما شابه ذلك
قدام من تحت الموتور بيبقى فيه مصفحة حتة صاج قوية مغطية الموتور من تحت بص عليها
وعادى لو لقيتها مخبوطة متقلقش هو دا دورها إنها تحمى المحرك من تحت وخاصة كارتيرة الزيت من المطبات العالية فطبيعى إنها ممكن تكون محكوكة أو مخبوطة
لو العربية فيها فتحة سقف اختبرها كويس وشوفها بتفتح وتقفل كويس ولا لأ مع الريموت