عرض للطباعة
البلونة لتخزين المية بضغط عالى علشان لما تفتح الحنفية يطلعلك المية من البلونة عقبال لما المية تخلص و الضغط يقل يقوم الموتور يشتغل لان فى الفترة دى هتوفر كهربا و تريح الموتور
الفلوماك بيشتغل لما تفتح المية و يفصل لما تقفل المية و ميزته لما المية تقطع بيفصل الموتور نهائى علشان ميتحرقش
اخي العزيز عندنا في عمارة 12 دور خزان خرساني علوي كبير بيتملي عن طريق موتور لورا 4 حصان و فيه موتور احتياطي كوميت 3 حصان
من حوالي اسبوع ضغط المياه قل شويه فالمتتور الاصلي مش بيقدر يوصل المياه اعلي الخزان غير في الليل المتأخر في النهار بيرفع المياه للدور التاسع. فني مواتير قال ان الموتور كويس لكن ضغط المياه قل علي مستوي البلد (معاومه صحيحه و ملحوظه في اماكن اخري)
السؤال هل فيه ضرر لو عدلت توصيل الموتورثن بدل اساسي و احتياطي لو وصلت الموتورين علي التوالي ىعني الموتور 3 حصان ياخد الميه من البلديه و يضغطها للموتور 4 حصان فيرفعها للخزان و هل ده يحل لي المشكله
مهندس عصام عندي سؤال ياريت تفيدني .. انا اسكن في الدور الخامس المياه كانت تطلع ليا كويس من غير ماتور ومنذ سنتين بقى عندي مشكلة الميه بتيجي من 8 صباحا الى 5 عصرا ثم تنقطع لكنها في نفس الوقت بتطلع الى الدور ال3 ولاتنقطع .. فماذا افعل مع العلم ان السكان غير متعاونين ..فهل يوجد ماتور اقدر اركبه جوه الشقة ليا لوحدي
السلام عليكم
انا ساكن فى الدور الرابع (ارضى +4) و المياة تكاد تكون مقطوعة طوال اليوم .... السطح اعلى منى بدور فكرت اركب موتور وخزان فى السطح سعة 1 متر رفض السباك ذلك وتعلل بان الهد اعلى من منسوب السخان فقط بـ 4 متر و الضغط لن يكون كافى لتشغيل سخان كريازى 10 لتر غاز ...وافادنى انة يفضل تركيب موتور فقط ببالونة والرفع يكون مباشر لكن المشكلة ان التجمع حاليا يمر بظروف انقطاع مياة كثيرة واخشى الاعتماد على الموتور فقط فتكون النتيجة احتراق الموتور لانقطاع المياة ..ما هو الحل ارجو الافادة وما هى قيمةالضغط المناسب لتشغيل ذلك السخان
http://www.nilemotors.net/Nile/<a hr...omzr0l71k3.png
أنا ساكن في الدور الاول بعد الأرضي و مركب موتور نص حصان و كان شغال كويس ، لكن المياه بقت بتقطع في المنطقة الفترة الاخيرة بالعشر ساعات متقطعين ، و محتاج اعمل خزان فوق سطح العمارة اللي هو يعتبر الدور الثالث عشر ، عايز اعرف أنا محتاج موتور قوته اد ايه علشان يرفع مياه للخزان ده مع العلم ان خط المياه لشقي وحدي و مش مشترك مع باقي شقق العمارة
السلام عليكم
عندي استفسار بس طويل شوية
انا في الدور 12 و العمارة علي 35 شقة
شغال منهم حاليا16 شقة
راكب موتور 1،5 صيني و كان تمام و شغال ب 2 بالونه و كمان اوتوماتيك
من فترة الموتور مش بيطلع مياه كويس و بتقطع فترات طويلة و هو شغال مش بيفصل
اشترينا بدون خبرة موتور كالبيدا 3 حصان 3 فاز؟؟
و مكناش نعرف انه مش بيحضر لنفسه و المفروض انه محتاج خزانات؟؟؟
السؤال المهم نعمل ايه لو معرفاناش نرجع الموتور ده نشغله ازاااااااي و ايه الافضل في طريقة تشغيله
و اسف على الاطالة
ياجماعة لو سمحتو كنت عايز اجيب موتور لاربع ادوار يكون كويس وايطالي وماركة نضيفة عشان الكالبيدا اسعاره ولعت اوي اوي عنت عايز حاجة كويسة وسعرها معقول افيدوني افادكم الله
السلام عليكم
مواتير رفع المياه فى المبانى السكنية لها حسابات هندسية دقيقة ويطلق عليها الحسابات الهيدروليكية
# إحسب الجذر التربيعى لعدد الشقق بالمبنى (بالمنزل أو العمارة) وإضربه فى ٠٫٣٨ يطلع لك قطر خط البلدية بالبوصة وإختار القطر الإستاندرد الذى يليه مباشرة
# إضرب عدد الشقق بالمبنى (بالمنزل أو العمارة) فى ٤ يساوى معدل الطلمبة اللى حتشتريها باللتر/ دقيقة
# إضرب عدد الأدوار بالمبنى (بالمنزل أو العمارة) فى ٣٫٤٥ والناتج زود عليه ١٠ متر يساوى ضغط الطلمبة اللى حتشتريها بالمتر
# إضرب معدل الطلمبة (لتر/ دقيقة) فى ضغط الطلمبة (متر) والناتج إضربه فى ٠٫٠٠٠٦١٢٧ يساوى قدرة موتور المياه بالكيلووات إضربها فى ١٫٣٦ يساوى قدرة الموتور بالحصان
وفى حالة تنفيذ هذه الحسابات على الواقع لم تظهر نهائياً أى مشاكل فى رفع المياه للأدوار العليا
والله الموفق
مهندس/ حسن وجدى
خبير فى مجال خطوط الأنابيب والطلمبات
٠١٢٨١٠٩١٠٥٩
م / حسن
بعد اذنك انا ساكن في الدور التاسع و ضغط المية عندي ضعيف و عايز اركب ماتور لوحدي اجيب ماتور 1 حصان ولا 1.5 حصان احسن