مين أحسن للأطفال ..... ipad 2 ولا galaxy tab ؟؟؟؟

مساء الخير على رجالة نايل موتورز :)))

خصوصا الأباء فيهم

عايز أجيب لأبنى اللى فى kg1 تابلت و عايز أعرف مين أفضل لطفل سنه 4 سنين و نص

بحيث انى احطله عليه العاب و برامج تعليمية فيضيع وقته فى حاجة مفيدة و يتعلم حاجة جديدة و فى نفس الوقت يحل عن الموبيل و اللاب توب بتوعى

أنا أنتمى لعائلة الأندرويد و مش شايف بصراحة البرامج الموجودة عليه متميزة للأطفال

فى نفس الوقت معلوماتى عن عالم أبل محدودة للغاية ....... هل فيه تطبيقات مفيدة للأطفال مسلية و تعلم فى نفس الوقت

اللى مر بنفس الموقف اكيد فاهم قصدى

و الف شكر ليكوا مقدما :))))

تقريباً نفس الابليكشنز هي هي ... انا شايف ان الاندرويد هيكون افضل عشان سهولة الاستخدام

تفتكر ؟؟؟؟ ولا ال ipad حيستحمل فى ايد طفل أكتر ؟؟؟

اعتقد ان ال iPad حساس اكتر من التاب
لو تاب 10 يبقى احسن اعتقد

الآي باد جهاز محترم جدا و استعماله سهل و سلس جدا للاطفال و الكبار و له برامج كتير حلوه للاطفال. بس نصيحه لوجه الله متخليش العيل يتعلق بالحاجات دي من دلوقتي. انا عندي العيال في سن ابن حضرتك بس عملتلهم وقت محدد للعب في اليوم يعني كل يوم نص ساعه مش اكتر.
بالنسبه للتحمل و كده الايباد جامد و الله و جهاز محترم اوي

الاندرويد صعب جدا جدا
بعكس الايباد تقريبا مخصص للاطفال

ايباد افضل انا عندي الكبير 5 ونصف والصغير 3 ونصف وجايبلهم 2 ايباد 16 جيجا واي فاي بس اعمل حسابك علي كفرات حمايه ممتازه تكون مغلفه الجهاز تمام علشان مش هيسبوهم في حالهم وكمان خلي بالك من موضوع العناد بتاعهم لو في لعبه مش موجوده عند واحد وموجوده عند التاني بيعملو مشاكل يعني خلي الجهازين كوبي من بعض ولكن الصراحه عزلوهم عن الشارع ومشاكل الشارع بشكل كبير عموما ربنا يخليهم لك ويخليك ليهم

هو الاندرويد هيكون صعب علية الايباد احسن

صدقني الهاتف الخلوي هذا ذو خاصيه ال touch screen "مبيعمرش في ايد الكبار فما بالك بالعيال الصغيره" فمن رأيي تشتري لابن حضرتك كومبيوتر سواء pc او لاب توب و "اهم احسن من الموبايل اكيد"

أيباد أعتقد هيستحمل شوية عن التاب

و عموماً البرامج التعليمية موجودة بس أغلبها بفلوس و مش شرط تلاقيها مكسورة الحماية

أهم حاجة فى الموضوع

جراب يغطي الأيباد من كل الجوانب
تخصص وقت محدد فى اليوم للعب و وقت تاني كل أسبوع مثلاً تنزل عليه لعبة أو أتنين

و أعمل حسابك أنه لو أيباد واحد و طفلين...........هتشوف الويل علشان هيتخانقوا عليه........خصوصاً فى الصيف و مفيش مدارس..............بس لو عرفت تنظم الوقت بينهم يبقى زي الفل.

اقتباس:

---

المشاركة الأصلية كتبت بواسطة naser_56

ايباد افضل انا عندي الكبير 5 ونصف والصغير 3 ونصف وجايبلهم 2 ايباد 16 جيجا واي فاي بس اعمل حسابك علي كفرات حمايه ممتازه تكون مغلفه الجهاز تمام علشان مش هيسبوهم في حالهم وكمان خلي بالك من موضوع العناد بتاعهم لو في لعبه مش موجوده عند واحد وموجوده عند التاني بيعملو مشاكل يعني خلي الجهازين كوبي من بعض ولكن الصراحه عزلوهم عن الشارع ومشاكل الشارع بشكل كبير عموما ربنا يخليهم لك ويخليك ليهم

---

كلنا هذا الرجل هههههههههههههههههه

ده أنا بيطلع عيني لو حد منهم أكتشف لعبة مش موجودة عنده و موجودة عند التاني :)

اقتباس:

---

المشاركة الأصلية كتبت بواسطة khaled_legend

صدقني الهاتف الخلوي هذا ذو خاصيه ال touch screen "مبيعمرش في ايد الكبار فما بالك بالعيال الصغيره" فمن رأيي تشتري لابن حضرتك كومبيوتر سواء pc او لاب توب و "اهم احسن من الموبايل اكيد"

---

لأ طبعاً يا فندم...........أختلف معاك

الأيباد أو التابلت عموماً أسهل فى الحركة و الإستخدام عن اللاب توب........و مفيش مقارنة مع ال pc

ده غير كمية الألعاب و البرامج اللى عليه مش طبيعية.

انا جايب ipad2 لمراتى وبنتى ٥ سنسين بتموت فية

طبعا كله اجمع علي الايباد بس علشان سهولته مش اكتر لا لانش ولا رووت وغلبه
كفايه. تنزل البرنامج تلقيه علي الدييسكتوب ومفيش مجال للعب والتعديل فيه
اما لو ليك يبقي النوت 10 علطول

اقتباس:

---

المشاركة الأصلية كتبت بواسطة naser_56

ايباد افضل انا عندي الكبير 5 ونصف والصغير 3 ونصف وجايبلهم 2 ايباد 16 جيجا واي فاي بس اعمل حسابك علي كفرات حمايه ممتازه تكون مغلفه الجهاز تمام علشان مش هيسبوهم في حالهم وكمان خلي بالك من موضوع العناد بتاعهم لو في لعبه مش موجوده عند واحد وموجوده عند التاني بيعملو مشاكل يعني خلي الجهازين كوبي من بعض ولكن الصراحه عزلوهم عن الشارع ومشاكل الشارع بشكل كبير عموما ربنا يخليهم لك ويخليك ليهم

---

و هو ده المطلوب فعلا و ربنا يخليك يا فندم

اقتباس:

---

المشاركة الأصلية كتبت بواسطة ahmed a.maksoud

أيباد أعتقد هيستحمل شوية عن التاب

و عموماً البرامج التعليمية موجودة بس أغلبها بفلوس و مش شرط تلاقيها مكسورة الحماية

أهم حاجة فى الموضوع

جراب يغطي الأيباد من كل الجوانب
تخصص وقت محدد فى اليوم للعب و وقت تاني كل أسبوع مثلاً تنزل عليه لعبة أو أتنين

و أعمل حسابك أنه لو أيباد واحد و طفلين...........هتشوف الويل علشان هيتخانقوا عليه........خصوصاً فى الصيف و مفيش مدارس..............بس لو عرفت تنظم الوقت بينهم يبقى زي الفل.



كلنا هذا الرجل هههههههههههههههههه

ده أنا بيطلع عيني لو حد منهم أكتشف لعبة مش موجودة عنده و موجودة عند التاني :)



لأ طبعاً يا فندم...........أختلف معاك

الأيباد أو التابلت عموماً أسهل فى الحركة و الإستخدام عن اللاب توب........و مفيش مقارنة مع ال pc

ده غير كمية الألعاب و البرامج اللى عليه مش طبيعية.

---

انا عندى طفل واحد بس مبرشط على الموبايل و على اللاب توب بتوعى و فعلا التابلت بصفه عامة حيبقى اسهله من من اى حاجة تانية و يحل عنى شوية :)))

و حلوة فكرة الجراب ديه بدل ما يخلي التابلت شوارع

شكرا جدا

اقتباس:

---

المشاركة الأصلية كتبت بواسطة taraxan

طبعا كله اجمع علي الايباد بس علشان سهولته مش اكتر لا لانش ولا رووت وغلبه
كفايه. تنزل البرنامج تلقيه علي الدييسكتوب ومفيش مجال للعب والتعديل فيه
اما لو ليك يبقي النوت 10 علطول

---

انا أصلا معايا جالاكسى اس 2 و طول ما انا بره البيت هو بيغنى عن التابلت و جوة البيت اللاب توب موجود

شكرا يا فندم

Sorry for typing in English because I don't have Arabic Keyboard now.

If I were you I would get one of the promising Chinese tablets. There are some really good Chinese tablets for less than half the price. and the quality is quite good.

a low end Chinese tablet will cost something like 600 LE, and you can get it from Dubai but of course it is not that good.

a high end Chinese tablet costs around 1600 - 2200 LE and it is really great, both quality and reliability.

To be honest I wouldn't pay 5000 LE in something that will be used mainly as a toy, especially that touch screens are prone to be broken very easily.

Take a look at this review: yash3339's review of the Aoson M11 - SlateDroid.com

Thanks

4000 جنيه مبلغ كبير للعبه لطفل فى kj

الأفضل تابلت صينى بسعر معقول

ال ipad2 تمنه مش 4000 جنيه النسخة الواى فاى فقط ال16 جيجا ممكن تعمل 2000 ل 2200 لو جاية من بره مش من مصر

يا محترم ده ال xbox kinect ولا ps3 move بأغلى من كده :)))

اقتباس:

---

المشاركة الأصلية كتبت بواسطة Ahmed A.Maksoud

لأ طبعاً يا فندم...........أختلف معاك

الأيباد أو التابلت عموماً أسهل فى الحركة و الإستخدام عن اللاب توب........و مفيش مقارنة مع ال pc

ده غير كمية الألعاب و البرامج اللى عليه مش طبيعية.

---

اليس الهدف من شراء التابلت او الايباد هو اللعب؟ يبقي اللعب افضل علي لابتوب او PC و علي الاقل الاثنين غير قابلين للكسر بسهوله و حجمهم اكبر

الايباد و التابلت قابلين للكسر و حجمهم صغير ومثل ما ذكرت من قبل ال touch screen "عايزه حنيه"

لقد اشتريت الايباد للمدام من قبل و "العيال جابو اجله في اقل من شهر"

اقتباس:

---

المشاركة الأصلية كتبت بواسطة hobiko

ال ipad2 تمنه مش 4000 جنيه النسخة الواى فاى فقط ال16 جيجا ممكن تعمل 2000 ل 2200 لو جاية من بره مش من مصر

يا محترم ده ال xbox kinect ولا ps3 move بأغلى من كده :)))

---

xbox و ps3 ألعاب للأسرة كلها و الأصدقاء كمان لكن ipad هتبقى لعبة شخصية حتى لو بـ 2000 جنيه فهتبقى مبالغة إن كفل فى حضانة يبقى معاه لعبة بالسعر ده

لكن فى النهاية دى حرية شخصية و قدرات مالية و كل واحد يعمل اللى مقتنع بيه و يريحه