الموضوع: مساعدة فى شراء سماعات فى الرف الخلفى

انا عندى نفس عربيتى و لسه جايب سماعات كينود 400 وات دبل بيز بصراحه حكاية و كنت جايبهم ب 510

طب انا لسة جاى من جولة كبيرة انهاردة
انا كنت سألت على واحد جنب الشغل و ارخصهم فى التوفيقية ورحت محل روكيت اللى ميدان روكسى وواحد فى الزاوية الحمراء مشهور
بايونير 350 واط ماليزى بسعر 320 جنية و ممكن يبقى فيها كلام دا اللى جنب الشغل -- بس فى عضو قالى ممكن تكون مركونة عندة علشان مبقاش فى ماليزى -- ولا ممكن يكون فى بس غالى
عند ارخصهم اللى فى التوفيقية كل اللى عندة صينى و قعد يقولى ضمان سنة و الكلام دة بس اكيد الصوت مش زى الاوريجنال ولا اية
روكيت معندوش الا كينوود و سونى و سعر كينوود 300 واط 295 جنية و صناعة اندونيسى
المحل اللى فى الزاوية عندة كينوود 360 واط 295 جنية
بس البياع اللى فى محل روكيت قالى كلة بيطلع صوت نقى مش بايونير بس بس بتفرق من شركة لشركة فى البيز اعلى او التربل اعلى
و قالى السونى البيز بتاعها عالى
فأنتو قلولى اية رأيكو اشترى اية
و متشكر لمشاركتكم

المشاركة الأصلية كتبت بواسطة eldell

لو انت عايز بيز عالى يبقى كينوود لو عايز تربيلات اعلى من البيز يبقى سونى وفعلا السونى البيز بتاعها عااالى بس مش زى الكينوود
انزل توكيل كينوود فى التوفيقيه فى المول اول لما تطلع من السلم هتلاقيه فى وشك على طول هااات من عنده وهو توكيل لكينوود وسيمفونى

يعنى افهم من كلام حضرتك ان دول بقو احسن من بيايونير او اقل منهم فى البيز علما انى هشغلهم على الكاسيت اللى بيجى مع العربية لفترة كدة و مش غوى صوت عالى بس بحب اى الصوت طالع نضيف و نقى -- معلش استحملنى انا اول مرة اجيب سماعات زى دى و من كتر الاراء اشتت
و بعدين فى عضو فاضل هنا جايب اسعار حلوة جدا -- هل السماعات دى صينى هاى كوبى مثلا زى وش الموبيل كدة

المشاركة الأصلية كتبت بواسطة Mohab.Nabil

انا جيبت سماعات بايونيير 500 وات من الارخص صناعة فيتنامى و حلوين ماشاء الله

بصراحة انا شايف ان كله محصل بعضه يعنى كل الدول ديه زى بعض فى الصناعة الصين و فيتنام و تايلاند و اندونيسيا و ماليزيا و كده كده الماركة هتحافظ على اسمها و دا رأى الشخصى

مش عارف واللة هو كلام مقنع و خصوصا انة كلة دلوقتى بيصنع فى الصين علشان التكلفة تقل
بس معتقدش مع الفرق الرهيب دة فى السعر هتبقى بنفس الجودة و خصوصا ان عندنا تجار معندهمش ضمير و دول كتير
متشكر جدا لاهتمامكم