انا حطيت كالتكس الرمادى و مغيرتش فلتر الزيت عشان انا اخر مرة غيرتوا كان من 3000 كيلو ودى اول مرة اغير الزيت على الفلتر دا
عرض للطباعة
معرفش نوع الزيت ده ايه اساسا و معرفش بيضرب زي غيره ولا لأ و معرفش ليه اول مرة متغيرش الفلتر
لكن عموما الزيت بيكون شبه مضمون لما يتغير من البنزينه اللي بتنتجه لأم محلات بيع الزيوت مش كلها مضمونه و فيه منها محلات بتبيع زيوت مضروبة
طالما مش هتغير نوع الزيت ممكن تغير الفلتر مره اه و مره لأ ده طبعا لو بتستخدم زيت معدني اللي بيتغير علي 5 الاف كيلو (بعض الناس بتغيره علي 3)لكن لو بتغير زيت تخليقي اللي هو 10 الاف كيلو يبقي كل مره تغير الفلتر مع الزيت
لو غيرت من نوع زيت لأخر يعني مثلا من شيل الي موبيل او من اي نوع لأي نوع أخر يبقي لازم تغير الفلتر لتغير نوعيه الزيت
لو غيرت من زيت معدني الي تخليقي او العكس يتطلب ايضا تغيير الفلتر
يا باشا هو انت مشكلتك اللمبة بتنور ولا ان اللمبة مش بتنور ؟؟؟؟
انتوا كلامكوا ان اللمبة بتنور رغم انك قايل انها مش بتنور
هو كلامه معناه ان اللمبة مش بتنور مع الكونتكت ..
احتمال كبير يكون السينسور بس الاول زى ما الاستاذ ehab_mansour قال غير الفلتر الاول ممكن يكون هو اللى فيه المشكلة ..
السلام عليكم
اتفق مع كلام الاستاذ صلاح ان لمبة الزيت فى التبلوه بتنور فى حاله عدم وجود زيت او وجود كمية قليله جدا من الزيت ودا حصل معايا بالفعل مشيت مشوار طويل وكان عندى مشكلة فى احد خراطيم الفايز وكان الزيت بيخرج منة لوجود سدد فى خرطوم اخر ولما اللمبة نورت لقيت كمية الزيت الموجودة لا تتعدى 2-3 ملى من مقياس الزيت
نصيحة مهمه :
[justify]
1- اختار المكان اللي تغير فيه الزيت بتاعك .. يعني ما تروحش عند بنزينة ابو كلبش اللي ملهاش معالم و شغاله كل شى ان كان
2- لازم تخطار نوع واحد جيد من الزيت و تستمر عليه سواء زيت تخليقي او معدني ، و الغالبية في مصر معدني لان التخليقي غالي .. خلينا متفقين ان مافيش زيت life time محدش سمع مرة عن زيوت بتفضل شغاله طول عمر الماكينة .. يبقا الافضل ليك ان تختار نوع جيد يناسب سيارتك
و تستمر عليه .
3- عاوز تحافظ على طلمبة الزيت ؟؟؟ عاوز تحافظ على مجرى الزيت نظيف من الشوائب و العوالق الناتجه عن الاحتكاك داخل الماكينة ؟؟؟ كل مرة بتغير زيت غير الفلتر .
4- دائما ابدا الزيت و الفلتر بيفوقوا المكنه ,, اكنك نضفت رشاشات او عملت تصفية عامة زي تغير بوجيهات او تنظيف بوابه .... الخ .....يجب الاهتمام كل الاهتمام بموضوع الزيت .
و الله ولي التوفق
[/justify]