صباح الخير يا جماعة

القصة كلها اننا عايز أغير البوجيهات عندي ومحتار أجيب ايه..هي اللي راكبة فيها فيها ngk.

كنت بفكر البوجيهات اللي عليها العرض في شركة التوفيق بس بشمهندس ممدوح قالي فلوس على الفاضي وهات الأصلية بتاعت العربية أحسن.

طيب هي ايه البوجيهات الأصلية؟

وايه رأيكم بصراحة في البوجيهات اللي عليها العرض يعني أدائها كويس ولا لأ؟

وكمان انا دايما لما اشتري بوجيهات ngk جديدة بيبقى أدائها في الأول ممتاز وبعد اسبوع كدا ولا حاجة بس ان العربية بتنتش والسحب مبقاش زي الأول..مش عارف بقى البوجيهات اللي أنا جيبتها المرة اللي فاتت مضروبة ولا الــ ngk كدا عموما؟

وكمان عايز أعرف هو ايه كود البوجيهات بتاع اللانوس؟

وسؤال أخير:

يعني أظبط ثغرة البوجيهات على 0.7؟ وبتم ازاي؟ وايه الفايدة من كدا؟

ياريت تردو عليا يا جماعة عشان عايز أجيب البوجيهات دي النهارده قبل ما العرض يخلص.

وألف شكر.