تحديد قيمه عده صوت كامله

**misoalex** · 14-11-2012 10:27 PM

المشاركة الأصلية كتبت بواسطة bodaaa

على فكرة انا كمان دبيت نفس المشوار و لقيت ان فى سماعة منهم المكان اللى بتركب فيه الوصلة مكسور و مش معاهم الوصلات كمان يعنى
ربنا يوفقك و تبيعهم

يعنى فيشه السماعات مكسوره والكاسيت طلع بايظ وبعدين رجع فى كلامه فى بيع الكاسيت !!!!
طب ما قولتش الكلام ده من الاول ليه يا باشا ؟؟؟؟

**محـمد عادل** · 15-11-2012 01:14 AM

المشاركة الأصلية كتبت بواسطة misoalex

يعنى فيشه السماعات مكسوره والكاسيت طلع بايظ وبعدين رجع فى كلامه فى بيع الكاسيت !!!!
طب ما قولتش الكلام ده من الاول ليه يا باشا ؟؟؟؟

فيشه السماعات ؟ هو فى حاجه اسمها فيشه سماعات ؟

والكاسيت لما طلع بايظ على فكره انا قولت وانا مش بشم على ضهر ايدي علشان اعرف بس بعيد عنك العين الوحشه بقى ولكن الحمد لله

انا مش عارف انت حارق دمك كدا ليه ياباشا ؟ هو حضرتك اتفقت معايه على حاجه مثلا ولا انت باعتك الاخ عبوده تهيس شويه ؟

**محـمد عادل** · 15-11-2012 01:16 AM

المشاركة الأصلية كتبت بواسطة bodaaa

على فكرة انا كمان دبيت نفس المشوار و لقيت ان فى سماعة منهم المكان اللى بتركب فيه الوصلة مكسور و مش معاهم الوصلات كمان يعنى
ربنا يوفقك و تبيعهم

ياباشا دي كانت مخلوعه من مكانها يعنى أمير او اي حاجه كانت هتثبت وهيا ولا مأثره على السماعات ولا عامله اي حاجه وانت جربتهم كلهم ولو مكنش حلوين مكنتش هتدفع فيهم 320 جنيه وفضلت تقولي دي الفلوس اللى معايه !

يعنى لو كان معاك فلوس زياده كنت اخدتهم ياباشا فمش تمسك حاجه ملهاش لازمه وتشعبط فيهم لانك جاي مش معاك فلوس اصلا

والوصلات دي انا اول مره اعرف منك ان السماعات بيجي معاهم وصلات

**misoalex** · 15-11-2012 02:47 AM

المشاركة الأصلية كتبت بواسطة محـمد عادل

فيشه السماعات ؟ هو فى حاجه اسمها فيشه سماعات ؟

والكاسيت لما طلع بايظ على فكره انا قولت وانا مش بشم على ضهر ايدي علشان اعرف بس بعيد عنك العين الوحشه بقى ولكن الحمد لله

انا مش عارف انت حارق دمك كدا ليه ياباشا ؟ هو حضرتك اتفقت معايه على حاجه مثلا ولا انت باعتك الاخ عبوده تهيس شويه ؟

اهو بأسلوبك الزباله ده لو الحاجه ببلاش محدش حيشتريها منك
ولما سعادتك مش بتشم على ضهر ايدك ان الحاجه بايظه امال احنا اللى نشم على ضهر ايدنا ونضرب الودع عشان نعرف ان الحاجه بايظه
هو الحجات دى مش بتاعتك يا باشا وانت مجربها ولا انت متعرفش انها باظيه زى ما متعرفش ان السماعات بيجى معاها سلك (وصلات) ومتعرفش برضه ان السماعات فيها فيشه مكسوره او ترمله مكسوره لو حارقه دمك اوى كلمه فيشه

شوف انت بقى مين فينا اللى بيهييس

**محـمد عادل** · 15-11-2012 01:09 PM

المشاركة الأصلية كتبت بواسطة misoalex

اهو بأسلوبك الزباله ده لو الحاجه ببلاش محدش حيشتريها منك
ولما سعادتك مش بتشم على ضهر ايدك ان الحاجه بايظه امال احنا اللى نشم على ضهر ايدنا ونضرب الودع عشان نعرف ان الحاجه بايظه
هو الحجات دى مش بتاعتك يا باشا وانت مجربها ولا انت متعرفش انها باظيه زى ما متعرفش ان السماعات بيجى معاها سلك (وصلات) ومتعرفش برضه ان السماعات فيها فيشه مكسوره او ترمله مكسوره لو حارقه دمك اوى كلمه فيشه

شوف انت بقى مين فينا اللى بيهييس

اولاً احترم الفاظك وثانياً واحد داخل يطبل زيك بالتاكيد مش هيلاقي غير بالاسلوب ده !

اولاً الحاجه مركونه بقالها سنه ولما جيت جربت الكاسيت طلع جيه عليه ميه وده سبب المشكله اللى فيه

وبعدين هو انت مااااااالك اصلا يا ابنى داخل محروق كدا ليه

لاحوله ولا قوه الا بالله

وبعدين هو حد قالك انى بدلل ع الحاجه علشان تقولي محدش هيشتريها منك ؟

انت انسان غريب اوي

هو انت مين اصلا ولا ايه اللى دخلك فى الموضوع حضرتك ؟ داخل تطبل وخلاص كدا

**محـمد عادل** · 15-11-2012 01:16 PM

عبوده داخل يفطس فى الحاجه رغم انه عارف انى مش هبيعهم أقل من الاسعار اللى قايلهم عليهم ؟

ليه تاعب نفسه عبوده باشا ياريت يرد علينا ؟

أما انت يلى مش عارفلك أسم مش عارف داخل حارق دمك وداخل فيا شمال واحنا مفيش بينا كلام ولا فى بينا اي حاجه ؟
ده عبوده فى اخر كلامه قال ربنا يوفقك مش عارف انت بقى مالك زعلان كدا ليه
ممكن تقولنا السبب ؟

**eldell** · 15-11-2012 02:20 PM

ايه يارجالتنا صلو على النبى كده

**محـمد عادل** · 15-11-2012 03:31 PM

صلى الله عليه وسلم

**misoalex** · 15-11-2012 07:44 PM

المشاركة الأصلية كتبت بواسطة محـمد عادل

اولاً احترم الفاظك وثانياً واحد داخل يطبل زيك بالتاكيد مش هيلاقي غير بالاسلوب ده !

اولاً الحاجه مركونه بقالها سنه ولما جيت جربت الكاسيت طلع جيه عليه ميه وده سبب المشكله اللى فيه

وبعدين هو انت مااااااالك اصلا يا ابنى داخل محروق كدا ليه

لاحوله ولا قوه الا بالله

وبعدين هو حد قالك انى بدلل ع الحاجه علشان تقولي محدش هيشتريها منك ؟

انت انسان غريب اوي

هو انت مين اصلا ولا ايه اللى دخلك فى الموضوع حضرتك ؟ داخل تطبل وخلاص كدا

يا ابنى !! يا حبيبى دا انا لو اتجوزت بدرى كنت خلفت ادك

عموما انا ولا بطبل ولا بسقف اسلوبك بصراحه فى اخر كام مشاركه هو اللى مستفز وعشان كده اتدخلت فى الكلام
وانا مش حرد على باقى كلامك وحعتبر نفسى مسمعتش حاجه

والراجل من حقه لما يلاقى السلعه اللى بيشتريها مش عجباه ميشتريهاش انا ولا اعرفه ولا عمرى شوفته بس طريقه ردك بصراحه مستفزه وده الى خلانى اتكلم

نقى ردك وحسن اسلوب كلامك عشان وعامل الناس كما تحب ان تعامل
ولعلمك انا بقالى هنا فى المنتدى 5 سنين عمرى مكلمت حد بأسلوب الكلام اللى كلمتك بيه ده بس بصراحه انت طريقتك مستفزه عشان كده انا اتكلمت

**misoalex** · 15-11-2012 08:01 PM

على فكره حاجه تانيه خلتنى اتكلم والموقف ده حصلى شخصيا انى انا من اسكندريه وكذا مره انزل القاهره عشان اشترى حاجه معروضه هنا فى المنتدى وطبعا هنا يبقى صاحبها طالع بيها السما ويقول مفيهاش حاجه ولما ادب المشوار اروح الاقى الحاجه زباله وعشان كده صاحبها مش عاوز يرفع صورها او يصورعها اعشان محدش يكتشف انها متسواش
ومره اتفقت على سماعات كنت حشتريها من واحد مشهور جدا هنا فى المنتدى واتصلت به قبل ما اطلع من اسكندريه وقاللى مستنيك ولما نزلت القاهره اتصلت بيه لقيت موبايله مقفول من الساعه 4 تقريبا لحد الساعه 8 لحد ما مشيت من القاهره
وواحد تانى برضه كنت حشترى منه حاجه واتصلت بيه وانا فى القاهره فضل موبايله يرن وهو مش بيرد

يمكن المواقف دى اللى خلتنى اتعاطف مع الراجل اللى راح لحد عندك ولقى الحاجه مش اد كده اصله مش غاوى يتعب نفسه يعنى ويروح ويرجع على الفاضى مهو لو الحاجه كويسه مكانش سابها صح ولا انا غلطان

يعنى انا بحمد ربنا انك اكتشفت ان الكاسيت عطلان او رجعت فى كلامك وقولتلى بدل ما ادب المشوار انا كمان على الفاضى وترجع فى كلامك زى اللى قفل موبايله عشان رجع فى كلامه
دا غير فيه واحد هنا فى المنتدى بيبيع عدد صوت طالع بوزها ويقولك نضيفه وتمام وتروح تلاقيها ما تسواش ومتصلحه كذا مره وعلى فكره الشخص ده عامل كذا اكاونت وبيدخل ب كذا اسم تقريبا 4 او 5 اسماء وفيه واحد هنا قبل كده عرفه غيرى وسيحله

المواقف دى محصاتش معايا انا بس حصلت مع كذا حد هنا بس انا غير اى حد من القاهره انا بدفع بنزين او مواصلات وتعب كام ساعه سفر

اختصار كلامى كله ان بقى مفيش مصداقيه او جديه فى التعامل ودى اكتر حاجه تحرق الدم اصل احنا مش عيال صغيره