غبور زود أسعار الهيونداى
الإلنترا زادت 5000 جنيه مرة واحدة :dontudear:
حد فاهم غبور بيعمل كده ليه ؟
جشع وللا أسعار الدولار و الجمارك زادت ؟
الأسعر من على موقع كونتاكت كارز
أول فئة أوتوماتيك ب 135900 ج
الفولى لودد ب 168900 ج
عرض للطباعة
غبور زود أسعار الهيونداى
الإلنترا زادت 5000 جنيه مرة واحدة :dontudear:
حد فاهم غبور بيعمل كده ليه ؟
جشع وللا أسعار الدولار و الجمارك زادت ؟
الأسعر من على موقع كونتاكت كارز
أول فئة أوتوماتيك ب 135900 ج
الفولى لودد ب 168900 ج
بياخد حق زيادة الضمان اللى رفعه خمس سنين او 100000 كيلو
اشترى النترا اول فئة ب140 الف جنية واعلى فئة ب170 اف جنية ليييييييييييييييييييييييي ييية
دة جشع رسمى يعنى كدة الالنترا الفولى لودد بعد ماكان سعرها 156 الف جنية فى العرض وسعرها الاساسى 159 الف جنية , اصبحت ب169 الف جنية ومافيش اى اوبشن زيادة , يعنى 10 الاف جنية مرة واحدة هههههههههههههه وطبعا المستهلك المصرى هيشترى لان لسة عندة فكرة ( اشترى الكورى عشان رخيص وقطع غيارة رخيصة )
هو كده فعلا ...
و ده اللي قولته بالظبط لما زود الضمان في موضوع سابق :
http://www.nilemotors.net/Nile/310379-a.html
[frame="7 80"]ماهو الحاج / غبور اللي مش أمور و الهيونداي من وشه تغور واخد ثمن مد فترة الضمان من الباهوات اللي أشتروا العربيات موديلات 2013 و ألا ماهو تفسيركم لزيادة السعر عن موديلات 2012 لنفس العربية ؟[/frame]
سمسم ..
أيه أخبار زيادة الاسعار في العربيات الاخري المنافسة :
- هوندا سيفيك
- رينو فلوينس
- تويوتا كورولا
لما الفيرنا الاوتو توصل ل 87 الف وعربية مش محتاجة حد يقول في حقها حاجة لان الكل عارف الفيرنا
ابتسم انت في مصر
اجيب اوبل استرا الجديدة او رينو فلوينس او امبريزا او ازود حبة واجيب اوكتافيا اول فئة !! احسن منها 1000000 مرة
+11111111111111
هو قرش ولا قرشين زياده فى الدولار يخليه يرفع كل شويه 3000 + 5000 + 3000 جنيه لحد مازود اول فئه من 124000 الى 136000 لييييييييييييييييه؟؟
الراجل ده بيعتمد على ايه ؟؟؟؟
مين حيشترى منه بعد الزيادات الغبيه دى ؟؟؟
انا كنت عايز اشتريها فى شهر 7 الى فات وكانت بــ 124000 ومستغليها واتجهت للصنى الجديده مين بقى حيشترى بلسعر الخزعبلى ده
والله حرام والف حرام حد يدفع فلوسه فى عربيه بلسعر ده والامكانيات الفقيره دى ............... طز فى المنظر والف طز
السيفيك بقت ب 172 الف اول فئة بدل من 176 يعنى نزلت 4 الاف جنية وطبعا كلنا عارفين ان مواصفات الامان فى السيفيك واحدة ( يعنى مش بتفرق مابين فئات )
وال vti زى ماهية ب199 الف جنية
الرينو مش متابع الصراحة , ولا التويوتا بس معلش يعنى هو حضرتك هتجيب الفلوانس زى الهيونداى !!!!!!!!!!!!!!!!!!!!!!!
تالت ؟؟؟؟؟؟؟؟؟
برده اللي هايجيبوها يستاهلوا
:oops2:
مفيش فايدة !!!
أول فئة اوتوماتيك بـ 136000 ,كتير جدا
و أساسا كمان كلنا عارفين إن محدش يجيب كوري أول فئة
لأن هو معتمد أساسا علي الشكل وال options والانتشار
لو جبت أول فئة هتبقى فاضية
يعني عشان اركب حاجة كويسة ,مش اقل من 145 أو 150 ألف !!!!!!!!
حتى قطع الغيار لا بقت رخيصة ولا حاجة ,هي بس منتشرة أكتر
بس بصراحة غبور بيعرف يلعبها صح http://www.nilemotors.net/Nile/image...0of%20m-s5.gif
حررررررررررام تدفع كل الفلوس دة فى العربية دة اشتى صنى احسن كفايا فيها كل وسائل الامان
يعنى fully loaded بسعر الفئه قبل الاخيره فى الفورد الفوكاس صناعه المانى
طبعا مش هاقول فرق الكماليات والموتور و الفتيس يعملو المفروض فرق قد ايه انما ماشى
هارجع و اول مش ذنب غبور ذنب شعب بالنسبالو الهيواندى و الكيا الدنيا و الاخره
و بردو الناس هتشترى !!!!!!!!!!!!!
في تفسير إقتصادي تاني للي غبور وغيره من توكيلات السيارات بتعمله
السبب ده إن التوكيل نفسه بيكون عنده قدرة محددة ومعروفة للإدارة بتاعته لتحمل عدد معين ومعروف من السيارات كصيانة وقطع غيار وبيبقى في حسابات معقدة للموضوع ده وشغل حصص سوقية شهرية وربع ونصف سنوية عشان يقدر الوكيل المحترم يقدم خدمة عملاء وصيانة بمستوى لائق
بالتالي ده بيؤدي إنه بعد فترة لما يبدأ يوصل لأقصى إمكانياته في تغطية عدد السيارات المباعة عن طريقه بيبدأ يقلل حجم مبيعاته وده اللي بيخليه يرفع سعر العربية عشان يدخلها في شريحة ضيقة من المستهليكن اللي مش فارق معاها تركب العربية دي بأي سعر لأن شكلها أو إسمها أو ماركتها عاجباه "واحد مش في دماغه الحوارات بتاعتنا دي يعني"
مش شرط دايما إن رفع السعر يكون عشان يلهف فلوس زيادة وخلاص ...
يا باشا لا فهمك على ادك ولا حاجة
اللي يخليه باع أول دفعة من العربية الجيلي الجديدة قبل ما تنزل
و كلنا عارفين خف المصريين من الصيني عامل إزاي
هو كل مرة بيعمل نفس الحركة
1.دعاية جامدة جدا
والشغل بتاع- جيت اكشف عليها ملقتش فيها عيوب- اللي مكتوب في إعلانات جيلي
و إنها اشترت VOLVO و إن عمللها اختبار سنتين ولا سنة مش فاكر
بالبلدي بيعرف ياكل بعقل الناس حلاوة ,عارف الناس عايزة تسمع إيه
2.ينزل العربية بسعر مناسب الاول وبعد كده يفضل يرفع فيه واحدة واحدة
لحد مارفع سعرها 12000 جنيه
3.مستغل عدم وجود عربيات تنافسه في الفئة السعرية دي
فلوينس الناس بتقول فرنساوي وبتاع
كورولا من ساعة ال mmt وهي معدتش زي الاول
الشارك برده مبيعاتها مش كتير ,الناس بتحب البومة أكتر
السيراتو قدمت خلاص
4.العربية شكلها جذاب ,عكس الياباني مثلا وده مساعده
ده غير طبعا ظروف السوق اللي مساعداه
الناس اللي فاهمة إن الكوري لسة قطع غياره برخص التراب و أي حد يشتغل فيه
طب بالذمة ,الضمان بقى 5 سنين أهو
في حد هيجيب عربية بـ 136000 و يروح يعمل صيانتها عند ميكانيكي
يعني إنت مربوط بالتوكيل 5 سنين
و كلنا عارفين اسعار الانترا مش رخيصة في التوكيل و ده بان في موضوع هنا قبل كده
الكوري عربياته كويسة ,بس كده السعر بقى مبالغ فيه بصراحة
أكتر ميزة ليه كانت القيمة مقابل السعر و هو عمال يفقدها دلوقتي
اختلف مع حضرتك فى النظريه ده لان بالتفكير المنطقى احسنلو ان يستثمر فلوس اكتر فى مراكز صيانه و قطع غيار و يستغل انو محتكر لهيواندى فى مصر انما انو يرفع سعر العربيه عشان يقلل البيع فده ضد مبادئ التسويق و كمان هو ليه market share مش هيخسرو عشان انو يقدر يقدم سيرفس على مستوى معين لان ببساطه اخر حاجه ممكن تفرق مع توكيل فى مصر خدمه العملاء :fun_10_9_134[1]:
كتيررررررررررررررر جدا على الالنترا في بدايل احسن منها دلوقتي كتير جدا.
انا كده اقدر اقول ان حضرتك قولت اسباب ان الهيواندى عربيه بياعه مش الالنترا بس انما فيه سبب كمان مهم اووووووووى اعاده البيع احنا السوق بتاعنا بيقيم العربيات غلط خالص مين يقول عربيه النترا موديل 2004 ولا 2005 يبقى مطلوب فيها 70-65 و هى كانت زيرو ب 90 يعنى صاحبها خسران 20 الف بس فى 7 سنين و تلاقى العربيه عامله 100 الف و بدون ايرباج ولا abs ده معقول !!!!!!!!!
و بردو هارجع و اقول الناس بكره هتشترى !!!!!
الدرس القاسى ليه لو وكيل كيا نزل السيراتو الجديده بسعر وكماليات يحطمله الانترا تماما ... ساعتها حيتعلم الادب
حد يا جماعة ركب البيجو 508, عربية خرافة فى كل حاجة و وهمية فعلا... انا ركبيتها اتحولت بجد و مكنتش عايز انزل منها خالص, كدة لو اعلى فئة فى الالنترا 169 الف يبقى فرق 40 الف بينها و بين البيجو... بصراحة اللى يجيب الالنترا سعتها يستاهل ضرب ..... هاهاهاها.
بس سيبكم من ده فيرنتى غليت و انا كده عايز ابيع :36_1_34[1]: فيرنا 2009 مانيوال هاف اوبشن على 80 الف هاهاها مهى هيونداى بقى و الناس بتشترى :POINTIy2[2]: يلا حد شارى؟؟؟
و الناس هتشترى برضه
لا تعليق
يعني اللي بيبيع النترا 2012 هايبعها بنفس تمنها زيرو سنه 2012...يعني ركب سنه ببلاش
مش عارف اقول
بس اكيد محدش هايشترى بالاسعار دى , خليها بقى تخلل جنبه
هيا وجهة نظر قد تكون صحيحة أو تكون خاطئة و لكن الايام هي التي ستثبت ذلك :wink14:
عموما رأي الشخصي الذي قد تختلف معي فيه و لكنه من خلال التجربة :
- العربية كويسة جدا و ملائمة لأحتياجاتي
- فيها اللي انا عايزه و بالسعر اللي كان متاح لدي
- سعر اعادة بيع مرتفع
- قطع غيار معمرة و متوفرة بالرغم من أرتفاع سعرها عن سابقتها لكني ملاحظ تحسن كما ذكرت في نوعيتها مما يطيل في عمرها
صدقني العربية دي ممتازة و مناسبة جدا لأستخدامنا في مصر عيبها الوحيد هو توكيلها اللي واكلها
من الشعب المصري الي غبور
اضرب كمان عايز اتوب
هههههههه
لي بس علي ما اعتقد ان كل عربيه ليها البيك بتاعها في السعر بتوصله ليه وبعدين بترجع كما كانت
عربيه تزيد 11 الف جنيه في سنه واحده بدون مبرر منطقي بيقي حرام..والله العيب مش عليه العيب علي المستهلك اللي بيفرط في حقه وكمان ممكن يدفع اوفر برايس ..غبورقال انا اولي بيهم
لما الالنترا يوزد توصل ل 115 و120 الف يبقي الواحد يكمل حاجه بسيطه ويركب اوكتافيا او جيتا ...وحلال علي غبور عربياته
يعنى :)
اكيد فى ناس هاتشترى ومبيفرقش معاها , او هايشتروا بحجة الحق اشترى قبل ماتغلى تانى , بس الاكيد ان المبيعات هاتنزل مش هاتبقى زى الاول
الالنترا لما نزلت فى نص السنه اللى فاتت ولحد اخر السنه بقت رقم 3 فى المبيعات بعد الفيرنا واللانوس
السنه دى ولحد شهر 9 ورغم الزيادات اللى عماله تزيدها من ساعتها بقت رقم 2 بعد الفيرنا يعنى عدت اللانوس كمان
اعتقد بس الزيادات الاخيره الوضع دا مش هايستمر