الموضوع: تحديد قيمه عده صوت كامله

المشاركة الأصلية كتبت بواسطة misoalex

يا ابنى !! يا حبيبى دا انا لو اتجوزت بدرى كنت خلفت ادك :c_laugh[1]:

عموما انا ولا بطبل ولا بسقف اسلوبك بصراحه فى اخر كام مشاركه هو اللى مستفز وعشان كده اتدخلت فى الكلام
وانا مش حرد على باقى كلامك وحعتبر نفسى مسمعتش حاجه

والراجل من حقه لما يلاقى السلعه اللى بيشتريها مش عجباه ميشتريهاش انا ولا اعرفه ولا عمرى شوفته بس طريقه ردك بصراحه مستفزه وده الى خلانى اتكلم

نقى ردك وحسن اسلوب كلامك عشان وعامل الناس كما تحب ان تعامل
ولعلمك انا بقالى هنا فى المنتدى 5 سنين عمرى مكلمت حد بأسلوب الكلام اللى كلمتك بيه ده بس بصراحه انت طريقتك مستفزه عشان كده انا اتكلمت

ماهو الكبير كبير عقل يا ابو اتجوزت انت ! ماكلها بتتجوز وبتخلف وبتعجز وتموت ! عملت حاجه جديده يعنى

انا مش اسلوبي مستفز وانت لو مش بطبل كنت عرفت انا رديت عليه برد مستفز لانك مش اتعمل فيك الموقف اللى حصل فيا

والراجل كان هيموت وياخد السلعه اللى مش عجباه بس هو مكنش معاه غير 320 جنيه

والراجل دببنى مشوار رغم انه مفروض يجيني لان الحاجه عندي ومفيش حد بيجيب حاجه بسهوله

وانت لو حضرتك شايف انك اتعاملت مع عيال دي مش مشكلتى انا

المشاركة الأصلية كتبت بواسطة misoalex

على فكره حاجه تانيه خلتنى اتكلم والموقف ده حصلى شخصيا انى انا من اسكندريه وكذا مره انزل القاهره عشان اشترى حاجه معروضه هنا فى المنتدى وطبعا هنا يبقى صاحبها طالع بيها السما ويقول مفيهاش حاجه ولما ادب المشوار اروح الاقى الحاجه زباله وعشان كده صاحبها مش عاوز يرفع صورها او يصورعها اعشان محدش يكتشف انها متسواش

طيب ياباشا دول سوري ناس فاضيه او ناس مش عندها اخلاق انها تعمل فيك كدا ودي مش مشكلتى ولا الناس كلها زي بعضها .

ومره اتفقت على سماعات كنت حشتريها من واحد مشهور جدا هنا فى المنتدى واتصلت به قبل ما اطلع من اسكندريه وقاللى مستنيك ولما نزلت القاهره اتصلت بيه لقيت موبايله مقفول من الساعه 4 تقريبا لحد الساعه 8 لحد ما مشيت من القاهره
وواحد تانى برضه كنت حشترى منه حاجه واتصلت بيه وانا فى القاهره فضل موبايله يرن وهو مش بيرد

ماهو لو بيقدرك او عاملك احترام او هو محترم مش هيعمل معاك كدا :d

وألاخ عبوده قابلنى وواحد تانى فى المنتدي وواحد تالت انهارده وشوفونى وهما يقدرو يقولو عليا انا محترم ولا لا ورغم ان عبوده حرق دمى بس انا عاملته بكل احترام لاخر لحظه وقولت الحمد لله

ونقطه كمان انا لما نزلت روحت وجربت الكاسيت مع الراجل وطلع بايظ انا شيلت نص الفلوس بتاعت التركيب رغم انى مليش دعوه اصلاً هو بيجرب لنفسه

وانت لو دماغك كبيره شويه معلش يعنى كنت هتعرف من ردي انا رديت كدا ليه او فهمت الموضوع مش تخش فيا شمال ولا لا سوري يعنى كل اللى شافو كلامك اقسم بالله قالولى كبر دماغك منه شكله صاحبه والتاني قالى باين اوى انه صحبه لان دي مش طريقه واحد ملوش دعوه بالحوار ,, انت داخل بوتجاز ؟

يمكن المواقف دى اللى خلتنى اتعاطف مع الراجل اللى راح لحد عندك ولقى الحاجه مش اد كده اصله مش غاوى يتعب نفسه يعنى ويروح ويرجع على الفاضى مهو لو الحاجه كويسه مكانش سابها صح ولا انا غلطان

هيقولى لقى الحاجه مش اد كدا ؟ انت مش عارف بتقول اي ياباشا ولا حضرتك اصلا محضر كلام حافظه ومش بتحب تفهم او تقرأ الردود ؟

الراجل دفع فيهم 320 جنيه ومن غير سلك ولو كان معاه زياده كان هيدفع يعنى لو الحاجه مش كويسه مش هيدفع

ع فكره لو بتشتري حاجه مستعمله هتعرف انك روحت

يعنى انا بحمد ربنا انك اكتشفت ان الكاسيت عطلان او رجعت فى كلامك وقولتلى بدل ما ادب المشوار انا كمان على الفاضى وترجع فى كلامك زى اللى قفل موبايله عشان رجع فى كلامه
دا غير فيه واحد هنا فى المنتدى بيبيع عدد صوت طالع بوزها ويقولك نضيفه وتمام وتروح تلاقيها ما تسواش ومتصلحه كذا مره وعلى فكره الشخص ده عامل كذا اكاونت وبيدخل ب كذا اسم تقريبا 4 او 5 اسماء وفيه واحد هنا قبل كده عرفه غيرى وسيحله

ماشى ده عيل انا مالى ؟ يعنى انت لو بتبيع حاجه دلوقتى اعتبر نفس العيل ده ؟

المواقف دى محصاتش معايا انا بس حصلت مع كذا حد هنا بس انا غير اى حد من القاهره انا بدفع بنزين او مواصلات وتعب كام ساعه سفر

اختصار كلامى كله ان بقى مفيش مصداقيه او جديه فى التعامل ودى اكتر حاجه تحرق الدم اصل احنا مش عيال صغيره

قولتلك مش كل الناس زي بعض ومدام بتعامل الناس كلها زي بعض يبقى اكيد الناس هيعاملك بمعامله اي حد حتي لو انسان وحش معلش

وع فكره كل اللى قابلونى الحمد لله شافو كلامى ع النت محترم وعلشان كدا قابلونى لانهم كلهم ناس محترمه بما فيهم الاخ عبوده مش معنى ان حصل سؤ تفاهم يبقى هو غير كدا

على فكرة يا جماعة السماعات بتاعت محمد عادل شغالة تمام و انا مجربها بس كل الحكاية ان فيها حتة مكسورة ومش ماثرة فى الصوت وانا مكنتش تسوى عندى اكتر من 320 بس ممكن تساوى عند غيرى 400 و هى مش قصة 30 جنيه يعنى بس انا مبحبش اشترى حاجة اكتر من تمنها
وشكرا لزوقك يا محمد

حصل خير وانا بعتذر ليك لو كلامى ضايقك .

بس انت مدتنيش فرصه افهمك لانك دخلت علي طول فيا شمال .

وعموما محمد باشا hero_hamada اشترى البازوكا والجي ام وربنا يباركله فيهم أن شاء الله

ولو عايز الكاسيت وتصلحه انت انا مش عندي مشكله

الحمد لله تم بيع العده .

شكراً لكل من قدمو المساعده ولو بكلمه شكر .

موفقين جميعاً